ការជ្រើសរើសការព្យាបាលត្រឹមត្រូវ គឺជារឿងសំខាន់ ។ បងប្អូនយើងខ្លះ គាត់ជឿលើគ្រូពេទ្យសម័យ ខ្លះក៏មានជំនឿលើគ្រូបុរាណ ។ យ៉ាងណាមិញ ឪពុកម្តាយគ្រប់រូប គួរពិចារណាឱ្យបានដិតដល់…
ការជ្រើសរើសការព្យាបាលត្រឹមត្រូវ គឺជារឿងសំខាន់ ។ បងប្អូនយើងខ្លះ គាត់ជឿលើគ្រូពេទ្យសម័យ ខ្លះក៏មានជំនឿលើគ្រូបុរាណ ។ យ៉ាងណាមិញ ឪពុកម្តាយគ្រប់រូប គួរពិចារណាឱ្យបានដិតដល់ ក្នុងការជ្រើសរើសការព្យាបាលនៅពេលសមាជិកគ្រួសារ ឬមនុស្សជាទីស្រលាញ់ កើតហេតុអ្វីមួយនោះ ។
អត្ថបទមួយនេះ សូមចែករំលែកនូវរឿងរ៉ាវរបស់ក្រុមគ្រួសារមួយ ដែលកូនជួបគ្រោះដួលបាក់ឆ្អឹង និងបាននាំកូនៗទៅទទួលការព្យាបាលបែបក្បួនបុរាណ ។ ថ្មីៗនេះ មានក្មេងប្រុសម្នាក់ ដែលមានអាយុ១៣ឆ្នាំ បានរងគ្រោះដួលបាក់ឆ្អឹងកំភួនដៃ និងមានរបួសកម្រិតតូច ។
ក្រោយពេលរងគ្រោះដួលបាក់ឆ្អឹងកំភួនដៃ កាលពី១០ថ្ងៃមុន មិនទាន់ទទួលការព្យាបាល ដោយគាត់បានព្យាបាលជាមួយគ្រូបុរាណ ឬគ្រូខ្មែរ ដោយអបជាមួយថ្នាំបុរាណ និងព្រួល ឬស្សីរឹបយ៉ាងណែន ដែលរំខានដល់ការនាំឈាមទៅចិញ្ចឹម ផ្នែកខាងចុងនៃអវៈយវៈ ។
តាមការផ្តល់ព័ត៌មានពីអាណាព្យាបាលថា ក្រោយរុំភ្លាម គឺហើមតឹងណែន និងស្លេក ឥឡូវស្រកហើមបន្តិច តែនៅរឹង និងមិនអាចកម្រើកបាន (Fibrosis & paralysis) ។ នេះបើយោងតាមការផ្សាព្វផ្សាយផេករបស់វេជ្ជបណ្ឌិត កម្ពុជា ។ ដំណាក់កាលបន្ទាប់នៃ Volkmann syndrome គឺ Contracture ដែលអាចប៉ះពាល់ដល់មុខងារនៃអវៈយវៈ Disability ។ បើតាមការបញ្ជាក់ពីវេជ្ជបណ្ឌិត កម្ពុជាបន្តថា ការព្យាបាលបាក់ឆ្អឹងប្រភេទនេះ គឺត្រូវតម្រង់ និងដាក់ដែកអោយបានឆាប់ និងត្រឹមត្រូវ បើសិនជាព្យាបាលក្នុងពេលដែលមានផលវិបាកដោយសារខូចដៃ Volkmann ទោះឆ្អឹងជាប់ ប៉ុន្តែមុខងារនឹងប៉ះពាល់ធ្ងន់ធ្ងរ ។
ហេតុនេះកុំបណ្តោយអោយមានផលវិបាកត្រូវតែបោះបង់ជំនឿមិនត្រឹមត្រូវមកមន្ទីរពេទ្យអោយទាន់ពេលវេលា ព្យាបាលតាមក្បួនខ្នាតវេជ្ជសាស្ត្រអោយបានត្រឹមត្រូវ ចៀសវាងផលវិបាកនានាធ្ងន់ធ្ងរ ។
ក្រោយការបង្ហោះខាងមានបងប្អូនមហាជនខ្លះចែករំលែកថា «កាលខ្ញុំត្រូវឡានកៀរ ខ្ញុំអត់ទៅពេទ្យទេ ខ្ញុំទៅគ្រូខ្មែរពីរបីដងអត់ដឹងដៃខ្ញុំបាក់ ទាល់តែដៃនៅតែលើកមិនរួច ទើបព្រមទៅថតទើបដឹងដៃបាក់ណាត់ពេទ្យវះម៉ង» ។ និងបងប្អូនមហាជនខ្លះទៀតលើកឡើងថា « កុំអួតពេក បើជួបរឿងដូចអ្នកភូមិបានដឹងពេទ្យ ទាកាត់ជើងចោល តែគ្នាខ្លាចក្លាយជាជនពិការក៏មករកគ្រូខ្មែរបាន៣ខែជាដើរកើត ។ កំហុសអ្នកណា? និងមហាជនខ្លះទៀតលើកឡើងថា «គ្រូខ្មែរ បើសិនជាគ្រូចេះពិតប្រាកដ វាមិនជាបញ្ហាអ្វីនោះទេ ណាស់តែគ្រូដែលមិនចេះហើយចេះតែស្មានៗទៅទើបជាបញ្ហាធំ» ។
សូមបញ្ជាក់ដែរថា ចំពោះបញ្ហាបាក់គ្រិចថ្លោះ គួរតែទទួលការព្យាបាលជាមួយគ្រូពេទ្យអោយបានត្រឹមត្រូវ ច្រៀសវាងទទួលការព្យបាលជាមួយគ្រូខ្មែរ អបឈើដាក់ថ្នាំខ្មែរ ៕ លីហួ គីមឆាយ
ចែករំលែកព័តមាននេះ