រាជធានីភ្នំពេញ ៖ ដើម្បីត្រៀមទទួលបងប្អូនប្រជាពលរដ្ឋ និងបង្កលក្ខណៈសប្បាយរីករាយដល់កុមារ ក៏ដូចជាអាណាព្យាបាល ឪពុកម្តាយ ដែលនាំកូនមកដើរលេងកម្សាន្តលំហែលកាយ សម្រាប់សង្ក្រាន្តវត្តភ្នំ និងផ្លូវថ្មើរជើងមាត់ទន្លេឆាប់ៗនេះ រដ្ឋបាលរាជធានីភ្នំពេញបាន…
រាជធានីភ្នំពេញ ៖ ដើម្បីត្រៀមទទួលបងប្អូនប្រជាពលរដ្ឋ និងបង្កលក្ខណៈសប្បាយរីករាយដល់កុមារ ក៏ដូចជាអាណាព្យាបាល ឪពុកម្តាយ ដែលនាំកូនមកដើរលេងកម្សាន្តលំហែលកាយ សម្រាប់សង្ក្រាន្តវត្តភ្នំ និងផ្លូវថ្មើរជើងមាត់ទន្លេឆាប់ៗនេះ រដ្ឋបាលរាជធានីភ្នំពេញបាន និងកំពុងមមារញឹកតុបតែងកែលម្អ ជួសជុលសម្ភារកុមារលេង និងលាបថ្នាំឱ្យមានសោភណភាពនៅតាមសួនច្បារ និងសួនកម្សាន្តនានា ក្នុងរាជធានីភ្នំពេញ ក្នុងឱកាសបុណ្យចូលឆ្នាំថ្មីប្រពៃណីជាតិរបស់ខ្មែរយើង ដើម្បីលើកកម្ពស់សម្រស់រាជធានីភ្នំពេញឱ្យកាន់តែស្រស់ស្អាត សក្តិសមជាបេះដូងនៃព្រះរាជាណាចក្រកម្ពុជា ។
មន្ត្រីរដ្ឋបាលរាជធានីភ្នំពេញ បានឱ្យដឹងថា ដោយមានការគិតគូរយ៉ាងយកចិត្តទុកដាក់ពី លោក ឃួង ស្រេង អភិបាល នៃគណៈរាជធានីភ្នំពេញ ដែលលោកតែងតែគិតគូរ ដើម្បីត្រៀមទទួលបងប្អូនប្រជាពលរដ្ឋ និងបង្កលក្ខណៈសប្បាយរីករាយដល់កុមារ ក៏ដូចជាអាណាព្យាបាលឪពុកម្តាយ ដែលនាំកូនមកដើរលេងកម្សាន្តលំហែលកាយ សម្រាប់សង្ក្រាន្តវត្តភ្នំនេះ រដ្ឋបាលរាជធានីភ្នំពេញបានធ្វើការជួសជុល ផ្លាស់ប្តូរថ្មីសម្ភារកុមារលេង និងកែលម្អ លាបថ្នាំសួនកុមារវត្តភ្នំ និងសួនច្បារនានាឱ្យពួកគាត់លេងកម្សាន្តយ៉ាងសប្បាយរីករាយ ។
មន្ត្រីជំនាញដដែល បានបញ្ជាក់ថា ការងារជួសជុលសម្ភារៈ កុមារលេង លាបថ្នាំ និងកែលម្អ នៅសួនកុមារនេះ បានចាប់អនុវត្តចាប់ពីពាក់កណ្តាលខែមីនា មកដល់ពេលនេះបានរួចរាល់អស់ហើយ។ ចំពោះការងារទាំងនោះ មានលាងសម្អាតស្តូបយាយពេញ លាបថ្នាំ និងលាងសម្អាត នៅសួនកុមារវត្តភ្នំ ការងារជួសជុលសម្ភារៈ កុមារវត្តភ្នំ ជួសជុលសម្ភារៈហាត់ប្រាណនៅសួន DN ជួសជុលសម្ភារៈ ហាត់ប្រាណ នៅទីលានប្រជាធិបតេយ្យ ឬស្សកែវ ។ល។
គួររំលឹកថា សួនកុមារវត្តភ្នំ និងសួនកុមារមុខវត្តបទុមវតី ត្រូវបានរដ្ឋបាលរាជធានីភ្នំពេញ កសាងឡើងកាលពីអំឡុងឆ្នាំ២០០៤-២០០៥ មកដល់ពេលនេះមានរយៈពេលប្រមាណ ២០ឆ្នាំហើយ ហើយក្នុងពេលកន្លងមករដ្ឋបាលរាជធានីភ្នំពេញ មានការជួសជុល និងថែទាំជាប្រចាំផងដែរ ៕
ចែករំលែកព័តមាននេះ