ខេត្តកណ្តាល ៖ សមត្ថកិច្ចក្រុងតាខ្មៅ ធ្វើការចាប់ឃាត់ខ្លួន ក្មេងទំនើង២ក្រុុម មានគ្នា៥នាក់ ក្រោយធ្វើសកម្មភាព បើកឆាកប្រយុទ្ធគ្នា បង្កឲ្យមានការភ្ញាក់ផ្អើលយ៉ាងខ្លាំង ។…
ខេត្តកណ្តាល ៖ សមត្ថកិច្ចក្រុងតាខ្មៅ ធ្វើការចាប់ឃាត់ខ្លួន ក្មេងទំនើង២ក្រុុម មានគ្នា៥នាក់ ក្រោយធ្វើសកម្មភាព បើកឆាកប្រយុទ្ធគ្នា បង្កឲ្យមានការភ្ញាក់ផ្អើលយ៉ាងខ្លាំង ។
ហេតុការណ៍នេះដែលបានកើតទ្បើង កាលពីវេលាម៉ោង ៨ និង ៣០ នាទីព្រឹក ថ្ងៃទី២៦ ខែមីនា ឆ្នាំ២០២៥ នៅតាមបណ្តោយផ្លូវបេតុង ខាងក្រោយពន្ធនាគារខេត្តកណ្តាល ក្នុងភូមិក្រពើហារ សង្កាត់ព្រែកឬស្សី ក្រុងតាខ្មៅ ខេត្តកណ្តាល ។
បើតាមលោកវរសេនីយ៍ឯក យី វណ្ណដា បានឲ្យដឹងថា ដោយអនុវត្តតាមបទបញ្ជារដល់ខ្ពង់ខ្ពស់ពី លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជារលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ ធ្វើការដឹកនាំកម្លាំងជំនាញព្រហ្មទណ្ឌស្រាវជ្រាវ ភ្លាមៗ រហូតឈានដល់ការ ឃាត់ខ្លួនបានក្រុមក្មេងទំនើងចំនួន០៥នាក់ ចែកជា០២ក្រុម៖
១ ឈ្មោះ អ៉ីម វេទវឌ្ឍនៈ ហៅ ចៃម៉ា ភេទប្រុស អាយុ១៦ឆ្នាំ ជនជាតិខ្មែរ ទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ,មុខរបរសិស្ស។
២ ឈ្មោះ រ៉ា បញ្ញាស័ក ភេទប្រុស អាយុ១៦ឆ្នាំ ជនជាតិខ្មែរ ទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ,មុខរបរសិស្ស ។
៣ ឈ្មោះ និត ផាន់ណា ភេទប្រុស អាយុ១៦ឆ្នាំ ជនជាតិខ្មែរ ទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល ,មុខរបរសិស្ស ។
៤ ឈ្មោះ សុន សំណាង ហៅ តុង ភេទប្រុស អាយុ១៨ឆ្នាំ ជនជាតិខ្មែរ ទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ,មុខរបរសិស្ស ។
៥ ឈ្មោះ ឡាត់ វឌ្ឍនា ភេទប្រុស អាយុ១៦ឆ្នាំ ជនជាតិខ្មែរ ទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ,មុខរបរសិស្ស ។
ក្នុងនោះសមត្ថកិច្ចដកហូតបាន ម៉ូតូចំនួន២គ្រឿង ម៉ូតូទី១ ម៉ាកHonda Scoopy ពណ៌ ស ស្លាកលេខភ្នំពេញ 1JT0043 , ម៉ូតូទី២ ម៉ាកSuzuki Nex ពណ៌ ឈាមជ្រូក ស្លាកលេខភ្នំពេញ 1 KY2360 និង មួកការពារសុវត្ថិភាពចំនួន៤ ។
បច្ចុប្បន្នជនសង្ស័យទាំង៥នាក់ និង វត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅតុលាការ ចាត់ការតាមនីតិវិធី ។
គួរបញ្ជាក់ផងដែរថា កន្លងមកក្មេងទំនើងទាំង ២ក្រុមនេះ តែងតែមានទំនាស់ផ្លែផ្កាឌឺដងដាក់គ្នាតាម(បណ្ដាសង្គមTik Tok) និង ធ្លាប់ដេញវៃគ្នា ទៅវិញទៅមកជាច្រើនដងមកហើយ ។ លុះមកដល់ថ្ងៃទី២៦ ខែមីនា ឆ្នាំ២០២៥ វេលាម៉ោង៨ និង៣០នាទីព្រឹក ស្រាប់តែ ក្រុមក្មេងទំនើងទាំង២ក្រុមនេះ បានជិះម៉ូតូជួបគ្នាចៃដន្យ តាមផ្លូវ ដោយភាគីម្ខាងជិះម៉ូតូឌុបគ្នា២នាក់ និង ភាគីម្ខាងទៀតជិះឌុបគ្នា៣នាក់ មកដល់ចំណុចកើតហេតុខាងលើ ក៏ បានឈ្លោះប្រកែកគ្នា ហើយយកមួកសុវត្ថិភាពដែលពាក់ជាប់នៅក្បាល ដោះមកបើកឆាកប្រយុទ្ធគ្នា ទៅវិញទៅមក បង្កឲ្យមានការភ្ញាក់ផ្អើលយ៉ាងខ្លាំង ទៅដល់ប្រជាពលរដ្ឋ រាយការណ៍ជូនសមត្ថកិច្ចភ្លាមៗ ដើម្បីធ្វើអន្តរាគមន៍ចាប់ក្មេងទំនើងទាំងនោះ ៕
ចែករំលែកព័តមាននេះ