ខេត្តកណ្តាល ៖ នគរបាលបាលក្រុងតាខ្មៅ ធ្វើការចាប់ឃាត់ខ្លួនជនសង្ស័យម្នាក់ ក្រោយពីធ្វើសកម្មភាពលួចម៉ូតូហុងដាគុប របស់លោកតាម្នាក់ ជាអ្នករត់ម៉ូតូឌុប ដែលកំពុងឈប់ចាំដឹកម៉ូយ នៅកំពង់ទូកដរ ។…
ខេត្តកណ្តាល ៖ នគរបាលបាលក្រុងតាខ្មៅ ធ្វើការចាប់ឃាត់ខ្លួនជនសង្ស័យម្នាក់ ក្រោយពីធ្វើសកម្មភាពលួចម៉ូតូហុងដាគុប របស់លោកតាម្នាក់ ជាអ្នករត់ម៉ូតូឌុប ដែលកំពុងឈប់ចាំដឹកម៉ូយ នៅកំពង់ទូកដរ ។
ហេតុការណ៍នេះបានកើតទ្បើងកាលពីវេលាម៉ោង១១និង៣០នាទីព្រឹក ថ្ងៃទី២៩ ខែមីនា ឆ្នាំ២០២៥ ស្ថិតនៅតាមបណ្តោយផ្លូវ២១អា ក្នុងភូមិតាខ្មៅ៣ សង្កាត់តាខ្មៅ ក្រុងតាខ្មៅខេត្តកណ្តាល ។
សមត្ថកិច្ចបានបង្ហើបប្រាប់ឲ្យដឹងថា ជនសង្ស័យមានឈ្មោះ សេង ម៉េង ហៅ(រុណ) ភេទប្រុស អាយុ១៦ឆ្នាំ ជនជាតិខ្មែរ ស្នាក់នៅ ភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ មានមុខរបរមិនពិតប្រាកដ ។
ចំណែកជនរងគ្រោះ មានឈ្មោះ គ្រី សុខ ភេទប្រុស អាយុ៦១ឆ្នាំ ជនជាតិខ្មែរ មានទីលំនៅភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល មានមុខរបរ (រត់ម៉ូតូឌុប) ។
បើយោងតាមប្រភពព័ត៌មានពីលោកតាម្ចាស់ម៉ូតូ បានឲ្យដឹងថា មុនពេលកើតហេតុ រូបគាត់បានជិះម៉ូតូម៉ាកហុងដាគុប ពណ៌ទឹកសមុទ្រ ដែលពាក់ផ្លាក់លេខ ឃ-០៣៩៣ កណ មកចតម៉ូតូ ដើម្បីរង់ចាំដឹកម៉ូយនៅកំពង់ទូកដរ ដូចសព្វដង ។ បន្ទាប់មករូបគាត់បានដើរចុះទៅខាងក្រោម ដើម្បីទៅបទជើងតូច ភ្លាមៗនោះ ក៏លិចមុខជនសង្ស័យម្នាក់ បានដើរមកធ្វើសកម្មភាពលួចម៉ូតូរបស់គាត់ ហើយជនសង្ស័យនោះបានបណ្តើរផង រត់ផង រហូតដល់ការ៉ាស់សាំងតេឡា ទល់មុខមន្ទីរពាណិជ្ជកម្ម ស្របពេលជនរងគ្រោះឃើញទាន់ ក៏រត់ប្រដេញតាមពីក្រោយ ស្រែករួចសួរថា «ចុះអ្ហែងយកម៉ូតូរបស់អាញ់ទៅណា ?» ពេលនោះជនសង្ស័យឆ្លើយថា យកទៅចាក់សាំងឲ្យ ។ ឮដូច្នោះ ជនរងគ្រោះបានស្រែកថា ចោរលួចម៉ូតូៗ ភ្លាមនោះ ក៏ជនសង្ស័យ បានផ្តួលម៉ូតូចោល រត់តែម្តង ស្របពេល ដែលកម្លាំងនគរបាលជំនាញព្រហ្មទណ្ឌក្រុងតាខ្មៅ ល្បាតក្នុងមូលដ្ឋាន ឃើញបែបនេះ ក៏ធ្វើការចាប់ខ្លួនឃាត់ខ្លួនតែម្តង ។
បច្ចុប្បន្ន ជនសង្ស័យខាងលើ ត្រូវបាននគរបាលជំនាញក្រុងតាខ្មៅ កំពុងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕
ចែករំលែកព័តមាននេះ