រាជធានីភ្នំពេញ ៖ ទុស្សេខ្សែភ្លើងចេញពីកន្លែងកុងម៉ា បង្កជាអគ្គិភ័យឆាបឆេះផ្ទះជាន់ទី១ នៅខាងក្រោយផ្សារអូរឬស្សី បង្កការភ្ញាក់ផ្អើលប្រជាពលរដ្ឋ ។ ហេតុការណ៍នេះបានកើតឡើងនៅវេលាម៉ោង៦និង០៥នាទីព្រឹកថ្ងៃទី០៣ ខែមេសា ឆ្នាំ២០២៥…
រាជធានីភ្នំពេញ ៖ ទុស្សេខ្សែភ្លើងចេញពីកន្លែងកុងម៉ា បង្កជាអគ្គិភ័យឆាបឆេះផ្ទះជាន់ទី១ នៅខាងក្រោយផ្សារអូរឬស្សី បង្កការភ្ញាក់ផ្អើលប្រជាពលរដ្ឋ ។
ហេតុការណ៍នេះបានកើតឡើងនៅវេលាម៉ោង៦និង០៥នាទីព្រឹកថ្ងៃទី០៣ ខែមេសា ឆ្នាំ២០២៥ ស្ថិតនៅចំណុចផ្ទះលេខ៧១E1 ផ្លូវលេខ៦៦ ភូមិ០១ សង្កាត់អូរឬស្សីទី៣ ខណ្ឌ៧មករា រាជធានីភ្នំពេញ ។
ប្រភពព័ត៍មានពីប្រជាពលរដ្ឋបានអោយដឹងថា មុនកើតហេតុ គេឃើញម្ចាស់ផ្ទះបានរៀបចំសែន នៅកន្លែងកុងម៉ា នៅជាន់ទី០១ ខណៈបើកភ្លើងកន្លែងកុងម៉ា សែនបានមួយស្ទុះ ក៏ស្រាប់តែកើតមានផ្សែងហ៊ុយឆេះរាលដាល ដល់សម្ភារៈដែលតាំងនៅក្បែរនោះ បង្កការឆោរឡោរតែម្តង ។ ភ្លាមៗ ប្រជាពលរដ្ឋបានប្រញាប់រាយការណ៍ជូនសមត្ថកិច្ចជំនាញអគ្គិភ័យ អោយជួយចុះមកបាញ់ពន្លត់ ដើម្បីទប់ស្កាត់ការពារអគ្គិភ័យ ឆេះកាន់តែខ្លាំងឡើងបន្តទៀត ។
អគ្គិភ័យនេះដែរបានបង្កអោយឆាបឆេះផ្ទះជាន់ទី០១ ខូចខាតកុងម៉ា និងសម្ភារៈប្រេីប្រាស់ប្រចាំថ្ងៃអស់មួយចំនួន នឹងបានប្រើប្រាស់រថយន្តពន្លត់អគ្គិភ័យចំនួន០៤គ្រឿង ក្នុងនោះរួមមាន រថយន្តការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ចំនួន០៤គ្រឿង ប្រេីប្រាស់ទឹកអស់ចំនួន០១ឡាន ស្មើនឹង០៤ម៉ែត្រ គូប ។ ចំពោះមូលហេតុ សមត្ថកិច្ចបានស្រាវជ្រាវរកឃើញបណ្តាលមកពី ឆ្លងចរន្តអគ្គិសនីចេញពីកុងម៉ា ៕
ចែករំលែកព័តមាននេះ