ខេត្តកណ្តាល ៖ បុរសម្នាក់ បានបើកបររថយន្តម៉ាកឡិចស៊ីសមួយគ្រឿង ក្នុងល្បឿនលឿន ជ្រុលបុកបង្គោលភ្លើងបំភ្លឺផ្លូវពេញទំហឹង បណ្តាលឲ្យផ្លោងក្រឡាប់ផ្ងារជើងច្រងាង និងរងការខូចខាតយ៉ាងដំណំ ផ្នែកក្បាលខាងមុខ ។…
ខេត្តកណ្តាល ៖ បុរសម្នាក់ បានបើកបររថយន្តម៉ាកឡិចស៊ីសមួយគ្រឿង ក្នុងល្បឿនលឿន ជ្រុលបុកបង្គោលភ្លើងបំភ្លឺផ្លូវពេញទំហឹង បណ្តាលឲ្យផ្លោងក្រឡាប់ផ្ងារជើងច្រងាង និងរងការខូចខាតយ៉ាងដំណំ ផ្នែកក្បាលខាងមុខ ។
ហេតុការណ៍នេះបានកើតឡើងនៅវេលាម៉ោង៣ទៀបភ្លឺ ថ្ងៃទី២ ខែមេសា ឆ្នាំ២០២៥នេះ ចំណុចនៅលើផ្លូវលេខ២១A ជិតស្ពានលេខ១ ភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្ដាល ។
សមត្ថកិច្ចនគរបាលក្រុងតាមខ្មៅ បានឲ្យដឹងថា មុនពេលកើតហេតុ បុរសម្នាក់ បានបើករថយន្តម៉ាក LEXUS RX300 មួយគ្រឿង ពាក់ស្លាកលេខ ភ្នំពេញ 2AN-6147 ចេញពីភ្នំពេញ ក្នុងគោលបំណងត្រឡប់ទៅផ្ទះ ដែលស្ថិតនៅក្រុងតាខ្មៅ។ លុះដល់ចំណុចកើតហេតុ ខណៈកំពុងបើកបរក្នុងល្បឿនលឿន សង្ស័យអ្នកបើកបររថយន្ត ងងុយដេក ក៏រេចង្កូតរថយន្តទៅបុកជាមួយនឹងបង្គោលភ្លើងបំភ្លឺផ្លូវពេញទំហឹង បណ្តាលឲ្យផ្លោងក្រឡាប់ផ្ងារជើងច្រងាង និងរងការខូចខាតយ៉ាងដំណំ ផ្នែកក្បាលខាងមុខតែម្តង ប៉ុន្តែសំណាងអ្នកបើកបរក្នុងរថយន្តនោះ គ្រាន់តែរងរបួសស្រាល ត្រូវបានប្រជាពលរដ្ឋនាំគ្នាជួយយកចេញមកខាងក្រៅ ។
ក្រោយកើតហេតុ មន្ត្រីនគរបាលចរាចរណ៍ក្រុងតាខ្មៅ បានចុះមកធ្វើការពិនិត្យវាស់វែង និងយករថយន្តខាងលើទៅរក្សាទុក រង់ចាំដោះស្រាយគ្នាតាមនីតិវិធីច្បាប់បន្តទៀត ៕
ចែករំលែកព័តមាននេះ