កុំលេងសើចនឹងច្បាប់! អ្នកនាំពាក្យក្រសួងសាធារណការ បញ្ជាឱ្យដោះផ្លាកលេខកែច្នៃ និងក្លែងក្លាយចេញជាប្រញាប់
- ភ្នំពេញ
រាជធានីភ្នំពេញ ៖ លោក ផន រឹម បានប្រកាសឱ្យដឹងថា សូមឱ្យម្ចាស់យានយន្តដោះផ្លាកលេខខុសទម្រង់ចេញជាបន្ទាន់ បើមិនចង់ប្រឈមមុខនឹងច្បាប់ ។
ជាក់ស្តែងនាព្រឹកថ្ងៃទី១៥ ខែមិថុនានេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានចេញប្រកាស និងអំពាវនាវយ៉ាងម៉ឺងម៉ាត់ ដល់ម្ចាស់យានយន្តទាំងអស់ ដែលកំពុងប្រើប្រាស់ផ្លាកលេខសម្គាល់យានយន្ត ដែលមានទម្រង់មិនត្រឹមត្រូវ ឬផ្ទុយពីស្មារតីនៃអនុក្រឹត្យរបស់រាជរដ្ឋាភិបាល ត្រូវធ្វើការដោះចេញជាបន្ទាន់ និងប្រញាប់ប្រញាល់ទៅចុះបញ្ជីដើម្បីបំពាក់ផ្លាកលេខស្របច្បាប់ឡើងវិញឱ្យបានត្រឹមត្រូវ។
សូមបញ្ជាក់ថា ការចេញសារបញ្ជាក់ជាថ្មីនេះ ធ្វើឡើងបន្ទាប់ពីសង្កេតឃើញថា មានម្ចាស់រថយន្តមួយចំនួន បាន និងកំពុងប្រើប្រាស់ផ្លាកលេខដែលកែច្នៃខុសទម្រង់បច្ចេកទេស ផ្លាកលេខក្លែងក្លាយ ឬផ្លាកលេខ ដែលមិនបានឆ្លងកាត់ការចុះបញ្ជីត្រឹមត្រូវពីក្រសួងជំនាញ ដែលទង្វើនេះ បានរំលោ.ភបំពានយ៉ាងធ្ងន់ធ្ងរទៅលើច្បាប់ស្តីពីចរាចរណ៍ផ្លូវគោក ក៏ដូចជា បទដ្ឋានគតិយុត្តិនានាជាធរមាន ៕
ចែករំលែកព័តមាននេះ