ខេត្តពោធិ៍សាត់៖ ប្រជាពលរដ្ឋប្រមាណជិត១ពាន់គ្រួសារ រស់តាមព្រំដែនកម្ពុជា-ថៃ ក្នុងភូមិសាស្ដ្រខេត្តពោធិ៍សាត់ ទទួលបាន​អំណោយមនុស្សធម៌របស់ប្រជាជនក្នុងខេត្តពោធិ៍សាត់ និងសប្បុរសជន។

​យោងតាមការចុះផ្សាយរបស់ រដ្ឋបាលខេត្តពោធិ៍សាត់ បានឱ្យដឹងថារសៀលថ្ងៃ​ទី១៧ ខែកញ្ញា ឆ្នាំ២០២៥ នេះ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញចុះជួបសំណេះសំណាលសាកសួរសុខទុក្ខ និងនាំយកអំណោយមនុស្សធម៌ របស់ប្រជាជនក្នុងខេត្តពោធិ៍សាត់ និងសប្បុរសជន មកចែកជូនដល់បងប្អូនពុកម៉ែប្រជាពលរដ្ឋ ដែលរស់តាមព្រំដែនកម្ពុជា-ថៃ ចំនួន៨៩៤គ្រួសារ នៅឃុំថ្មដា ស្រុកវាលវែង ខេត្តពោធិ៍សាត់។

ពិធីនេះប្រារព្ធធ្វើឡើងនៅបរិវេណសាលាឃុំថ្មដា ដោយមានការចូលរួមពី លោកអភិបាលរងខេត្ត មន្ទីរ អង្គភាព និងអាជ្ញាធរមូលដ្ឋានយ៉ាងច្រើនកុះករ​៕