ខេត្តរតនគិរី ៖ វីដេអូឃ្លីបមួយបានបង្ហាញពីបុរសម្នាក់វាយទាត់ធាក់ប្រពន្ធកូនខ្ចីយ៉ាងសាហាវព្រៃផ្សៃ នៅភូមិប៉ាអរ ឃុំកិចុងស្រុកបរកែវ កាលពីថ្ងៃទី៣១ ខែមីនា ឆ្នាំ២០២៥ ហើយពេលនេះបុរសខាងលើត្រូវបានសមត្ថកិច្ចឃាត់ខ្លួនហើយ ។…
ខេត្តរតនគិរី ៖ វីដេអូឃ្លីបមួយបានបង្ហាញពីបុរសម្នាក់វាយទាត់ធាក់ប្រពន្ធកូនខ្ចីយ៉ាងសាហាវព្រៃផ្សៃ នៅភូមិប៉ាអរ ឃុំកិចុងស្រុកបរកែវ កាលពីថ្ងៃទី៣១ ខែមីនា ឆ្នាំ២០២៥ ហើយពេលនេះបុរសខាងលើត្រូវបានសមត្ថកិច្ចឃាត់ខ្លួនហើយ ។
ស្នងការនគរបាលខេត្ត លោកឧត្តមសេនីយ៍ទោ អ៊ុង សុភាព បានឲ្យដឹងថា ក្រោយពេលទទួលបានព័ត៌មានពីអំពើហិង្សានេះ និងក្រោមការសម្របសម្រួលពីឯកឧត្តម ឡុង ហុកម៉េង ព្រះរាជអាជ្ញាអមសាលាខេត្ត លោកបានដាក់បទបញ្ជាឲ្យកម្លាំងអធិការដ្ឋាននគរបាលស្រុកបរកែវ ធ្វើការស្រាវជ្រាវ រហូតឈានដល់ឃាត់ខ្លួនបុរសឈ្មោះ ទីង ជឿន អាយុ៥៦ឆ្នាំ ជនជាតិទំពួន រស់នៅក្នុងភូមិ ឃុំ ខាងលើ កាលពីវេលាម៉ោងប្រមាណ១១និង៣៥នាទីយប់ថ្ងៃទី៣១ ខែមីនា ឆ្នាំ២០២៥ ។
នៅចំពោះមុខសមត្ថកិច្ច បុរសជាប្តីកំណាចរូបនេះឆ្លើយថា ខ្លួនបានផឹកស្រាស្រវឹង ហើយប្រើប្រពន្ធទៅអាំងសាច់ក្លែម តែប្រពន្ធមិនទៅក៏បានវាយប្រពន្ធឈ្មោះ រចំ ហែន អាយុ៣០ឆ្នាំ ប្រាកដមែន ។ បុរសជាប្តី ត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកបរកែវ ដើម្បីកសារសំណុំរឿងបញ្ជូនទៅអយ្យការអមសាលាដំបូងខេត្តចាត់ការទៅតាមច្បាប់ ។ ដោយឡែក ជនរងគ្រោះជាប្រពន្ធត្រូវបានបញ្ជូនទៅព្យាបាលនៅមន្ទីរពេទ្យបង្អែកស្រុកបរកែវ ។
នៅព្រឹកថ្ងៃទី១ ខែមេសា ឆ្នាំ២០២៥ នគរបាលបានទៅសួរសុខទុក្ខ និងនាំយកថវិការបស់ឯកឧត្តម ឡុង ហុកម៉េង ព្រះរាជអាជ្ញាអមសាលាខេត្តដំបូងខេត្តចំនួន១លានរៀល និងថវិការបស់លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តចំនួន១លានរៀល ទៅផ្ដល់ជូនស្ត្រីរងគ្រោះផងដែរ ៕
ចែករំលែកព័តមាននេះ