រាជធានីភ្នំពេញ ៖ គណៈបញ្ជាការឯកភាពខណ្ឌមានជ័យ ចុះចាប់ទីតាំងបង្កប់ឡូតូ នឹងល្បែងជល់មាន់ខុសច្បាប់ ដោយឃាត់ខ្លួនស្ត្រី០២នាក់ ជាអ្នកកាន់ទូកុំព្យូទ័រ ។ ការចុះឆ្មក់បង្ក្រាបនេះដែរ បានធ្វើឡើងកាលពីរសៀល…
រាជធានីភ្នំពេញ ៖ គណៈបញ្ជាការឯកភាពខណ្ឌមានជ័យ ចុះចាប់ទីតាំងបង្កប់ឡូតូ នឹងល្បែងជល់មាន់ខុសច្បាប់ ដោយឃាត់ខ្លួនស្ត្រី០២នាក់ ជាអ្នកកាន់ទូកុំព្យូទ័រ ។
ការចុះឆ្មក់បង្ក្រាបនេះដែរ បានធ្វើឡើងកាលពីរសៀល ថ្ងៃទី ២១ ខែមីនា ឆ្នាំ២០២៥ នៅចំណុចផ្លូវបេតុង ក្នុងភូមិដំណាក់ធំ២(ដីថ្មី) សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
បើតាមការបញ្ជាក់ពី លោក សេង គន្ធ អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ បានបញ្ជាអោយលោកចៅសង្កាត់ស្ទឹងមានជ័យទី០៣ នាយប៉ុស្តិ៍រដ្ឋបាល និងកម្លាំងសណ្តាប់ធ្នាប់ខណ្ឌបានដឹកនាំកម្លាំងចុះបង្ក្រាបទីតាំងឡូតូ និងល្បែងស៉ីសងមាន់ជល់អនឡាញមួយកន្លែងជាបន្ទាន់ ដែលបានបង្កប់លួចលាក់បើកយ៉ាងអនាធិបតេយ្យ ដោយមិនខ្លាចញញើតអាជ្ញាធរ ។
ជាលទ្ធផលសមត្ថកិច្ចបានធ្វើការដកហូតសម្ភារៈមួយចំនួនដូចជា ៖ ទូរស័ព្ទដៃ ០១គ្រឿង , ម៉ូតូ ០១គ្រឿង , កុំព្យូទ័រ ២គ្រឿង ខាងលើ ត្រូវបានកម្លាំងគណៈបញ្ជាការឯកភាពខណ្ឌមានជ័យ យកទៅរក្សាទុក ជាបណ្ដោះអាសន្ន ។
បច្ចុប្បន្ន ស្ត្រី០២នាក់ខាងលើ ត្រូវបានបញ្ជូនទៅប៉ុស្តិ៍នគរបាលសង្កាត់ស្ទឹងមានជ័យទី៣ ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ