ខេត្តកណ្តាល ៖ ផ្ទុះធុងហ្គាស ឆេះរោងចក្រផលិតស័ង្កសីស្នោ និង ទូរចល័ត រាលដាលឆេះផ្ទះពលរដ្ឋចំនួន០៤ខ្នង រួចក៏បន្តឆេះរោងចក្រ ក្បែរនោះយ៉ាងសន្ធោសន្ធៅ ហ៊ុយផ្សែងទ្រលោម…
ខេត្តកណ្តាល ៖ ផ្ទុះធុងហ្គាស ឆេះរោងចក្រផលិតស័ង្កសីស្នោ និង ទូរចល័ត រាលដាលឆេះផ្ទះពលរដ្ឋចំនួន០៤ខ្នង រួចក៏បន្តឆេះរោងចក្រ ក្បែរនោះយ៉ាងសន្ធោសន្ធៅ ហ៊ុយផ្សែងទ្រលោម និងអណ្តាតភ្លើងក្រហមឆ្អិនឆ្អៅ ឡើងលើអាកាស បង្កការភ្ញាក់ផ្អើលយ៉ាងខ្លាំង ទៅដល់បងប្អូនប្រជាពលរដ្ឋ ប្រញាប់រាយការណ៍ជូនសមត្ថកិច្ច ដើម្បីហៅរថយន្តពន្លត់អគ្គិភ័យចុះមកបាញ់ពន្លត់ ។
ហេតុការណ៍នេះបានកើតឡើងនៅវេលា ម៉ោង ១០ព្រឹក ថ្ងៃទី១ ខែមេសា ឆ្នាំ២០២៥ នេះ ទល់មុខ ស្ថានីយ ប្រេង ឥន្ធនៈ PTT អង្គស្នួល តាមបណ្ដោយ ផ្លូវ ជាតិ លេខ ៤ ចន្លោះ គីឡូម៉ែត្រ លេខ ២៧ -២៨ ស្ថិតនៅភូមិថ្លើក ឃុំពើក ស្រុកអង្គស្នួល ខេត្តកណ្តាល ។
បើយោងតាមប្រភពព័ត៌មានពីកម្មករ ក្នុងរោងចក្របានឲ្យដឹង ថាមុនពេលកើតហេតុ ពួកគាត់បានកំពុងតែធ្វើការដូចសព្វដង ស្រាប់តែឮសំឡេងផ្ទុះ ចំនួនមួយដង ក៏រូបគាត់បានដើរទៅមើលក្នុងឃ្លាំងដែលស្តុកស្នោ សំរាប់ផលិតស័ង្កសីស្នោ និង ទូរចល័ត ស្រាប់មានផ្សែង លាយឡំជាមួយនឹងអណ្ដាតភ្លើង ឆេះយ៉ាងសន្ធោរសន្ធៅ ភ្លាមៗនោះ កម្មករបាននាំគ្នាជួយបាញ់ជួយយកបំពង់ពន្លត់អគ្គិភ័យ និង ទុយោទឹកដើម្បីជួយបាញ់ពន្លត់ តែដោយសារស្ថានភាពនៃការឆាបឆេះ មានទ្រង់ទ្រាយធំ ពិបាកក្នុងការទប់ស្កាត់ ទើបបណ្តាលឲ្យមានការរាលដាល ទៅផ្ទះប្រជាពលរដ្ឋចំនួន០៤ខ្នងដែលនៅជាប់របងរោងចក្រ និងបន្តទៅ ឆាបឆេះរោងចក្រផលិតស្នោមួយកន្លែងទៀតដែលនៅក្បែរនោះតែម្តង ។
បន្ទាប់ពីទទួលបានដំណឹងថាមានករណីអគ្គិភ័យឆាបឆេះ រោងចក្រ ភ្លាមៗ លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល បានបញ្ជារឲ្យរថយន្តបង្ការអគ្គិភ័យ ពន្លត់ និងសង្គ្រោះ របស់ស្នងការដ្ឋាននគរបាលខេត្ត និង ស្រុក ជាច្រើនគ្រឿង សហការជាមួយប្រតិបត្តិការរុករកនិងសង្គ្រោះគ្រោះមហន្តរាយ៧១១ (កងពលតូចលេខ៧០ )ចេញទៅជួយអន្តរាគមន៍ពន្លត់អគ្គិភ័យផងដែរ ។
ចំពោះព័ត៌មានលម្អិតយ៉ាងណា ជុំវិញពាក់ព័ន្ធករណីអគ្គីភ័យខាងលើនេះ ក្រុមការងារកោះសន្តិភាពនិងធ្វើការ ផ្សាយជូនបន្តទៀត ៕
ចែករំលែកព័តមាននេះ