ខេត្តស្វាយរៀង៖ មានករណីក្មេងទំនើង០២នាក់ផឹកស្រាស្រវឹងឡើងរាំប៉ះគ្នាបន្តិចបន្តួចផ្ទុះកំហឹងទៅផ្ទះយកដាវមករកកាប់គូរជម្លោះផ្អើលរោងការត្រូវសមត្ថកិច្ចចាប់់ខ្លួនបញ្ជូនទៅតុលាការ សាលាដំបូងខេត្តស្វាយរៀង ចេញដីកាបង្គាប់ឱ្យឃុំខ្លួនបណ្ដោះអាសន្ន នៅពន្ធនាគារខេត្តស្វាយេរៀងពាក់ព័ន្ធករណីកាន់ដាវអុកឡុកនៅក្នុងរោងការ។ បើតាមលោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានឱ្យដឹងថា…
ខេត្តស្វាយរៀង៖ មានករណីក្មេងទំនើង០២នាក់ផឹកស្រាស្រវឹងឡើងរាំប៉ះគ្នាបន្តិចបន្តួចផ្ទុះកំហឹងទៅផ្ទះយកដាវមករកកាប់គូរជម្លោះផ្អើលរោងការត្រូវសមត្ថកិច្ចចាប់់ខ្លួនបញ្ជូនទៅតុលាការ សាលាដំបូងខេត្តស្វាយរៀង ចេញដីកាបង្គាប់ឱ្យឃុំខ្លួនបណ្ដោះអាសន្ន នៅពន្ធនាគារខេត្តស្វាយេរៀងពាក់ព័ន្ធករណីកាន់ដាវអុកឡុកនៅក្នុងរោងការ។
បើតាមលោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានឱ្យដឹងថា ក្មេងទំនើងទាំង២នាក់ ដែលចាប់ខ្លួន ទី១-ឈ្មោះ អុិន ធិ ភេទប្រុស អាយុ១៧ឆ្នាំ មុខរបរកម្មកររោងចក្រ ទី២-ឈ្មោះពុត គង្គា ភេទប្រុស អាយុ២១ឆ្នាំ មុខរបរកសិករ មានទីលំនៅភូមិចំបក់កោង ឃុំតាសួស ស្រុកស្វាយជ្រំ។
លោកអធិការស្រុកបានបន្តថា មុនពេលកើតហេតុ វេលាម៉ោង៦ល្ងាចថ្ងៃទី២៣មិនា២០២៥ជនទាំង២ បានមកចូលរួមក្នុងមង្គលការនៅក្នុងភូមិត្រោកឃុំតាសួសស្រុកស្វាយជ្រំ លុះពេលផឹកស្រាស្រវឹងបានយកដាវបង្កអុកឡុកក្នុងរោងការ និងបានទាស់ពាក្យសំដីគ្នាជាមួយភ្ញៀវ ហើយយកដាវបម្រុងកាប់ទៅលើភ្ញៀវក៏ត្រូវសមត្ថកិច្ចឃាត់ជនសង្ស័យបានចេញពីរោងការ។
លុះព្រឹកថ្ងៃទី២៤ ខែមីនា ឆ្នាំ២០២៥ សមត្ថកិច្ចក៏បានចាប់ឃាត់ខ្លួនមកសួរនាំ ជនសង្ស័យបានឆ្លើយសារភាពថា ពួកខ្លួនបានទៅចូលរួមនៅក្នុងកម្មវិធីការកូនរបស់ឈ្មោះ អេង នាង នោះដែរ ពេលផឹកស្រាស្រវឹងក៏បបួលគ្នាឡើងរាំលេងពេលលើកដៃរាំនោះក៏ប៉ះដងខ្លួនឈ្មោះខៀវ សល់ហៅ(ឆក)ភ្លាមនោះពួកខ្លួនទាំង២នាក់ខឹងបានរើសសំបកកំប៉ុងចោលទៅត្រូវឈ្មោះខៀវ សល់ បន្ទាប់មកក៏បានទាស់ពាក្យសំដីគ្នា រួចហើយពួកខ្លួនទាំង២នាក់ក៏បានជិះម៉ូតូឌុបគ្នាទៅយកដាវនៅផ្ទះឈ្មោះពុត គង្គា ពេលយកដាវបានហើយ ក៏ជិះម៉ូតូមករោងការវិញពេលមកដល់រោងការមិត្តភ័ក្រខ្លួនឈ្មោះ ពុត គង្គា បានកាន់ដាវដើរចូលទៅក្នុងរោងការ ភ្លាមនោះក៏មានបងប្អូននៅក្នុងរោងការព័ទ្ធ និងឃាត់ចាប់ពួកខ្លួនបានក៏តេទូរសព្ទប្តឹងទៅសមត្ថកិច្ចតែម្តង ចំពោះដាវ១ទៀតពួកខ្លួនបានលាក់ទុកនៅខាងលិចរោងការក្បែផ្ទះកូនកំលោះ។
ក្រោយពីបានស្តាប់ចម្លើយសារភាពរបស់ក្មេងទំនើងទាំង២នាក់រួច លោកអធិការនគរបាលស្រុកស្វាយជ្រំ បានរាយការណ៍ជូន លោកឧត្តមសេនីយ៍ទោ ស្នងការនិងបានសុំយោបល់ព្រះរាជអាជ្ញាអមសាលាដំបូងខេត្តស្វាយរៀង ឃាត់ខ្លួននៅអធិការដ្ឋាននគរបាលស្រុកស្វាយជ្រំ ដើម្បីកសាងសំណុំរឿងចាត់ការតាមនីតិវិធីច្បាប់។លោកចៅក្រមបានចេញដីការឃុំខ្លួនបណ្ដោះអាសន្ននៅពន្ធនាគារខេត្តស្វាយរៀង នៅថ្ងៃទី២៦ ខែមីនា២០២៥រួចហើយ៕
ចែករំលែកព័តមាននេះ