ADផ្ទាំងផ្សព្វផ្សាយពាណិជ្ជកម្ម

Picture

ព្រោះតែស្រាយគំនុំចាស់ទាញកន្ត្រៃចា.ក់គូទំនាស់របួសធ្ងន់ ប្តឹងនគរបាលឃាត់ខ្លួន នៅស្រុក​ប​សេដ្ឋ

20 ម៉ោង មុន
  • កំពង់ស្ពឺ

ខេត្តកំពង់ស្ពឺ ៖ យុវជន​ដៃដល់​ម្នាក់​ត្រូវ​បាន​នគរបាល​ធ្វើការ​ឃាត់ខ្លួន​បន្ទាប់​ពី​យក​កន្ត្រៃ​ចា.ក់​ទៅ​លើ​ជន​រង​គ្រោះ​ ដែល​គូទំនាស់​ចាស់​កំពុង​តែ​ដើរ​លេង​ម្នាក់ឯង នៅ​ក្នុង​ចម្ការ​បណ្តាល​ឱ្យ​រង​របួស​ធ្ងន់ធ្ងរ​។ ការ​ឃាត់ខ្លួន​យុវជន​ដៃដល់ បាន​កាលពី​ល្ងាច​ថ្ងៃ​ទី​០១ ខែមេសា ឆ្នាំ​២០២៥ ស្ថិត​ក្នុងភូមិ​ព្រះ​ម្លប់…

ខេត្តកំពង់ស្ពឺ ៖ យុវជន​ដៃដល់​ម្នាក់​ត្រូវ​បាន​នគរបាល​ធ្វើការ​ឃាត់ខ្លួន​បន្ទាប់​ពី​យក​កន្ត្រៃ​ចា.ក់​ទៅ​លើ​ជន​រង​គ្រោះ​ ដែល​គូទំនាស់​ចាស់​កំពុង​តែ​ដើរ​លេង​ម្នាក់ឯង នៅ​ក្នុង​ចម្ការ​បណ្តាល​ឱ្យ​រង​របួស​ធ្ងន់ធ្ងរ​។

ការ​ឃាត់ខ្លួន​យុវជន​ដៃដល់ បាន​កាលពី​ល្ងាច​ថ្ងៃ​ទី​០១ ខែមេសា ឆ្នាំ​២០២៥ ស្ថិត​ក្នុងភូមិ​ព្រះ​ម្លប់ ឃុំ​ភា​រី​មាន​ជ័យ ស្រុក​ប​សេដ្ឋ ខេត្តកំពង់ស្ពឺ ។

មន្ត្រី​នគរបាល​ស្រុក​បាន​និយាយ​ឱ្យ​ដឹង​ថា ជនសង្ស័យ​ដៃដល់​ដែល​ឃាត់ខ្លួន​បាន​មានឈ្មោះ ឆិត ប្រុស​ជាតិ ភេទ​ប្រុស អាយុ​២២​ឆ្នាំ មុខរបរ​មិន​ពិតប្រាកដ រស់នៅ​ក្នុងភូមិ​ព្រះ​ម្លប់ ឃុំ​ភា​រី​មាន​ជ័យ ស្រុក​ប​សេដ្ឋ ខេត្តកំពង់ស្ពឺ ។

ចំណែក​ជន​រង​គ្រោះ​មានឈ្មោះ អ៊ូច ទិ​ត្យ ភេទ​ប្រុស អាយុ​៣៨​ឆ្នាំ រស់នៅ​ក្នុងភូមិ​ព្រះ​ម្លប់ ឃុំ​ភា​រី​មាន​ជ័យ ស្រុក​ប​សេដ្ឋ ខេត្តកំពង់ស្ពឺ (​រង​របួស​កំពុង​សម្រាក​ព្យាបាល​នៅ​គ្លីនិក​ឯកជន​មួយ​) ។

មន្ត្រី​នគរបាល​ស្រុក​ដដែល​បាន​បន្ត​ថា នៅ​មុន​ពេល​កើតហេតុ ជន​រង​គ្រោះ​ឈ្មោះ អ៊ូច ទិ​ត្យ បាន​ទៅ​លេង​ដីចម្ការ​ម្នាក់ឯង ស្ថិត​ក្នុងភូមិ​ព្រះ​ម្លប់ ឃុំ​ភា​រី​មាន​ជ័យ ស្រុក​ប​សេដ្ឋ ខេត្តកំពង់ស្ពឺ ហើយ​មាន​ជនសង្ស័យ​ដៃដល់​ឈ្មោះ ឆិត ប្រុស​ជាតិ ភេទ​ប្រុស អាយុ​២២​ឆ្នាំ រស់នៅ​ភូមិ​-​ឃុំ​កើតហេតុ​ខាងលើ បាន​យក​កន្ត្រៃ​ចា.ក់​លើ​ជន​រង​គ្រោះ បណ្តាល​ឱ្យ​រង​របួស​ចំនួន​០៤​កន្លែង ក្រោម​ថ្គាម​ខាងស្តាំ​០១​កន្លែង ក្រោម​ចុងដង្ហើម​០១​កន្លែង ច្រមុះ​០១​កន្លែង និង​ដៃ​ខាងស្តាំ​០១​កន្លែង ធ្ងន់ធ្ងរ ត្រូវ​បងប្អូន​បញ្ជូន​ទៅ​គ្លីនិក​ឯកជន​មួយ ដើម្បី​សង្គ្រោះ និង​ព្យាបាល ។ ក្រោយ​ពី​ធ្វើ​សកម្មភាព​រួច​ជនសង្ស័យ​ដៃដល់​បាន​រត់គេច​ខ្លួន​បាត់​ទៅ ។

មន្ត្រី​នគរបាល​ស្រុក​ដដែល​បាន​បន្ត​ទៀត​ថា នៅ​រសៀល​ថ្ងៃ​ទី​០១ ខែមេសា ឆ្នាំ​២០២៥​ដដែល ឈ្មោះ អ៊ូច លាប (​ត្រូវជា​បង​បង្កើត​របស់​ជន​រង​គ្រោះ​) អាយុ​៤១​ឆ្នាំ រស់នៅ​ភូមិ​-​ឃុំ​ខាងលើ​បាន​មក​ដាក់​ពាក្យបណ្តឹង​នៅ​ប៉ុស្តិ៍​នគរបាល​រដ្ឋបាល​ឃុំ ភា​រី​មាន​ជ័យ​សុំ​ឱ្យ​នគរបាល​ជួយ​អន្តរាគមន៍ ឃាត់ខ្លួន​ជនសង្ស័យ​ដៃដល់​ឈ្មោះ ឆិត ប្រុស​ជាតិ ចាត់ការ​តាម​ផ្លូវច្បាប់ ។

ក្រោយ​ពី​ទទួល​បាន​ពាក្យបណ្តឹង​ពី​បងប្រុស​ជន​រង​គ្រោះ​រួច កម្លាំង​ជំនាញ​ព្រហ្មទណ្ឌ​ស្រុក​ប​សេដ្ឋ បាន​សហការ​ជាមួយ​ប៉ុស្តិ៍​នគរបាល​ឃុំ​ភា​រី​មាន​ជ័យ ចុះ​ដល់​កន្លែង​កើតហេតុ​កសាង​សំណុំរឿង​តាម​នីតិវិធី និង​បាន​បន្ត​ឃាត់ខ្លួន​ជនសង្ស័យ​ដៃដល់​យក​ទៅ​សួរ​នៅ​អធិការ​ស្រុក​ប​សេដ្ឋ​តែ​ម្តង ។

តាម​ចម្លើយ​សារភាព​របស់​ជនសង្ស័យ​ថា ខ្លួន​ពិតជា​បាន​ធ្វើ​សកម្មភាព​យក​កន្ត្រៃ​ចាក់​លើ​ជន​រង​គ្រោះ ឈ្មោះ អ៊ូច ទិ​ត្យ ប្រាកដ​មែន ។ មូលហេតុ​នោះ គឺ​ធ្លាប់​មាន​ទំនាស់​ជាមួយ​គ្នា​កន្លង​មក ។

មន្ត្រី​នគរបាល​ស្រុក​ប​សេដ្ឋ​បាន​បញ្ជាក់​ថា ជនសង្ស័យ​ដៃដល់​ឈ្មោះ ឆិត ប្រុស​ជាតិ​នេះ ជា​មនុស្ស​មាន​ចា​រិ​ត​កាច​សាហាវ នឹង​តែងតែ​បង្ក​ការ​អុកឡុក​ក្នុង​មូលដ្ឋាន និង​ធ្លាប់​ចូល​មណ្ឌល​កែប្រែ​បន្សាប​គ្រឿង​ញៀ​.​ន​០១​ដង​រួច​មក​ហើយ​ប៉ុន្តែ​មិន​កែ​ចរិត​ឡើយ​។

បច្ចុប្បន្ន ជនសង្ស័យ​ដៃដល់​រួម​ជាមួយ និង​វត្ថុ​តាង នគរបាល​ជំនាញ​បាន​កសាង​សំណុំរឿង​ចាត់ការ​បន្ត​តាម​ផ្លូវច្បាប់ ៕

អត្ថបទសរសេរ ដោយ

កែសម្រួលដោយ