រាជធានីភ្នំពេញ៖ កម្ពុជា មិនមានបញ្ហាក្នុងការផ្គត់ផ្គង់គ្រាប់ស្វាយចន្ទីកែច្នៃទំហំ ៣០០០តោន /ឆ្នាំនោះទេ សម្រាប់ ក្នុងឆ្នាំ២០២៤ កម្ពុជាផលិតបានគ្រាប់ស្វាយ ចន្ទីស្រស់ជិត៩០ មុឺនតោន…
រាជធានីភ្នំពេញ៖ កម្ពុជា មិនមានបញ្ហាក្នុងការផ្គត់ផ្គង់គ្រាប់ស្វាយចន្ទីកែច្នៃទំហំ ៣០០០តោន /ឆ្នាំនោះទេ សម្រាប់ ក្នុងឆ្នាំ២០២៤ កម្ពុជាផលិតបានគ្រាប់ស្វាយ ចន្ទីស្រស់ជិត៩០ មុឺនតោន និងបាននាំចេញគ្រាប់ស្វាយចន្ទីកែច្នៃរួចជាង ៣មុឺនតោន។
ដើម្បីជៀសវាងការយល់ច្រលំ ក្នុងនាមជាអ្នកនាំពាក្យក្រសួងកសិកម្មឯកឧត្តម ឃឹម ហ្វីណ ង់បានបញ្ជាក់យ៉ាងដូច្នេះថា៖ ខ្ញុំសូមធ្វើការបំភ្លឺ និងកែតម្រូវឡើងវិញចំពោះព័ ត៌មានចេញផ្សាយ ដោយវិទ្យុបារាំងអន្ដរជាតិ(RFI) ដែលបានដកស្រង់ពាក្យសម្ដីរបស់លោក អួន សុីឡុត ប្រធានសមាគមស្វាយចន្ទីកម្ពុជាថា កម្ពុជាមិនមានបញ្ហាក្នុ ងការផ្គត់ផ្គង់គ្រាប់ស្វាយ ចន្ទីកែច្នៃ ទំហំ ៣០០០តោន/ឆ្នាំនោះទេ។ ក្នុងឆ្នាំ២០២៤ យើងផលិតបានគ្រាប់ ស្វាយចន្ទីស្រស់ជិត៩០ មុឺនតោន និងបាននាំចេញគ្រាប់ស្វាយចន្ទីកែច្នៃរួចជាង ៣មុឺនតោន»។
ជាមួយគ្នានោះដែរឯកឧត្តមអ្នកនាំពាក្យបានអះអាងថា កម្ពុជានៅសល់សមត្ថភាព កែច្នៃគ្រាប់ស្វាយចន្ទីយ៉ាងហោចណាស់ ៥មុឺនតោនទៀត ដែលនៅមិនទាន់ប្រើប្រាស់ឱ្យ អស់លទ្ធភាពនៅឡើយ គ្មានហេតុផលអ្វីដែលត្រូវព្រួយបារម្ភពីការមិនអាចផ្គត់ផ្គង់បរិមា ណត្រឹមតែ ៣០០០តោន/ឆ្នាំ ដូចដែលលោក អួន សុីឡុត បានលើកឡើងឡើយ។
ឯកឧត្តមថាសមត្ថភាពកែច្នៃគ្រាប់ស្វាយចន្ទីអាចនឹងត្រូវបានពង្រីកបានគ្រប់ពេល ប្រសិនបើមានកិច្ចសន្យាធានាទិញច្បាស់លាស់ ក្នុងតម្លៃខ្ពស់ពីទីផ្សារ និងមានផ្តល់ប្រាក់កក់ មុន៥០% ដូចដែលបានអះអាងពិតមែន។ ព័ត៌មានបែបនេះគួរតែត្រូវបានចែករំលែកដ ល់អ្នកកែច្នៃទូទៅឱ្យបានទូលំទូលាយ មិនមែនលាក់បាំងមិនផ្សព្វផ្សាយ ហើយបែរជាលើកឡើងពីការខ្វះខាតការផ្គត់ផ្គង់ទៅវិញ។
ជាមួយគ្នានោះដែរឯកឧត្តម ឃឹម ហ្វីណង់បានលើកឡើងថាមិនមានទិន្នន័យផ្លូវការ ណាមួយបង្ហាញថា ទិន្នផលគ្រាប់ស្វាយចន្ទីក្នុងឆ្នាំនេះមានការថយចុះដោយសារកត្តា អាកាសធាតុ ឡើយ។ ផ្ទុយទៅវិញ ការវាយតម្លៃបឋមបង្ហាញថា បរិមាណផលសរុបក្នុងឆ្នាំ២០២៥ អាចនឹងស្ថិតនៅកម្រិតដដែល ឬមានការកើនឡើង បើធៀបនឹងឆ្នាំ២០២៤។
អ្នកនាំពាក្យក៏បានបន្ថែមថា បរិមាណនាំចេញជាក់ស្តែងទៅកា ន់ទីផ្សារថ្មីនេះ នៅមានកម្រិតតិចតួចបំផុតនោះគឺ ទិន្នន័យផ្លូវការពីក្រសួងកសិកម្មបង្ហាញថា បរិមាណ នាំចេញពិត ប្រាកដរបស់ក្រុមហ៊ុននេះមានត្រឹមតែ ២២៦៨គីឡូក្រាម ឬជាង ២តោនប៉ុណ្ណោះ មិនមែន ២០០០តោន ដូចដែលបានផ្សព្វផ្សាយនោះទេ។ ការប្រជែងគ្នាទិញគ្រាប់ស្វាយចន្ទីកម្ពុជាពីឈ្មួញអន្តរជាតិមិនបណ្តាលឱ្យទិន្នផលនៃគ្រាប់ស្វាយចន្ទីធ្លាក់ចុះឡើយ។
ការលើកឡើងបែបនេះគឺជាកំហុសទាំងស្រុង និងស្តែងឱ្យឃើញ ពីការខ្វះខាតការយល់ដឹងឱ្យបានសុីជម្រៅពីកត្តាបច្ចេកទេសនិងទីផ្សារនៃដំណាំស្វាយចន្ទី។
លើកពីនេះអ្នកនាំពាក្យក្រសួងកសិម្មកក៏ សូមអំពាវនាវដល់ប្រព័ន្ធផ្សព្វផ្សាយទាំងអស់ ជាពិសេសវិទ្យុបារាំងអន្ដរជាតិ សូមផ្ទៀងផ្ទាត់ព័ត៌មានពីប្រភពផ្លូវការ មុននឹងផលិត ព័ត៌មានស ម្រាប់ផ្សព្វផ្សាយ ជាជាងពឹងផ្អែកតែនៅលើពាក្យសម្ដីរបស់បុគ្គលតែម្នាក់ ដែលលើកឡើង ដោយគ្មានភស្តុតាងច្បាស់លាស់។ ការផ្សព្វផ្សាយដោយគ្មានការត្រួតពិនិត្យបែបនេះ អាចបង្កឱ្យ មានការភ័ន្តច្រឡំ និងប៉ះពាល់ដល់ផលប្រយោជន៍បងប្អូនប្រជា កសិករ វិស័យកសិកម្ម និងសេដ្ឋកិច្ចជាតិកម្ពុជា៕
ចែករំលែកព័តមាននេះ