ការគំរា.មកំហែ.ងរបស់បញ្ញាសិប្បនិម្មិត ដែលគេហៅខ្លីៗថា AI ចំពោះទីផ្សារការងារនៅពេលអនាគតមិនមែនជារឿងលេងសើច ឬការគំរា.មកំហែ.ងដែលមានចរិតលក្ខណៈជាការបន្លាចនោះទេ ប៉ុន្តែវាកំពុងតែបង្ហាញសក្ខីកម្មជាក់ស្តែងតែម្តងនៅពេលនេះ ។ នៅពេលនេះ តាមសេចក្តីរាយការណ៍របស់សារព័ត៌មាននានាបានឲ្យដឹងថា សញ្ញានៃការគំរា.មកំហែ.ងដោយ…
ការគំរា.មកំហែ.ងរបស់បញ្ញាសិប្បនិម្មិត ដែលគេហៅខ្លីៗថា AI ចំពោះទីផ្សារការងារនៅពេលអនាគតមិនមែនជារឿងលេងសើច ឬការគំរា.មកំហែ.ងដែលមានចរិតលក្ខណៈជាការបន្លាចនោះទេ ប៉ុន្តែវាកំពុងតែបង្ហាញសក្ខីកម្មជាក់ស្តែងតែម្តងនៅពេលនេះ ។
នៅពេលនេះ តាមសេចក្តីរាយការណ៍របស់សារព័ត៌មាននានាបានឲ្យដឹងថា សញ្ញានៃការគំរា.មកំហែ.ងដោយ AI គឺកាន់តែប្រត្យកទៅៗដែលជំនាញធំៗបានលើកឡើងថា វានឹងគំរា.មកំហែ.ងការងារជាច្រើន សូម្បីតែគ្រូបង្រៀន និងក្រុមវេជ្ជបណ្ឌិត ។
ពាក់ព័ន្ធនឹងការគំរា.មកំហែ.ងនេះ តាមសេចក្តីរាយការណ៍មួយរបស់សារព័ត៌មាន VN Express បានឲ្យដឹងថា យុវសិស្សដែលកំពុងតែសិក្សាជិតចប់វិទ្យាល័យ និងយុវនិស្សិតនៅមហាវិទ្យាល័យកំពុងតែឈឺក្បាលអំពីការគំរា.មកំហែ.ងដោយ AI នេះ ។
ប្រភពដដែលបានអះអាងថា សេចក្តីរាយការណ៍ដែលអ្នកជំនាញលើកឡើងថា AI អាចដណ្តើម ការងារមនុស្សបានធ្វើឲ្យយុវសិស្សជាច្រើនពិបាកចិត្តណាស់ នៅក្នុងការសម្រេចចិត្តជ្រើសរើសមុខវិជ្ជាដែលពួកគេត្រូវរៀននៅមហាវិទ្យាល័យ ។
យុវតីសិស្សសាលាម្នាក់ ឈ្មោះ ធូ ង៉ា ដែលកំពុងតែសិក្សានៅវិទ្យាល័យមួយបានលើកឡើងថា ខ្លួនមានក្តីស្រមៃចង់ក្លាយជាគណនេយ្យករម្នាក់ ប៉ុន្តែពេលនេះ គឺត្រូវតែប្តូរពីព្រោះគេល្បីថា AI នឹងដណ្តើមការងារនេះនៅពេលអនាគត ។
ដោយឡែក យុវសិស្ស ថាន់ ម៉ាញដុង (Than Manh Dung) ដែលជាសិស្សវិទ្យាល័យម្នាក់ទៀតក៏បង្ហាញពីការព្រួយបារម្ភស្រដៀងគ្នានេះដែរ ហើយរូបគេបានអះអាងថា គឺបានកំពុងតែសុំយោបល់ពីអ្នកជំនាញ និងរៀមច្បង ដើម្បីសម្របខ្លួននឹងការវិវត្តទៅមុខនៃទីផ្សារការងារនៅក្នុងបរិបទនៃ AI រីកចម្រើនខ្លាំង ។
ថ្មីៗនេះតាមការចុះផ្សាយដោយទូទស្សន៍ CNBC លោក បៀល ហ្គេត ស្ថាបនិកក្រុមហ៊ុន Microsoft បានលើកឡើងថា AI មានការវិវត្តខ្លាំងហើយលោកថែមទាំងសង្កត់ធ្ងន់ថា យ៉ាងយូរ១ទស្សវត្សរ៍ទៀត ការងារសំខាន់ៗសម្រាប់សង្គមមនុស្សដូចជា វេជ្ជបណ្ឌិត និងសូម្បីគ្រូបង្រៀនក៏ AI ដណ្តើមបានដែរ ។
តាមការពន្យល់របស់អតីតកំពូលអ្នកមានបំផុតនៅលើពិភពលោកម្នាក់នេះបានលើកឡើងថា AI មិនបានដណ្តើមទាំងស្រុងទេ ប៉ុន្តែប្រសិនបើខ្វះជំនាញ និងខ្វះបច្ចេកទេសពិតប្រាកដ គឺច្បាស់ណាស់ ។
ក្រឡេក មកលើទិដ្ឋភាពជាក់ស្តែងវិញ តើ AI វាពិតជាដូចអ្វីដែលលោក បៀល ហ្គេត បារម្ភឫយ៉ាងណា ? នៅលើ AI នៅពេលនេះដំណោះស្រាយលំហាត់សឹងតែគ្រប់ប្រភេទ មិនមានការលំបាកនៅក្នុងការស្វែងរកឡើយ គឺគ្រាន់តែប្រើ OpenAI វាយសំនួរ ឬលំហាត់ចូលវានឹងគណនាហើយផ្តល់ចម្លើយមកភ្លាមៗ ។
នៅក្នុងដំណាក់កាលបច្ចុប្បន្ននេះ អ្វីៗដែល AI ផ្តល់អោយវាអាចមិនសុក្រិត្យមែន ប៉ុន្តែទម្រាំដល់១០ឆ្នាំខាងមុខ វាពិតជាអាចវិវត្តន៍ និងឈានដល់កំណត់ដូចជាអ្វីដែលលោក បៀល ហ្គេត ព្រួយបារម្ភ ។
នៅក្នុងស្ថានភាពបែបនេះ យុវវ័យខ្មែរគួរតែរិះគិតឲ្យហើយ ដើម្បីត្រៀមខ្លួនផងដែរ ហើយក្រៅពីយុវវ័យខ្លួនឯង អាណាព្យាបាល ជាពិសេស គឺឪពុកម្តាយ លោកគ្រូ អ្នកគ្រូ និងស្ថាប័នពាក់ព័ន្ធ គួរតែត្រៀមខ្លួនទុកជាមុនអោយលើសពីកម្រិតបន្សាំ ។ បន្សាំ គឺមានលក្ខណៈត្រឹមតែជាការត្រៀមខ្លួនឲ្យយើងចេះប្រើប្រាស់ចេះរស់នៅក្នុងបរិបទនៃ AI នេះ ប៉ុន្តែការត្រៀមខ្លួនលើសពីបន្សាំមានន័យថា គឺជាបរិបទដែលអោយយុវវ័យយើងមានការផ្តួចផ្តើមគំនិត ហើយមានចំណេះ និងជំនាញធ្វើការរៀបចំផែនការសកម្មភាពមុនពេលដែលអ្វីៗនឹងមកដល់ ៕
ចែករំលែកព័តមាននេះ