ខេត្តបាត់ដំបង ៖ គ្រាប់យុទ្ធភណ្ឌមិនទាន់ផ្ទុះច្រើនប្រភេទ ដែលគេប្រទះឃើញនៅលើទួលមួយកន្លែង ត្រូវបានមន្ត្រីស៊ីម៉ាក់ចុះប្រមូលយកទៅកម្ទេចចោល កាលពីវេលាម៉ោង១០និង៣០នាទីព្រឹកថ្ងៃទី០៣ មេសា នៅចំណុចទូលតាយ៉ាប ស្ថិតក្នុងភូមិអូរមុនី ឃុំអន្លង់វិល…
ខេត្តបាត់ដំបង ៖ គ្រាប់យុទ្ធភណ្ឌមិនទាន់ផ្ទុះច្រើនប្រភេទ ដែលគេប្រទះឃើញនៅលើទួលមួយកន្លែង ត្រូវបានមន្ត្រីស៊ីម៉ាក់ចុះប្រមូលយកទៅកម្ទេចចោល កាលពីវេលាម៉ោង១០និង៣០នាទីព្រឹកថ្ងៃទី០៣ មេសា នៅចំណុចទូលតាយ៉ាប ស្ថិតក្នុងភូមិអូរមុនី ឃុំអន្លង់វិល ស្រុកសង្កែ។
សេចក្ដីរាយការណ៍បានឲ្យដឹងថា គ្រាប់យុទ្ធភណ្ឌទាំងនេះ ត្រូវបានគេប្រទះឃើញនៅលើដីទូលត្រង់ចំណុចខាងលើ ហើយត្រូវបានគេរើសប្រមូលទុកមួយកន្លែង មុនពេលរាយការណ៍ប្រាប់អាជ្ញាធរ និងអង្គភាពស៊ីម៉ាក់ ។
ក្នុងចំណោមគ្រាប់យុទ្ធភណ្ឌទាំងនោះ បើយោងតាមរបាយការណ៍រួមមាន៖ គ្រាប់មីនតោនចំនួន០១គ្រាប់ គ្រាប់មីន៦៩ ចំនួន០៤គ្រាប់ គ្រាប់មីន៧២A ចំនួន០៤គ្រាប់ គ្រាប់កាំភ្លើងត្បាល់ធុន៦០
ម.ម ចំនួន៣៤គ្រាប់ គ្រាប់កាំភ្លើងត្បាល់ធុន៨២ម.ម ចំនួន០៦គ្រាប់ និងគ្រាប់B៦២ ចំនួន០១គ្រាប់។
ពាក់ព័ន្ធនឹងគ្រាប់កាំភ្លើងខាងលើនេះ បើតាមសមត្ថកិច្ចបានឲ្យដឹងថា គ្រាប់កាំភ្លើងទាំងនេះត្រូវគេប្រទះឃើញខ្លះកប់ដី និងខ្លះនៅលើដីត្រង់ចំណុចទួលខាងលើ តែវាមានស្ថានភាពច្រេះចាប់ និង ខូចខាតអស់ហើយ។
យ៉ាងណា ពេលនេះ មន្ត្រីស៊ីម៉ាក់បានចុះទៅប្រមូលយក ដើម្បីកម្ទេចចោលហើយ៕
ចែករំលែកព័តមាននេះ