ខ្យល់កន្ត្រាក់! ដើមក្ងោកយ៉ាងធំមួយដើម រលំកា.ត់ទទឹងផ្លូវ
- ភ្នំពេញ
រាជធានីភ្នំពេញ ៖ ខ្យល់កន្ត្រាក់ បោកបក់ បណ្តាលឱ្យដើមក្ងោកយ៉ាងធំមួយដើម រលំកាត់ទទឹងផ្លូវ ប៉ុន្តែមិនមានបង្កអោយមនុស្សរបួស ឬខូចខាតយានយន្តឆ្លងកាត់នោះឡើយ ។
ករណីបាក់ដើមឈើនេះដែរ បង្កការភ្ញាក់ផ្អើលកាលពីវេលាម៉ោង ០៣ និង២០នាទីរសៀលថ្ងៃទី ១៤ ខែមិថុនា ឆ្នាំ២០២៦ នៅចំណុចផ្សារឌុយមិច តាមបណ្តោយផ្លូវកម្ពុជាក្រោម ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ ។
តាមប្រភពព័ត៍មានពីប្រជាពលរដ្ឋបានអោយដឹងថា មុនកើតហេតុ មានខ្យល់កន្ត្រាក់ យ៉ាងខ្លាំង លាយលំជាមួយទឹកភ្លៀងរលឹមប្រហែល ៣-៤នាទី ។ លុះបានបន្តិច ក៏ស្រាប់តែដើមក្ងោកដែលនៅលើចិញ្ចើមផ្លូវ ដួលរលំបន្តិចម្តងៗ ទៅកាត់ទទឹងផ្លូវតែម្តង សំណាងល្អកំឡុងពេលដួលរលំ មិនមានអ្នកដំណើរឆ្លងកាត់ ។ ភ្លាមៗ ប្រជាពលរដ្ឋរាយការណ៍ជូន អាជ្ញាធរជំនាញពាក់ព័ន្ធ ដើម្បីអន្តរាគមន៍ ។
ក្នុងនោះគេបានឃើញវត្តមាន លោក ថេង សុថុល អភិបាលខណ្ឌ៧មករា រួមមន្ត្រីជំនាញពាក់ព័ន្ធ ចុះមកត្រួតពិនិត្យនៅជុំវិញទីតាំងផងដែរ ។
ក្រោយកើតហេតុ អាជ្ញាធរជំនាញ រួមមន្ត្រីនៃ មន្ទីរសាធារណៈការ រាជធានីភ្នំពេញ បានចុះកាត់ចុះយកដើមក្ងោកចេញពីលើផ្លូវ ដើម្បីចរាចរណ៍ជូនពលរដ្ឋឡើងវិញ ៕
ចែករំលែកព័តមាននេះ