សោកស្តាយ! អុជធូបទុកចោល រួចយកបាយម្ហូបឱ្យកូនលក់ដូរនៅផ្សារ លុះត្រឡប់មកវិញ ឆេះផ្ទះអស់
- សៀមរាប
ខេត្តសៀមរាប ៖ អុជធូបទុកចោលយកបាយម្ហូប ឱ្យ កូនលក់ដូរនៅផ្សារចាស់ ត្រឡប់មកវិញ ឆេះផ្ទះល្វែង អស់ បង្កការភ្ញាក់ផ្អើល ដល់សមត្ថកិច្ច សំណាងល្អ អត់រាលដាល ដល់ផ្ទះអ្នកជិតខាង។ហេតុការណ៍ ករណី ឆេះឥ្ទះកើត ហេតុ ៖ នៅម៉ោង១១និង១៥ នាទី ថ្ងៃទី១៤ ខែមិថុនា ឆ្នាំ ២០២៦ នៅចំនុចស្ថិតនៅតាមបណ្តោយផ្លូវលេខ ២១ ក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។
បើតាមប្រភពពីមន្ត្រី នគរបាលជំនាញបានប្រាប់ភ្នាក់ងារ កោះសន្តិភាព នៅរសៀល ថ្ងៃទី ១៤ ខែ មិថុនា ឆ្នាំ ២០២៦ នេះថា មានករណីភ្លើងឆេះក្នុងផ្ទះល្វែង ០១ ល្វែងជាន់ ផ្ទាល់ដីដំបូលប្រក់ស័ង្កសី ទំហំ ០៥ ម៉ែត្រ គុណ ១០ម៉ែត្រ ដែលមានម្ចាស់ទីតាំង ឈ្មោះ ពៅ ប៊ុន រ៉េន ភេទ ប្រុស អាយុ៦៥ឆ្នាំ រស់នៅក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។
ប្រភពបានបន្ថែមថា ការពន្លត់ នេះបានប្រតិបត្តិការពន្លត់អណ្តាតភ្លើងរលត់អស់ទៅវិញនៅម៉ោង ១២ និង ០០នាទីថ្ងៃត្រង់ ។
ប្រភពបានបញ្ជាក់ថា ករណីភ្លើងឆេះផ្ទះ ល្វែង នេះ បានប្រើប្រាស់ឡានទឹក ស្នងការដ្ឋាននគរបាលខេត្តសៀមរាប ចំនួន០២គ្រឿង ឡានធំ ( ប្រើទឹកអស់ ២ ឡាន) ។
ឡានរបស់-កងរាជអាវុធហត្ថខេត្តសៀមរាបចំនួន០១គ្រឿង ឡានធំ ( ប្រើទឹកអស់ ១ ឡាន )។
ករណីនេះមិនមានប៉ះពាល់ដល់ អាយុជីវិត រឺ បង្កឱ្យមានស្នាមរបួស ដល់បងប្អូនប្រជាពលរដ្ឋណាម្នាក់នោះទេ គឺឆេះតែខោអាវមួយចំនួន កង្ហារភ្ជាប់ជញ្ជាំង ០១ គ្រឿង សាឡុងពូកខ្លី ចំនួន ០១ គ្រែ ចំនួន ០១ ពូកទទឹង ១៨០ ស.ម បណ្តាយ ២ម៉ែត្រ កុងម៉ា ចំនួន ០២ ហើយ សម្រាប់អាគារគឺមិនមានបាក់រលំ រឺ ប្រេះផុយអ្វីនោះទេ។-មូលហេតុគឺបណ្តាល មកពី អុជធូកចោល ហើយ ជិះម៉ូតូយកម្ហូបឱ្យកូននៅផ្សារចាស់ ទើបបណ្តាលឱ្យឆេះផ្ទះតែម្តង ។ បច្ចុប្បន្ន ករណី ឆេះផ្ទះ១ ល្វែង នេះ បើគិត ជាទឹកប្រាក់ អស់ប្រមាណ ជិត ១ ម៉ឺនដុល្លារ៕
ចែករំលែកព័តមាននេះ