ADផ្ទាំងផ្សព្វផ្សាយពាណិជ្ជកម្ម

ស.ពជនរងគ្រោះម្នាក់ស្លា.ប់ដោយរញ្ជួយដីបា.ក់អគារនៅថៃ ត្រូវបានបញ្ជូនដល់លំនៅដ្ឋានជូនសាច់ញាតិហើយ

1 ថ្ងៃ មុន

បន្ទាយមានជ័យ
០១ ខែ មេសា ឆ្នាំ ២០២៥ ម៉ោង ០៨:៤៥

ខេត្តបន្ទាយមានជ័យ ៖ សពជនរងគ្រោះម្នាក់ដែលស្លាប់ដោយគ្រោះរញ្ជួយដីបណ្តាលឱ្យបាក់អគារនៅប្រទេសថៃ ត្រូវបានរថយន្តសង្គ្រោះថៃដឹកបញ្ជូនដល់លំនៅដ្ឋានជូនសាច់ញាតិហើយ កាលពីវេលាម៉ោង៦យប់ថ្ងៃទី៣១ ខែមីនា ឆ្នាំ២០២៥ នៅច្រកទ្វារអន្តរជាតិប៉ោយប៉ែត។ នៅពេលដែលទទួលសាកសពជនរងគ្រោះ គេឃើញក្រុមការងារថ្នាក់ជាតិក្រសួងការងារនិងបណ្តុះបណ្តាលវិជ្ជជីវៈនិងអាជ្ញាធរខេត្តស្រុកនិងក្រុមគ្រួសារចាំទទួលនៅច្រកទ្វារអន្តរជាតិប៉ោយប៉ែតដែលមានអគ្គកុងស៊ូលកម្ពុជាប្រចាំខេត្តស្រៈកែវផងដែរ…

នៅពេលដែលទទួលសាកសពជនរងគ្រោះ គេឃើញក្រុមការងារថ្នាក់ជាតិក្រសួងការងារនិងបណ្តុះបណ្តាលវិជ្ជជីវៈនិងអាជ្ញាធរខេត្តស្រុកនិងក្រុមគ្រួសារចាំទទួលនៅច្រកទ្វារអន្តរជាតិប៉ោយប៉ែតដែលមានអគ្គកុងស៊ូលកម្ពុជាប្រចាំខេត្តស្រៈកែវផងដែរ ។

លោក ស្វាយ ជា អភិបាលស្រុកម៉ាឡៃបានឱ្យដឹងថា ជនរងគ្រោះដែលស្លាប់ឈ្មោះ មាស សាវ៉ាង ភេទប្រុស អាយុ២៥ឆ្នាំ មុខរបរកម្មករសំណង់ រស់នៅភូមិបល្ល័ង្គ ឃុំតាគង់ ស្រុកម៉ាឡៃ ខេត្តបន្ទាយមានជ័យ បានស្លា.ប់ដោយគ្រោះរញ្ជួយដីបណ្តាលឱ្យអគារបាក់សង្កត់កាលពីថ្ងៃទី២៨ ខែមីនា ឆ្នាំ២០២៥ នៅក្រុងបាងកក ប្រទេសថៃ។

លោកបានបញ្ជាក់ថា ជនរងគ្រោះបានស្លា.ប់ ដោយគ្រោះរញ្ជួយដីបណ្តាលឱ្យបាក់អគារសង្កត់នៅប្រទេសថៃ ហើយសាច់ញាតិបានទទួលដំណឹងនេះតាមរយៈសាច់ញាតិរួមការងារជាមួយជនរងគ្រោះនិងក្រុមសង្គ្រោះបានរកឃើញសព ធ្វើឱ្យគ្រួសារជនរងគ្រោះពិតមានភាពតក់ស្លុតជាពន់ពេក ។ ជាមួយគ្នានេះដែរ អាជ្ញាធរស្រុកម៉ាឡៃបានចូលរួមរំលែកទុកដល់គ្រួសារសពផងដែរ ។

លោក ស្វាយ ជា បានបញ្ជាក់ថា សពជនរងគ្រោះត្រូវភាគីថៃតាមរយៈអគ្គកុងស៊ូលកម្ពុជា បានបញ្ជូនតាមច្រកទ្វារអន្តរជាតិប៉ោយប៉ែត តាមរយៈរថយន្តសង្គ្រោះថៃដឹកបញ្ជូនដល់លំនៅដ្ឋានដែលក្រុមការងារថ្នាក់ជាតិនិងខេត្ត/ស្រុកនិងសាច់ញាតិបានទទួលសាកសពនិងអគុណចំពោះភាគីថៃដែលបានយកចិត្តទុកដាក់ដឹកបញ្ជូនសាកសពដល់លំនៅដ្ឋានស្រុកម៉ាឡៃដើម្បីប្រគល់ជូនសាច់ញាតិទទួលធ្វើបុណ្យតាមប្រពៃណី ៕