រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា នឹងមានជំនួបពិសារអាហារសាមគ្គីជាមួយសម្ព័ន្ធគណបក្សនយោបាយទាំង២៧ នាថ្ងៃទី២៧ មីនា ខាងមុខនេះ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា នឹងមានជំនួបពិសារអាហារសាមគ្គីជាមួយសម្ព័ន្ធគណបក្សនយោបាយទាំង២៧ នាថ្ងៃទី២៧ មីនា ខាងមុខនេះ នេះបើតាមអ្នកនាំពាក្យគណបក្សប្រជាជនកម្ពុជា ។
ឯកឧត្តម ជា ធីរិទ្ធ អ្នកនាំពាក្យគណបក្សប្រជាជនកម្ពុជា បានឲ្យដឹងនៅថ្ងៃ១៨ មីនានេះថា ក្នុងជំនួបជាលក្ខណៈអាហារសាមគ្គី ជាមួយសម្ព័ន្ធមិត្ត នៃគណបក្សទាំង២៧នេះ ក្នុងគោលបំណងរឹតចំណងមិត្តភាព និងបង្កើន នូវភាពស្និតស្នាលជាមួយគ្នាបន្ថែមទៀត ។
ឯកឧត្តមអ្នកនាំពាក្យបន្ថែមថា “សម្តេចតេជោ ប្រធានគណបក្សប្រជាជនកម្ពុជា នឹងជួបពិសារអាហារថ្ងៃត្រង់សាមគ្គីជាមួយនឹងតំណាងគណបក្សសម្ព័ន្ធទាំង២៧ នៅវិមាន៧មករា ។ ពិធីនេះធ្វើឡើង ដើម្បីបង្កើននូវភាពស្និតស្នាលរវាងគណបក្សសម្ព័ន្ធទាំង២៨ មានគណបក្សប្រជាជនកម្ពុជា និងគណបក្ស២៧ទៀត ដែលបានចុះកិច្ចព្រមព្រៀងចងសម្ព័ន្ធជាមួយគ្នា” ។
បើតាមឯកឧត្តម ជា ធីរិទ្ធ ក្រោយបញ្ចប់អាហារសាមគ្គីរួចហើយ ក៏នឹងមានការរៀបចំសន្និសីទសារព័ត៌មានផងដែរ ។
សូមបញ្ជាក់ថា គណបក្សប្រជាជនកម្ពុជា និងគណបក្សទាំង២៧ផ្សេងទៀតបានចុះហត្ថលេខាចងជាសម្ព័ន្ធជាមួយគ្នា កាលពីថ្ងៃទី២៥ ខែតុលា ឆ្នាំ២០២៣ ។ ក្រោយពីការបញ្ចប់ការចុះហត្ថលេខានៃការចងសម្ព័ន្ធមេត្រីជាមួយគ្នាហើយ សម្ដេចតេជោ ហ៊ុន សែន បានមានប្រសាសន៍ថា បណ្ដាគណបក្សនយោបាយទាំង២៧ បានចុះហត្ថលេខាជាមួយគ្នានេះ គឺក្លាយជាដៃគូស្មើភាព និងស្មើសិទ្ធិជាមួយគ្នា ហើយគណបក្សទាំងអស់ មិនចំណុះឲ្យគណបក្សប្រជាជនកម្ពុជានោះទេ ៕
ចែករំលែកព័តមាននេះ