ទីក្រុងប៉េកាំង ៖ ប្រទេសចិននៅថ្ងៃទី៣ ខែមេសា ឆ្នាំ២០២៥ បានជំរុញឱ្យអាមេរិកលុបចោលពន្ធគយចុងក្រោយបំផុតរបស់ខ្លួនជាបន្ទាន់ ដោយទីក្រុងប៉េកាំងបានប្តេជ្ញាចិត្តថានឹងចាត់វិធានការសងសឹកដើម្បីការពារផលប្រយោជន៍ផ្ទាល់ខ្លួន។ នេះបើយោងតាមប្រភពពីទីភ្នាក់ងារសារព័ត៌មាន Reuters បានចេញផ្សាយ។…
ទីក្រុងប៉េកាំង ៖ ប្រទេសចិននៅថ្ងៃទី៣ ខែមេសា ឆ្នាំ២០២៥ បានជំរុញឱ្យអាមេរិកលុបចោលពន្ធគយចុងក្រោយបំផុតរបស់ខ្លួនជាបន្ទាន់ ដោយទីក្រុងប៉េកាំងបានប្តេជ្ញាចិត្តថានឹងចាត់វិធានការសងសឹកដើម្បីការពារផលប្រយោជន៍ផ្ទាល់ខ្លួន។ នេះបើយោងតាមប្រភពពីទីភ្នាក់ងារសារព័ត៌មាន Reuters បានចេញផ្សាយ។
បន្ទាប់ពីការប្រកាសដាក់ពន្ធលើដៃគូពាណិជ្ជកម្មទាំងអស់របស់អាមេរិកពីសំណាក់លោកប្រធានាធិបតី ដូណាល់ ត្រាំ កាលពីថ្ងៃពុធកន្លងទៅ មួយថ្ងៃក្រោយមក ក្រសួងពាណិជ្ជកម្មចិនបានបញ្ជាក់ក្នុងសេចក្តីថ្លែងការណ៍មួយថា ចំណាត់ការរបស់អាមេរិកមិនយកចិត្តទុកដាក់លើតុល្យភាពផលប្រយោជន៍ដែលទទួលបានក្នុងការចរចាពាណិជ្ជកម្មពហុភាគីក្នុងរយៈពេលប៉ុន្មានឆ្នាំមកនេះ និងការពិតដែលបញ្ជាក់ថាវាទទួលបានអត្ថប្រយោជន៍យ៉ាងច្រើនពីពាណិជ្ជកម្មអន្តរជាតិជាយូរមកហើយ។
ក្រសួងគូសបញ្ជាក់ថា ប្រទេសចិនប្រឆាំងយ៉ាងម៉ឺងម៉ាត់ចំពោះបញ្ហានេះ ហើយនឹងចាត់វិធានការតបតដើម្បីការពារសិទ្ធិ និងផលប្រយោជន៍ផ្ទាល់ខ្លួន ខណៈសហរដ្ឋអាមេរិក ដែលជាប្រទេសសេដ្ឋកិច្ចធំជាងគេបំផុតលើពិភពលោកមើលទៅដូចជាជាន់កាន់តែជ្រៅទៅក្នុងសង្គ្រាមពាណិជ្ជកម្ម ដែលឈរឡើងដើម្បីបន្តខ្សែសង្វាក់ផ្គត់ផ្គង់ពិភពលោក។
លោក ត្រាំ បានប្រកាសដាក់ពន្ធលើប្រទេសចិន ៣៤% បន្ថែមពីលើពន្ធ ២០% ដែលលោកបានដាក់កាលពីដើមឆ្នាំនេះ ដែលនាំឱ្យពន្ធថ្មីសរុបដល់ ៥៤% និងជិតដល់អត្រា ៦០% ដែលលោកបានគម្រាមកំហែងអំឡុងពេលយុទ្ធនាការឃោសនា។ លោក ត្រាំ ក៏បានចុះហត្ថលេខាលើបទបញ្ជាប្រតិបត្តិបិទចន្លោះប្រហោងពាណិជ្ជកម្ម ដែលត្រូវបានស្គាល់ថា «De minimis» ដែលកន្លងមកបានអនុញ្ញាតឱ្យទំនិញតម្លៃទាបពីប្រទេសចិន និងហុងកុងចូលសហរដ្ឋអាមេរិកដោយមិនបង់ពន្ធ៕
ចែករំលែកព័តមាននេះ