រាជធានីភ្នំពេញ ៖ គេនៅចាំបានថាកាលពីជាង១០ថ្ងៃមុនមានបុរសម្នាក់បានកាន់រូបថតប្រពន្ធនិងសំបុត្រអាពាហ៍ពិពាហ៍ធ្វើដំណើរទៅកាន់សាលាសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ដើម្បីសុំឲ្យអាជ្ញាធរជួយអន្តរាគមន៍ ហៅប្រពន្ធមកជួបដោះស្រាយគ្នាផ្ដិតមេដៃលែងលះគ្នាចែកកូននិងទ្រព្យសម្បត្តិគ្នាបញ្ចប់រឿង ។ ដោយពេលនោះបុរសខាងលើបានចោទប្រពន្ធថាបានរៀបការជាមួយគ្នារយៈពេលជិត២០ឆ្នាំ បង្កើតបានកូនប្រុសនិងកូនស្រីចំនួន៤នាក់ទៅហើយ នៅពេលខ្លួនជាប់ពន្ធនាគារ១ឆ្នាំ ស្រាប់តែប្រពន្ធក្បត់ចិត្តទៅមានប្រុសថ្មីរួចនាំកូនៗរត់ចោលខ្លួនទៀត ពេលនេះស្រាប់តែបុរសនោះបានចង កសម្លាប់ខ្លួន ។ គួររំលឹកថា ប្ដីជា.ប់គុកប្រពន្ធមានប្រុសថ្មី ប្ដីចេញមកវិញប្រពន្ធនាំកូនៗ រត់ចោលបាត់ នៅសង្កាត់ចោមចៅទី៣
ក្រោយពេលឮដំណឹងថាប្ដីចង ក ស្លាប់នាងជាប្រពន្ធបានទៅមើលទាំងរន្ធត់ចិត្តនិងបានបដិសេធន៍ថានាងគ្មានប្រុសថ្មីអីនោះទេ ហើយនាងនិយាយថា ប្ដីរូបរបស់នាងរូបនេះគឺជាមនុស្សដែលសេពគ្រឿងញៀនងប់ងល់និងល្បែងសុីសង ហើយដោយសារតែយកម៉ូតូគេមកលក់លេងល្បែងទើបត្រូវជាប់ពន្ធនាគារ១ឆ្នាំ ដែលទើបតែចេញមកវិញបានជាង១ខែប៉ុណ្ណោះ ។ ក្រោយពេលចេញមកវិញតែងតែរករឿងនាងដោយគ្មានមូលហេតុ និងគំរាមសម្លាប់នាងរហូត ហើយជាចុងក្រោយបានយកកាំបិតដាក់លើ ក នាងហើយនិយាយថាសម្លាប់នាងរួចនិងអារ ក សម្លាប់ខ្លួនឯងតាមក្រោយ ចំពោះកូនៗចង់ទៅណាក៏ទៅៗ ពេលនោះដោយខ្លាចស្លាប់ ទើបនាងនាំកូនៗគេចចេញពីផ្ទះទៅនៅផ្ទះម្ដាយមីងឯបុរីពិភពថ្មី២ជាបណ្ដោះអាសន្នសិនប៉ុណ្ណោះ មិនបានរត់តាមប្រុសឡើយ ។
បុរសប្ដីរូបនោះត្រូវបានគេប្រទះឃើញចង ក សម្លាប់ខ្លួនបង្កឲ្យមានការភ្ញាក់ផ្អើល កាលពីវេលាម៉ោង១១និង១៥នាទីព្រឹកថ្ងៃទី៣ ខែមេសា ឆ្នាំ២០២៥ នៅក្នុងបន្ទប់ជួលមួយកន្លែង ស្ថិតនៅក្នុងភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
បុរសជាប្ដីរូបនោះឈ្មោះប៉ុន ប៉ុល អាយុ៤៥ឆ្នាំ អតីតជាកម្មករដឹកសាច់គោឲ្យកុងស៊ីកាប់គោមួយកន្លែងនៅឃុំទួលព្រេជស្រុកអង្គស្នួល ខែត្តកណ្ដាល មានស្រុកកំណើតនៅភូមិរាយប៉ាយលើ ឃុំរាយប៉ាយ ស្រុកកងមាស ខេត្តកំពង់ចាម ។ ចំណែកស្ត្រីជាប្រពន្ធឈ្មោះចន ចាន់ថន អាយុ៣៨ឆ្នាំ មុខរបរកម្មការិនីរោងចក្រស្បែកជើងយីង ដុង នៅភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ មានស្រុកកំណើតភូិល្វា ឃុំល្វា ស្រុកព្រៃឈរ ខេត្តកំពង់ចាម អ្នកទាំង២មានកូនប្រុសចំនួន៣ និងកូនស្រី១នាក់ ហើយកូនប្រុសច្បងអាយុ១៤ឆ្នាំ និងកូនស្រីពៅអាយុ៥ឆ្នាំ ។
បើតាមបុរសអ្នកលក់អីវាន់ចាបហួយម្នាក់បាននិយាយថា បុរសឈ្មោះប៉ុន ប៉ុលនោះបានជំពាក់ប្រាក់ថ្លៃទិញអីវាន់ចាបហួយគាត់ច្រើនគួរសមដែរគឺបានទិញជឿយកទៅហូបរាល់ថ្ងៃ ហើយអត់ដែលបានសងនោះទេ ទើបនៅថ្ងៃកើតហេតុគាត់បានទៅទារប្រាក់ដែលជំពាក់នោះដល់បន្ទប់ស្នាក់នៅតែម្ដង ។ លុះពេលទៅដល់បានឃើញទ្វារបន្ទប់បិទជិតពេលនោះគាត់បានរុញទ្វារចូលទៅស្រាប់តែឃើញលោក ប៉ុន ប៉ុលនោះចង ក និងខ្សែអង្រឹងជាប់ទ្វារបន្ទប់ទឹកស្លាប់បាត់ទៅហើយ ដោយពុំដឹងថាស្លាប់តាំងពីពេលណាទេ ទើបគាត់ស្រែកប្រាប់អ្នកជិតខាងឲ្យជួយមើលបង្កការភ្ញាក់ផ្អើលនិងប្ដឹងនគរបាលចុះទៅធ្វើកោសល្យវិច័យភ្លាមៗតែម្ដង ។
សូមរម្លឹកផងដែរថា កាលពីជាង១០ថ្ងៃមុនគឺនៅវេលាព្រឹកថ្ងៃទី២០ ខែមីនា ឆ្នាំ២០២៥ កន្លងទៅនេះ បុរសនោះបានកាន់រូបថតប្រពន្ធនិងសំបុត្រអាពាហ៍ពិពាហ៍ធ្វើដំណើរទៅកាន់សាលាសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ស្នើរឲ្យអាជ្ញាធរជួយអន្តរាគមន៍ ហៅប្រពន្ធមកជួបដោះស្រាយគ្នាផ្ដិតមេដៃលែងលះគ្នាចែកកូននិងទ្រព្យសម្បត្តិគ្នាបញ្ចប់រឿង ។ ដោយបាននិយាយថា គ្រួសារខ្លួនមានជីវភាពក្រីក្រមែន ប៉ុន្តែមានសុភមង្គលណាស់ ប្ដីប្រពន្ធចេះយល់ចិត្តគ្នា ហើយក្រោយពីចាប់ដៃគ្នាជាប្ដីប្រពន្ធរយៈពេលជិត២០ឆ្នាំ បង្កើតបានកូនប្រុសនិងកូនស្រីចំនួន៤នាក់ និងបានផ្លាស់ទីមករស់នៅផ្ទះជួលរកស៊ីនៅរាជធានីភ្នំពេញរយៈពេល៩ឆ្នាំកន្លងមកហើយ ។
ដោយខ្លួនជាប្ដីធ្វើជាកម្មករដឹកសាច់គោឲ្យកុងស៊ីកាប់គោមួយកន្លែងនៅស្រុកអង្គស្នួល ខែត្តកណ្ដាល ចំណែកស្ត្រីជាប្រពន្ធធ្វើជាកម្មការិនីរោងចក្រស្បែកជើងនៅភ្នំពេញ ។ ប៉ុន្តែអ្វីៗមិនទៀងទាត់ឡើយ សុភមង្គលបានរលាយសាបសូន្យបាត់អស់ នៅពេលដែលខ្លួនត្រូវមិត្តភក្ដិបោកយកម៉ូតូ១គ្រឿងដែលថៅកែទិញឲ្យជិះសម្រាប់ដឹកសាច់គោទៅបាត់ បន្ទាប់មកត្រូវបានថៅកែកុងស៊ីកាប់គោខាងលើប្ដឹងដាក់គុករយៈពេល១ឆ្នាំ ។ នៅក្នុងពេលកំពុងជាប់គុកស្រាប់តែប្រពន្ធមានប្រុសថ្មី ទៀត លុះពេលខ្លួនចេញពីគុកមកវិញ កូនៗបានប្រាប់រឿងប្រពន្ធមានប្រុសថ្មីនេះ គាត់ក៏បានសួរថា «តើរវាងប្ដីនិងប្រុសថ្មីយកមួយណា ? ប្រពន្ធឆ្លើយថាយកប្ដី » ប៉ុន្តែទីបំផុតនៅជាមួយគ្នាបាន១២ថ្ងៃប៉ុណ្ណោះ ប្រពន្ធក៏នាំកូនរត់ចោលគាត់ទៅតាមប្រុសថ្មីបាត់ ។
ប៉ុន្តែខណៈនោះអាជ្ញាធរសង្កាត់ចោមចៅទី៣បានប្រាប់ថា ដើម្បីត្រឹមត្រូវតាមច្បាប់អាជ្ញាធរសង្កាត់ចោមចៅទី៣ មិនអាចដោះស្រាយ ឬឲ្យអ្នកទាំង២លែងលះគ្នាបានទេ ព្រោះប្ដីប្រពន្ធខាងលើរៀបការ និងចុះសំបុត្រអាពាហ៍ពិពាហ៍ នៅឯឃុំល្វា ស្រុកព្រៃឈរ ខេត្តកំពង់ចាម ។ បន្ទាប់មកអាជ្ញាធរបានប្រាប់ឲ្យឲ្យបុរសនោះទៅប្ដឹងនិងដោះស្រាយគ្នានៅឯកន្លែងដែលពួកគាត់រៀបការនិងចុះសំបុត្តអាពាហ៍ពិពាហ៍នោះវិញ ម្យ៉ាងទៀតបើពួកគាត់មានអេតាស៊ីវិលបែបនេះទៀតនោះរឹតតែមិនអាចលែងលះគ្នានៅថ្នាក់ឃុំ ស្រុកបានទៀតគឺមានតែឡើងដល់តុលាការទេ ទើបអាចលែងគ្នាដាច់ស្រេចបាន ។
ក្រោយមកបុរសនោះក៏បានចាកចេញពីសាលាសង្កាត់ចោមចៅទី៣ទៅបាត់ ហើយរឿងនោះក៏ស្ងប់ស្ងាត់ទៅវិញ ចំណែកឯស្ត្រីជាប្រពន្ធក៏មិនបនចេញមុខមកបកស្រាយភ្លាមៗនោះដែរ ស្រាប់តែពេលនេះបុរសនោះក៏បានចង ក សម្លាប់ខ្លួនបណ្ដាលឲ្យស្លាប់បាត់បង់ជីវិតបែបនេះ ហើយប្រពន្ធក៏បានទៅមើលនិងយកសពធ្វើបុណ្យ តាមប្រពៃណី ។
នាងជាប្រពន្ធបានបដិសេធន៍រាល់ការចោទប្រកាន់ពីសំណាក់ប្ដីរូបនោះដែលថានាងមានប្រុសថ្មីហើយរត់តាមប្រុសថ្មីនោះថាជារឿងមិនពិតឡើយ នាងបាននិយាយថា ប្ដីរបស់រូបរបស់នាងរូបនោះគឺជាមនុស្សដែលសេពគ្រឿងញៀន ហើយងប់ងល់និងល្បែងសុីសង ល្បែងណេត ។ ដោយសារតែយកម៉ូតូដែលថៅកែទិញឲ្យដឹកសាច់គោបោះឲ្យម៉ូយទៅលក់លេងល្បែងអស់នោះហើយ ទើបត្រូវគេប្ដឹងរហូតជាប់ពន្ធនាគាររយៈពេល១ឆ្នាំ ហើយទើបតែចេញមកវិញបានជាង១ខែប៉ុណ្ណោះ ។
នាងបាននិយាយទៀតថា ក្រោយពេលចេញពីពន្ធនាគារមកវិញប្ដីតែងតែរករឿងនាងដោយគ្មានមូលហេតុ និងគំរាមសម្លាប់នាងចោលរហូត ហើយជាចុងក្រោយនៅថ្ងៃទី៨ ខែមិនា ឆឆ្នាំ២០២៥ បានយកកាំបិតដាក់លើ ក នាងប្រុងអារ ក សម្លាប់នាងចោល ព្រមទាំងនិយាយថា សម្លាប់នាងរួចគាត់និងអារ ក សម្លាប់ខ្លួនឯងតាមក្រោយ ហើយកូនៗទៅណាក៏ទៅៗ អត់ខ្វល់ទេ ។ ពេលនោះនាងមានការភ័យខ្លាចខ្លាំងណាស់ ហើយគិតថាថ្ងៃណាមួយនិងត្រូវស្លាប់ព្រោះស្នាដៃប្ដីមិនខានទេ ទើបនាងសម្រេចចិត្តនាំកូនតូចៗ២នាក់គេចចេញពីផ្ទះទៅស្នាក់នៅផ្ទះម្ដាយមីងឯបុរីពិភពថ្មី២ បណ្ដោះអាសន្នមូុរយៈសិន ចំណែលកូនច្បង២នាក់ទៀតកំពុងរៀនជួសជុលរថយន្តនៅឯកំបូល គឺនាងមិនបានរត់តាមប្រុសនោះឡើយ ។
នាងប្រពន្ធបានបញ្ជាក់បន្ថែមទៀតថា ពេលនោះប្ដីនៅផ្ទះជួលខាងលើតែម្នាក់ឯងរហូតមក ហើយនាងក៏មិនបានដឹងរឿងថាប្ដីមានរឿងអ្វីផ្សេងនៅក្នុងចិត្តទៀតដែរ ទើបចង ក សម្លាប់ខ្លួនបែបនេះ ព្រោះមួយរយៈនេះរស់នៅផ្សេងគ្នា ប៉ុន្តែនាងក៏ឧស្សាហ៍ខលសួរមេការផ្ទះជួលពីសុខទុក្ខប្ដីដែរ ។ ទោះបីបែបណានាងនៅមុនពេលប្ដីស្លាប់នាងបានដឹងថា ប្ដីបានយកម៉ូតូបងប្រុសរបស់ខ្លួន១គ្រឿងទៅបញ្ចាំយកលុយលេងល្បែង ហើយគ្មានលុយទៅលោះយកមកវិញឡើយ ដែលសង្ស័យថាពិបាកចិត្តរឿងនិងផងនិងរឿងផ្សេងៗទៀតផង ទើបប្ដីនាងសម្រេចចិត្តចង ក សម្លាប់ខ្លួនបែនេះក៏មិនដឹងដែរ ៕
ចែករំលែកព័តមាននេះ