ធ្វេសប្រហែសមួយពេល ! ម្ចាស់អុជធូបទុកចោលបាត់ពីផ្ទះធ្វើឱ្យភ្លើងឆាបឆេះផ្អើលសមត្ថកិច្ចចេញឡានទឹកអន្តរាគមន៍នៅក្រុងសៀមរាប
- សៀមរាប
ខេត្តសៀមរាប ៖ អុចធូបទុកចោលយកបាយម្ហូបឱ្យកូនលក់ដូរ នៅផ្សារចាស់ ត្រឡប់មកវិញឆេះផ្ទះល្វែងអស់ បង្កការភ្ញាក់ផ្អើលដល់សមត្ថកិច្ច សំណាងល្អ អត់រាលដាលដល់ផ្ទះអ្នកជិតខាង ។
ហេតុការណ៍ករណីឆេះឥ្ទះកើតហេតុ នៅម៉ោង១១និង១៥នាទី ថ្ងៃទី១៤ ខែមិថុនា ឆ្នាំ២០២៦ នៅចំនុចស្ថិតនៅតាមបណ្តោយផ្លូវលេខ២១ ក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។
បើតាមប្រភពពីមន្ត្រីនគរបាលជំនាញ បានប្រាប់ភ្នាក់ងារកោះសន្តិភាព នៅរសៀលថ្ងៃទី១៤ ខែមិថុនា ឆ្នាំ២០២៦នេះថា មានករណីភ្លើងឆេះក្នុងផ្ទះល្វែង០១ ល្វែងជាន់ ផ្ទាល់ដីដំបូលប្រក់ស័ង្កសី ទំហំ០៥ ម៉ែត្រ គុណ១០ម៉ែត្រ ដែលមានម្ចាស់ទីតាំងឈ្មោះ ពៅ ប៊ុន រ៉េន ភេទប្រុស អាយុ៦៥ឆ្នាំ ជនជាតិខ្មែរ រស់នៅក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។ ប្រភពបានបន្ថែមថា ការពន្លត់នេះ បានប្រតិបត្តិការពន្លត់អណ្តាតភ្លើងរលត់អស់ទៅវិញ នៅម៉ោង១២ និង០០នាទីថ្ងៃត្រង់ ។
ប្រភពបានបញ្ជាក់ថា ករណីភ្លើងឆេះផ្ទះល្វែងនេះ បានប្រើប្រាស់ឡានទឹក ស្នងការដ្ឋាននគរបាលខេត្តសៀមរាប ចំនួន០២គ្រឿង ឡានធំ (ប្រើទឹកអស់២ឡាន) ។ ឡានរបស់-កងរាជអាវុធហត្ថខេត្តសៀមរាប ចំនួន០១គ្រឿង ឡានធំ (ប្រើទឹកអស់១ឡាន )។
ដោយឡែកករណីនេះមិនមានប៉ះពាល់ដល់អាយុជីវិត ឬបង្កឱ្យមានស្នាមរបួសដល់បងប្អូនប្រជាពលរដ្ឋណាម្នាក់នោះទេ គឺឆេះតែខោអាវមួយចំនួន កង្ហារភ្ជាប់ជញ្ជាំង០១គ្រឿង សាឡុងពូកខ្លី ចំនួន០១គ្រែ ចំនួន០១ ពូកទទឹង១៨០ ស.ម បណ្តាយ២ម៉ែត្រកុងម៉ាចំនួន០២ ហើយសម្រាប់អគារ គឺមិនមានបាក់រលំ ឬប្រេះផុយអ្វីនោះទេ ។
ចំពោះមូលហេតុ គឺបណ្តាលមកពីអុជធូបចោល ហើយជិះម៉ូតូយកម្ហូបឱ្យកូននៅផ្សារចាស់ទើបបណ្តាយឱ្យឆេះផ្ទះតែម្តង ។ បច្ចុប្បន្នករណីឆេះផ្ទះ១ល្វែងនេះ បើគិតជាទឹកប្រាក់ អស់ប្រមាណជិត១ ម៉ឺនដុល្លារ ៕
ចែករំលែកព័តមាននេះ