សង្គ្រាមអ៉ីរ៉ង់ ៖ ពិធីបុណ្យសពជាតិ និងការបញ្ចុះសព លោកអាយ៉ាតុលាអាលីខាមេនី អតីតមេដឹកនាំកំពូលអ៉ីរ៉ង់ នឹងប្រព្រឹត្តទៅពីថ្ងៃទី៤ ដល់ទី៩ កក្កដា ។ លោកអាលីខាមេនី បានទទួលមរណភាពកាលពីថ្ងៃទី២៨ កុម្ភៈ គឺថ្ងៃដំបូងនៃការវាយប្រហាររបស់អាមេរិក និងអ៉ីស្រាអែលលើអ៉ីរ៉ង់ដំណាលគ្នា និងការស្លាប់របស់អ្នកទទួលខុសត្រូវជាន់ខ្ពស់ និងមេបញ្ជាការយោធាជាច្រើនរូបទៀត។
យោងតាមការប្រកាសមួយរបស់គណៈកម្មាធិការទទួលបន្ទុកធ្វើបុណ្យសពមេដឹកនាំកំពូលអ៉ីរ៉ង់ថា សពរបស់លោកអាលីខាមេនីនឹងតម្កល់នៅព្រះវិហារម៉ូសាល់ឡា ក្រុងតេហេរ៉ង់ពីថ្ងៃទី៤ ដល់ទី៥ កក្កដា ។ គណៈកម្មាធិការនោះ ក៏លើកឡើងដែរពីពិធីហែសពមេដឹកនាំរូបនោះ នៅក្រុងតេហេរ៉ង់នាថ្ងៃទី៦ កក្កដា ។ រួចពិធីមួយទៀត គ្រោងធ្វើក្នុងទីក្រុងសក្ការៈកូមនាថ្ងៃទី៧ កក្កដា។ ទីបំផុត សពអតីតមេដឹកនាំកំពូលអ៉ីរ៉ង់រូបនោះ ត្រូវបញ្ចុះនាថ្ងៃទី៩ កក្កដា នៅទីតាំងតម្កល់សពអ៉ីម៉ាមស៊ីអ៊ីតទី៨ នៅMACHHAD៕
ចែករំលែកព័តមាននេះ