ការសិក្សាស្រាវជ្រាវបានបង្ហាញថា ការឈឺក្បាល គឺជារោគសញ្ញាមួយក្នុងចំណោមរោគសញ្ញាទូទៅបំផុតនៃការខ្សោះជាតិទឹក ។ ជាឧទាហរណ៍ស្រាប់ ការសិក្សាលើមនុស្សចំនួន ៣៩៣នាក់ បានរកឃើញថា អ្នកចូលរួម ៤០% បានឈឺក្បាល ដែលមួលហេតុ គឺបណ្តាលមកពីកង្វះជាតិទឹក ។
លើសពីនេះទៅទៀត ការសិក្សាខ្លះបានបង្ហាញថា ការផឹកទឹកអាចជួយបំបាត់ការឈឺក្បាលចំពោះអ្នកដែលឈឺក្បាលញឹកញាប់ ។ ការសិក្សាលើមនុស្ស ១០២នាក់ បានរកឃើញថាការផឹកទឹក ១លីត្រកន្លះក្នុងមួយថ្ងៃ បណ្តាលអោយមានភាពប្រសើរឡើងគួរឱ្យកត់សំគាល់លើការឈឺក្បាលបែបប្រកាំង ។
លើសពីនេះទៅទៀត ៤៧% នៃមនុស្សដែលផឹកទឹកច្រើន បានរាយការណ៍ថា មានការធូរស្បើយពីការឈឺក្បាល ខណៈដែលមានតែ ២៥% នៃមនុស្សផឹកទឹកក្នុងកម្រិតល្មមៗ ទទួលបានការធូរស្បើយនេះ ។
ទោះយ៉ាងណាក៏ដោយ ការសិក្សាទាំងអស់មិនបានទាញសេចក្តីសន្និដ្ឋានដូចគ្នាទាំងស្រុងទេ ។ អ្នកស្រាវជ្រាវក៏បានគិតថា នេះមកពីកង្វះគុណភាពនៃការសិក្សា ហើយទាមទារឱ្យមានការសិក្សាឱ្យកាន់តែស៊ីជម្រៅបន្ថែមទៀត អំពីទំនាក់ទំនងនៃការការខ្សោះជាតិទឹក និង ការឈឺក្បាល ៕
ចែករំលែកព័តមាននេះ