រាជធានីភ្នំពេញ៖ បុរសជាកសិករម្នាក់ខានបូមទឹកដាក់ស្រូវស្រែប្រាំងបស់ខ្លួនរយៈពេល១អាទិត្យមកហើយ លុះដល់វេលាម៉ោងព្រឹកថ្ងៃទី១៨ ខែមីនា ឆ្នាំ២០២៥ គាត់បានធ្វើដំណើរចេញពីផ្ទះទៅបូមទឹករណ្ដៅដីមួកន្លែងស្ថិតនៅក្នុងភូមិស្នោរលិច សង្កាត់ស្នោរ ខណ្ឌកំបូល រាជធានីភ្នំពេញ ។…
រាជធានីភ្នំពេញ៖ បុរសជាកសិករម្នាក់ខានបូមទឹកដាក់ស្រូវស្រែប្រាំងបស់ខ្លួនរយៈពេល១អាទិត្យមកហើយ លុះដល់វេលាម៉ោងព្រឹកថ្ងៃទី១៨ ខែមីនា ឆ្នាំ២០២៥ គាត់បានធ្វើដំណើរចេញពីផ្ទះទៅបូមទឹករណ្ដៅដីមួកន្លែងស្ថិតនៅក្នុងភូមិស្នោរលិច សង្កាត់ស្នោរ ខណ្ឌកំបូល រាជធានីភ្នំពេញ ។ ខណៈនោះស្រាប់តែគាត់មានការភ្ញាក់ផ្អើលយ៉ាងខ្លាំង និងរត់ទៅប្រាប់អ្នកស្រុកភូមិឲ្យទៅជួយមើល និងបង្កឲ្យមានការភ្ញាក់ផ្អើលទាំងព្រឹក បន្ទាប់ពីគាត់បានប្រទះឃើញសពបុរសម្នាក់អាក្រាតកាយស្លាប់អណ្ដែតក្នុងទឹករណ្ដៅដីនោះ ។
សាកសពបុរសខាងលើនោះមិនទាន់ត្រូវបានស្គាល់អត្តសញ្ញាណនៅឡើយទេ មានសភាពហើមស្អុយទៅហើយ ដោយឡែកអ្នកភូមិខាងលើនិងអ្នកភូមិផ្សេងទៀតនៅជិតនោះក៏បានទៅចោមរោមមើលច្រើដែរ ប៉ុន្តែគ្មានអ្នកស្គាល់អ្នកស្លាប់នោះទេ ។ ម្យ៉ាងទៀតនៅក្នុងពេលភ្លាមៗនោះក៏មិនទាន់មានដំណឹងថា មានអ្នកបាត់សមាជិកគ្រួសារនៅឡើយដែរ ចំណែកនគរបាលបានចុះទៅកាន់ទីនោះភ្លាមៗដែរ ប៉ុន្តែពុំទាន់អះអាងថាជនរងគ្រោះស្លាប់ដោយលង់ទឹក ឬ ក៏ជាអំពើឃាតកម្មនៅឡើយ តែមហាជនបានដាក់ការសង្ស័យថាជនរងគ្រោះអាចស្លាប់ដោយអំពើឃាតកម្ម ហើយតាមមើលទៅស្លាប់រយៈពេល១អាទិត្យកន្លងមកហើយ ។
បុរសជាកសិករម្នាក់រស់នៅក្នុងភូមិកើតហេតុខាងលើបាននិយាយថា គាត់បានធ្វើស្រែប្រាំងនៅចំណុចកើតហេតុនោះ ព្រោះទីនោះអាចឲ្យគាត់អាស្រ័យផលបូមទឹកចេញពីរណ្ដៅដីស្រោចស្រពដំណាំស្រូវរបស់គាត់បាន ។ បន្ទាប់ពីខកខានមិនបានបូមទឹកអស់រយៈពេល១អាទិត្យរួចមក នៅវេលាព្រឹកថ្ងៃកើតហេតុគាត់បានទៅបូមទឹកដាក់ស្រូវបន្តទៀត លុះពេលទៅដល់បានធំក្លិនស្អុយចម្លែកចេញពីក្នុងទឹករណ្ដៅដីនោះ ។
កសិកររូបនោះបាននិយាយបន្តទៀតថា ក្រោយមកគាត់ក្រឡេករកមើល ស្រាប់តែប្រទះឃើញសាកសពបុរសអាក្រាតកាយខាងលើអណ្ដែតនៅក្នុងទឹករណ្ដៅដីនោះ ហើយគាត់ក៏បានទៅប្រាប់អ្នកភូមិឲ្យជួយមើល ក្រែងមានអ្នកស្គាល់ ។ ព្រោះគាត់មិនដែលបានស្គាល់ជនរងគ្រោះនោះពីមុនមកទេ ពុំដឹងថាជានរណាឡើយ ខណៈនោអបានបង្កឲ្យមានការភ្ញាក់ផ្អើល រួចក៏រាយការណ៍ជូនសមត្ថកិច្ចឲ្យទៅពិនិត្យមើលតែម្ដង ។
ក្រោយពេលមានការភ្ញាក់ផ្អើល កម្លាំងនគរបាលប៉ុស្តិ៍ស្នោរបានចុះទៅកាន់ទីនោះភ្លាមៗ ប៉ុន្តែមិនបានសន្និដ្ឋានថាជាករណីអ្វីនៅឡើយទេ ហើយបានរាយការណ៍បន្តទៅកាន់នគរបាលខណ្ឌកំបូលបានដឹង ។ ព្រមទាំងរាយការណ៍ទៅកាន់នគរបាលការិយាល័យបច្ចេកទេស និងវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញចុះទៅធ្វើកោសល្យវិច័យស្វែងរកអត្តសញ្ញាណជនរងគ្រោះ និងមូលហេតុនៃការស្លាប់នេះ ។ ដើម្បីបានដឹងឲ្យច្បាស់ថាតើជនរងគ្រោះខាងលើស្លាប់ដោយសារលង់ទឹក អំពើអត្តឃាតលោតទឹក ឬជាអំឃាតកម្មប្រព្រឹត្តដោយឃាតករណាមួយសម្លាប់នៅនឹងកន្លែងកើតហេតុរួចរុញទម្លាក់ទឹក ឬក៏សម្លាប់ពីកន្លែងផ្សេងរួចយកទៅទម្លាក់ចោលនៅក្នុងទឹករណ្ដៅដីខាងលើនោះ ។
យោងតាមដំណឹងចុងក្រោយពីនគរបាលប៉ុស្តិ៍ស្នោរបានបញ្ជាក់ប្រាប់នៅវេលារសៀលថ្ងៃដដែលនេះថា បុរសដែលស្លាប់អណ្ដែតទឹកដោយអាក្រាតកាយខាងលើត្រូវបានស្គាល់អត្តសញ្ញាណហើយ គឺឈ្មោះលី បាលី អាយុ២៤ឆ្នាំ មានទីលំនៅផ្ទះលេខ៤២ ផ្លូវលេខ៤០៨ ភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័យ និងស្នាក់នៅក្នុងភូមិស្នោរកើត សង្កាត់ស្នោរ ខណ្ឌកំបូល ។
ជនរងគ្រោះរូបនោះគឺជាជនវិកលចរិក ហើយកន្លងមកតែងតែចេញបាត់ពីផ្ទះជួនកាល១អាទិត្យទើបចូលផ្ទះម្ដងក៏មានដែរ គឺចង់ទៅៗចង់មកៗហើយដោយសារតែទម្លាប់បែនេះក្រុមគ្រួសារមិនសូវតាមរកទេ លុះចុងក្រោយនេះក៏ដើរចេញពីផ្ទះទៀតរួចក៏បាត់រហូតតែម្ដង ។
នគរបាលបានប្រាប់ឲ្យដឹងបន្តទៀតថា នៅពេលប្រទះឃើញសាកសពភ្លាមៗក្រុមគ្រួសារសាច់ញាតិ និងអ្នកស្រុកភូមិមើលអត់ស្គាល់ទេ ព្រោះសពហើមស្អុយប្រែប្រួលទ្រង់ទ្រាយដើមច្រើនណាស់ លុះក្រោយមកទើបក្រុមគ្រួសារស្គាល់និងនាំយកទៅធ្វើបុណ្យតាមប្រពៃណី ។ ដោយឡែកទាក់ទងទៅនិងការស្លាប់នេះដែរ មិនមានជាប់ពាក់ព័ន្ធទៅនិងអំពើឃាតកម្មនោះទេ តាមការពិនិត្យកោសល្យវិច័យ គឺជនរងគ្រោះខាងលើស្លាប់ដោយសារលង់ទឹក ៕
ចែករំលែកព័តមាននេះ