រាជធានីភ្នំពេញ ៖ កម្លាំងសមត្តកិច្ចការិយាល័យនគរបាលព្រហ្ម ទណ្ឌកម្រិតស្រាលរាជធានីភ្នំពេញ កាលពីរសៀលថ្ងៃទី១ ខែ មេសា ឆ្នាំ២០២៥ បានធ្វើការចាប់អាជីវករម្មាក់នៅចំណុចស្ថានី យ៍ប្រេងឥន្ធនៈភីធីធី…
រាជធានីភ្នំពេញ ៖ កម្លាំងសមត្តកិច្ចការិយាល័យនគរបាលព្រហ្ម ទណ្ឌកម្រិតស្រាលរាជធានីភ្នំពេញ កាលពីរសៀលថ្ងៃទី១ ខែ មេសា ឆ្នាំ២០២៥ បានធ្វើការចាប់អាជីវករម្មាក់នៅចំណុចស្ថានី យ៍ប្រេងឥន្ធនៈភីធីធី ផ្លូវលេខ៤៣០ សង្កាត់ទួលទំពូង២ ខណ្ឌ ចំការមន រាជធានីភ្នំពេញ ពាក់ពន្ធករណីចាយសែកស្អុយប្រមាណជាង១០មឺនដុល្លារអាមេរិក ។ ការចាប់ និងបញ្ជូនខ្លួនអាជីវកររូបនោះ សមត្តកិច្ចបានអនុត្តទៅតាមដីកាបង្គាប់ឲ្យចាប់ខ្លួនរបស់ចៅ ក្រមស៊ើបសួរសាលាដំបូងរាជធានីភ្នំពេញ ។
តាមដីកាបង្គាប់ឲ្យចាប់ខ្លួនបានបញ្ជាក់ថា ក្រោយពីបានពិនិត្យលើសំណុំរឿងចប់សព្វគ្រប់ យល់ឃើញថា ជនត្រូវចោទឈ្មោះ ម៉េង តារា ភេទប្រុស អាយុ៣១ ឆ្នាំ ទីលំនៅផ្ទះលេខ២១B ផ្លូវលេខ៤១០ ភូមិស្ទឹងជ្រៅ សថ្កាត់ដើមមៀន ក្រុងតាខ្មៅ ខេត្តកណ្តាល ត្រូវបានដាក់ឲ្យស្ថិតនៅក្រោមការពិនិត្យពីបទ.មិនបំពេញកាតព្វកិច្ចចំពោះឧបក រណ៍អាចជួញដូរបាន ប្រព្រឹត្តនៅចំណុច រាជធានីភ្នំពេញ កាលពីថ្ងៃទី០១ ខែវិច្ឆិកា ឆ្នាំ២០២៤ បទល្មើសដែលមានចែងឲ្យផ្តន្ទាទោសតាមបញ្ញត្តិមាត្រា ២៣១ នៃច្បាប់ស្តីពី ឧបរណ៍អាចជួញដូរបាន និងប្រត្តិបត្តការទូទាត់ប្រាក់ ។
បើតាមប្រភពព័ត៌មានបង្ហើបឲ្យដឹងថា ជនសង្ស័យបានជាប់ពាក់ពន្ធប្រាក់អ្នកដទៃប្រមាណជាង១០ ម៉ឺនដុល្លារអាមេរិក ក្នុងកម្ចីដើម្បីយកទៅធ្វើដើមទុករកស៊ី ដោយបានដាក់តម្កល់មូលប្បទានប័ត្រនៅធនាគារ ដើម្បីធានានូវការទូទាត់សងប្រាក់ឲ្យដើមបណ្តឹងវិញ ។ លុះដល់ថ្ងៃកំណត់ដើមបណ្តឹងបានយកសែកនោះ ទៅដកប្រាក់ពីធនាគារបែជា (សែកស្អុយ) គ្មានសាច់ប្រាក់ ទើបម្ចាស់បំណុលប្តឹងឲ្យសមត្តកិច្ចឲ្យចាត់ការតាមផ្លូវច្បាប់ ។
ក្រោយចាប់ខ្លួនជនសង្ស័យ សមត្តកិច្ចបានវាស់កម្ពស់ និងរៀបចំបែបបទនាំទៅប្រគល់ជូនចៅក្រមស៊ើប សួរសាលាដំបូងរាជធានីភ្នំពេញ នារសៀលថ្ងៃទី០២ ខែសីហា ឆ្នាំ២០២៥ ដើម្បីបន្តនីតិវិធី ៕
ចែករំលែកព័តមាននេះ