សម្តេចតេជោ ហ៊ុន សែន នៅពេលប៉ុន្មាននាទីមុននេះ បានបង្ហាញអំពីទុក្ខដ៏ធ្ងន់ធ្ងរដែលសម្តេច កំពុងតែប្រឈមមុខដោយសារភរិយារបស់សម្តេច គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន…
សម្តេចតេជោ ហ៊ុន សែន នៅពេលប៉ុន្មាននាទីមុននេះ បានបង្ហាញអំពីទុក្ខដ៏ធ្ងន់ធ្ងរដែលសម្តេច កំពុងតែប្រឈមមុខដោយសារភរិយារបស់សម្តេច គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានទទួលការវះកាត់ដោយសារជំងឺ ហើយបងប្រុសរបស់សម្តេច គឺ អ្នក ឧកញ៉ា ហ៊ុន សាន មានស្ថានភាពជំងឺធ្ងន់ធ្ងរអាចប៉ះពាល់ដល់អាយុជីវិត។
សម្តេចតេ ជោ បានសរសេរនៅលើហ្វេសប៊ុករបស់សម្តេចថា «ពេលនេះខ្ញុំពិតជាកំពុងមានទុក្ខធ្ងន់ម្ខាងភរិយាត្រូវវះកាត់ ។ បើទោះជាឆ្លងផុតដំណាក់កាលគ្រោះថ្នាក់មកដល់សុវត្ថិភាពហើយក៏ដោយ តែក្នុងឋានៈជាស្វាមី នៅតែមានកង្វល់ ព្រោះមិនអាចនៅកំដរ និងមើលថែទាំភរិយាបាន។»
សម្តេច បានមានប្រសាសន៍បន្ថែមទៀតថា «រឿងធ្ងន់ជាងនេះ គឺបងប្រុសទីមួយ មិនអាចឆ្លងផុតពីការលាចាកលោកក្នុងពេលខ្លីខាងមុខនេះបានឡើយ ។ ក្នុងក្រុមគ្រួសារបានត្រៀមទទួលការឈឺចាប់ ដែលមិនអាចជៀសវាងបាននេះរួចហើយ។»
សម្តេចតេ ជោ មានប្រសាសន៍ថា «ម្ខាងភរិយា ម្ខាងបងប្រុសក្នុងពេលតែមួយ និងនៅកន្លែងខុសគ្នា ។ ភរិយាខ្ញុំជំរុញឲ្យខ្ញុំប្រញាប់ទៅមើលបងប្រុស និងក្នុងករណីបងប្រុសចែកឋានក្នុងពេលឆាប់គ្រប់កម្មវិធីច្បាស់ជាមិនមានវត្តមានភរិយាខ្ញុំឡើយ» ៕
ចែករំលែកព័តមាននេះ