រាជធានីភ្នំពេញ ៖ ដើម្បីបង្កើនការសប្បាយរីករាយនៅថ្ងៃបុណ្យចូលឡឆ្នាំថ្មីនោះ ក្រុមការងារបានដាក់ពាងទឹកធុងទឹកជាច្រើនត្រៀមសម្រាប់ស្វាគមន៍អ្នកលេងទឹកក្នុងព្រឹត្តិការណ៍អង្គរសង្ក្រាន្តឆ្នាំ២០២៥ នាមាត់ស្ទឹងសៀមរាប ។ ការរៀបចំត្រៀមនេះ ខណៈពិធីបុណ្យប្រជាព្រៃណីជាតិខ្មែរកាន់តែខិតជិតមកដល់ពោល គឺសល់តែប្រមាណ១០ថ្ងៃតែប៉ុណ្ណោះ អ្វីដែលគួរកត់ស្គាល់នោះ…
រាជធានីភ្នំពេញ ៖ ដើម្បីបង្កើនការសប្បាយរីករាយនៅថ្ងៃបុណ្យចូលឡឆ្នាំថ្មីនោះ ក្រុមការងារបានដាក់ពាងទឹកធុងទឹកជាច្រើនត្រៀមសម្រាប់ស្វាគមន៍អ្នកលេងទឹកក្នុងព្រឹត្តិការណ៍អង្គរសង្ក្រាន្តឆ្នាំ២០២៥ នាមាត់ស្ទឹងសៀមរាប ។
ការរៀបចំត្រៀមនេះ ខណៈពិធីបុណ្យប្រជាព្រៃណីជាតិខ្មែរកាន់តែខិតជិតមកដល់ពោល គឺសល់តែប្រមាណ១០ថ្ងៃតែប៉ុណ្ណោះ អ្វីដែលគួរកត់ស្គាល់នោះ គឺនៅតាមទីវត្តអារាម សាលារៀន គ្រឹះស្ថាន រដ្ឋសភាឯកជនបានរៀបចំសង្ក្រានឆ្នាំថ្មីផងដែរ ។
បើយើងក្រលេងទៅមើលមាត់ស្ទឹងសៀមរាប ដែលជាកន្លែងទេសចរណ៍មួយសម្រាប់ភ្ញៀវទេសចរជាតិ អន្តរជាតិ មកលេងនោះបានរៀបចំពាងទឹកដោយលាបថ្នាំយ៉ាងស្អាត ជាមួយនឹងធុង ទឹកជាច្រើនសម្រាប់ផ្ទុកទឹកលេងនៅថ្ងៃសង្ក្រានចូលឆ្នាំ២០២៥ខាងមុខនេះ យ៉ាងច្រើនគឺជិត១០០ពាងឯណោះ។
ក្រុមការងារតស់ៗលេងទឹក តំបន់មាត់ស្ទឹងសៀមរាប ដែលដឹកនាំដោយ លោក ហួត សូនី ប្រធានក្រុមការងារបានចាប់ផ្តើមដំណើរ ការសាងសង់ និងរៀបចំតុបតែងលំនាំទីតាំង និងរៀបចំកន្លែងសម្រាប់លេង ល្បែងកម្សាន្តទាំងនៅលើគោក និងនៅលើទឹកជាមួយគ្នានេះ ពាងទឹកដែលលាបព័ណ៌អម ជាមួយអក្សរញញឹមសាទរយ៉ាងស្រស់ស្អាត ត្រូវបានដាក់ពង្រាយនៅតំបន់នេះហើយ ។
លោក ហួត សូនី បានឱ្យដឹងថា តំបន់តស់ៗលេងទឹកនៃព្រឹត្តិការណ៍អង្គរសង្ក្រាន្តឆ្នាំ២០២៥នេះ គឺបានដំណើរការសាងសង់ និងរៀបចំលម្អផ្សេងៗបានប្រមាណ៣០%ហើយ ។ ជាមួយគ្នានេះ ក្រុមងារតស់ៗលេងទឹកក៏បានកំពុងតែញាប់ដៃញាប់ជើង ដើម្បីរៀបចំឱ្យរួចទាន់ពេលវេលា។
លោកបានបន្តថា នៅតំបន់តស់ៗលេងទឹកនេះ គឺជាកន្លែងមួយដែលមានការចាប់អារម្មណ៍ និងមានភាពទាក់ទាញ ភ្ញៀវទេសចរដែលមកកម្សាន្តនៅក្នុងព្រឹត្តិការណ៍នេះជារៀងរាល់ឆ្នាំកម្រ និងហួសកន្លែងនេះណាស់ ព្រោះជាកន្លែងត្រជាក់ប្រជាពលរដ្ឋចូលចិត្តជាពិសេសយុវជន គឺតែងតែប្រមូលផ្តុំគ្នានៅតំបន់នេះ។
សម្រាប់កម្មវិធីនេះដែរ លោក ហួត សូនី បានបញ្ជាក់ថា នៅតំបន់តស់ៗលេងទឹកនេះ មានកម្មវិធីលេងកម្សាន្តជា ច្រើនមានដូចជាស្ពានញញឹមសាទរនៅដងស្ទឹង ជិះកង់ធ្លាក់ទឹកប្រដាល់ធ្លាក់ទឹក លេងទឹកជាមួយពពុះសាប៊ូនៅលើតង់ កញ្ញាធ្លាក់ទឹក និងកម្មផ្សេងៗជាច្រើនទៀត ហើយកម្មវិធីទាំងនេះ នឹងចាប់ផ្តើមលេងចាប់ពីថ្ងៃទី១៤ដល់១៦ ក្នុងព្រឹត្តិការអង្គរសង្កាន្ត នៃពិធីបុណ្យចូលឆ្នាំប្រពៃណីជាតិខ្មែរ។
ជាមួយគ្នានោះដែរ លោក សូនី ក៏អំពាវនាវដល់បងប្អូនដែលទៅលេងសៀមរាប សូមកុំភ្លេច ជួបគ្នានៅកម្មវិធី តស់ៗលេងទឹកនៃព្រឹត្តិការណ៍អង្គរសង្ក្រាន្តឆ្នាំ២០២៥ ដឹងតែសប្បាយ ក្រៅពីការលេងទឹក ដែលក្រុមការ ងារបានរៀបចំរួច ក៏នឹងមានការបានបាញ់ទឹក ពីក្រុមរថយន្ត របស់សមត្ថកិច្ចផងដែរ ដែលនិងធ្វើឱ្យកម្មវិធីនេះរឹតតែសប្បាយជាមិនខាន៕
ចែករំលែកព័តមាននេះ