មីយ៉ាន់ម៉ា ៖ អ្នកនាំពាក្យយោធា ដែលកំពុងកាន់អំណាចរបស់ប្រទេសមីយ៉ាន់ម៉ា បាននិយាយថា ចំនួនអ្នកស្លា.ប់ដោយសារគ្រោះរញ្ជួយដីដ៏ធំ កាលពីថ្ងៃសុក្រ បានកើនឡើងដល់ ២,០៥៦នាក់ នេះបើតាមទីភ្នាក់ងារព័ត៌មាន…
មីយ៉ាន់ម៉ា ៖ អ្នកនាំពាក្យយោធា ដែលកំពុងកាន់អំណាចរបស់ប្រទេសមីយ៉ាន់ម៉ា បាននិយាយថា ចំនួនអ្នកស្លា.ប់ដោយសារគ្រោះរញ្ជួយដីដ៏ធំ កាលពីថ្ងៃសុក្រ បានកើនឡើងដល់ ២,០៥៦នាក់ នេះបើតាមទីភ្នាក់ងារព័ត៌មាន AFP ។
នៅក្នុងសេចក្តីថ្លែងការណ៍មួយរបស់អ្នកនាំពាក្យរបបយោធា បាននិយាយទៀតថា មនុស្សចំនួន ២៧០នាក់ទៀត កំពុងបាត់ខ្លួន ហើយមនុស្សប្រមាណ ៣,៩០០នាក់បានរងរបួស ។
នៅប្រទេសថៃ ឯណោះវិញ មានមនុស្ស ១៩នាក់ហើយ ត្រូវបានអាជ្ញាធរថៃបញ្ជាក់ថា បានស្លាប់ ខណៈមនុស្សជាង ៧០នាក់នៅបាត់ខ្លួននៅឡើយ គិតត្រឹមល្ងាចថ្ងៃទី៣១ មីនា ២០២៥នេះ ។
សូមជម្រាបឡើងវិញថា កាលពីវេលាម៉ោង១៣និង២០នាទីរសៀល ថ្ងៃទី២៨ ខែមីនា ឆ្នាំ២០២៥នេះ មានបាតុភូតរញ្ជួយដីកើតឡើង ស្ថិតនៅចម្ងាយ ១៦គីឡូម៉ែត្រ ភាគពាយ័ព្យ នៃទីក្រុងសាឃ្លាំង (Sagaing) នៅក្នុងប្រទេសមីយ៉ាន់ម៉ា ។ ការរញ្ជួយនេះ បានកើតឡើងនៅក្នុងស្រទាប់ស្នូលផែនដី ជម្រៅប្រមាណ ១០គីឡូម៉ែត្រ និងមានឥទ្ធិពលមកស្រទាប់ខាងលើ នៃផែនដីក្នុងកម្រិតរញ្ជួយ ៧,៧ រិចទ័រ ដែលបង្កឱ្យមានផលប៉ះពាល់ដល់ប្រទេសមួយចំនួន រួមមាន ៖ ប្រទេសមីយ៉ាន់ម៉ា បង់ក្លាដែស ឥណ្ឌា ឡាវ ថៃ វៀតណាម និងប្រទេសចិន ៕
ចែករំលែកព័តមាននេះ