ខេត្តកំពង់ឆ្នាំង ៖ បន្ទាប់ពីល្បីក្នុងបណ្ដាញសង្គមកាលពីពេលថ្មីៗនេះ ដោយសារតែមានការបង្ហោះតាមហ្វេសប៊ុកពីវត្តទិត្តំរង្សី ហៅវត្តអណ្ដូងប្រេង ស្ថិតនៅក្នុងភូមិអណ្តូងប្រេង ឃុំក្រាំងលាវ ស្រុក រលាប្អៀរថា ជាវត្តអត្តខាត់…
ខេត្តកំពង់ឆ្នាំង ៖ បន្ទាប់ពីល្បីក្នុងបណ្ដាញសង្គមកាលពីពេលថ្មីៗនេះ ដោយសារតែមានការបង្ហោះតាមហ្វេសប៊ុកពីវត្តទិត្តំរង្សី ហៅវត្តអណ្ដូងប្រេង ស្ថិតនៅក្នុងភូមិអណ្តូងប្រេង ឃុំក្រាំងលាវ ស្រុក រលាប្អៀរថា ជាវត្តអត្តខាត់ ពុំមានពុទ្ធបរិស័ទទៅដាក់បិណ្ឌ ភ្នាក់ងារកោះសន្តិភាព បានព្យាយាមទាក់ទងទៅព្រះគ្រូចៅអធិការវត្តខាងលើ និងទទួលបានព័ត៌មានថា ការផុសបង្ហោះរបស់ព្រះចៅអធិការវត្តត្រឹមតែមួយថ្នាំងដៃ ប៉ុន្តែអ្នកយកទៅផុសបន្តពន្លើសប្រវែងជាង១ម៉ែត្រ ធ្វើឲ្យមានការភ័ន្តច្រឡំ ។
ព្រះគ្រូចៅអធិការវត្តទិត្តំរង្សី ហៅវត្តអណ្ដូងប្រេង ព្រះនាម ពេជ្រ វេហា មានថេរដីកាតាមទូរស័ព្ទប្រាប់ភ្នាក់កោះសន្តិភាព នៅព្រឹកថ្ងៃទី១៧ ខែកញ្ញា ឆ្នាំ២០២៥ថា ព្រះអង្គពិតជាបានផុសថា វេនបិណ្ឌទី១៣និងទី១៤ មិនមានម្ចាស់កាន់បិណ្ឌពិតមែន ។ ប៉ុន្តែអ្នកយកទៅផុសបន្តពន្លូតវែងឆ្ងាយហួសព្រំដែន ដែលមិនមែនជាគំនិតអាត្មា ធ្វើឲ្យមានការភ័ន្តច្រឡំ ។
ទោះជាយ៉ាងនេះក្តី ព្រះចៅអធិការវត្តក៏បានរំឭកថា ចាប់ពីបិណ្ឌ១រហូតមកដល់ថ្ងៃនេះ ក៏មានបាត់ម្ចាស់កាន់បិណ្ឌ២វេនមែន តែក៏មានពុទ្ធបរិស័ទចូលមកបំពេញបង្គ្រប់អស់ហើយដែរ ។ ថ្ងៃនេះជាថ្ងៃបិណ្ឌទី១០ និងរហូតដល់ថ្ងៃបិណ្ឌទី១២ គឺមានម្ចាស់កាន់បិណ្ឌហើយដែរ លើកលែងតែបិណ្ឌទី១៣និងទី១៤ ពិតជាមិនមានម្ចាស់កាន់បិណ្ឌមែន តែទោះមិនមានម្ចាស់វេន ក៏មានពុទ្ធបរិស័ទយក
ចង្ហាន់មកវត្តពីគ្រប់ទិសទីដែរ ។
ទាក់ទិននឹងការបង្ហោះរបស់ព្រះចៅអធិការ ដែលធ្វើឱ្យ មាន ការយល់ច្រឡំថា វត្តអត្តខាត់នោះ
ដោយសារតែគេមិនយល់ តាមរយៈព្រះតេជគុណថា វេនបិណ្ឌទី១៣និងទី១៤មិនមានម្ចាស់បិណ្ឌ តែមិនមានន័យថា ដាច់ចង្ហាន់ទេ ៕
ចែករំលែកព័តមាននេះ