រាជធានីភ្នំពេញ ៖ ជនសង្ស័យជាក្រុមក្មេងទំនើ.ងរហ័សនាមក្រុមឬស្សីកែវ (RSK) ត្រូវបានកម្លាំងនគរបាលខណ្ឌឬស្សីកែវ តាមស្រាវជ្រាវឃាត់ខ្លួនបានជាបន្តបន្ទាប់ចំនួន៥នាក់ ក្នុងចំណោមបក្សពួកចំនួន៨នាក់ ដែលបានធ្វើសកម្មភាពបង្កហិ.ង្សា និងកា.ប់វា.យបំផ្លាញម៉ូតូកាលពីវេលាម៉ោង៣និង១៧នាទីភ្លឺ ថ្ងៃទី១៧…
រាជធានីភ្នំពេញ ៖ ជនសង្ស័យជាក្រុមក្មេងទំនើ.ងរហ័សនាមក្រុមឬស្សីកែវ (RSK) ត្រូវបានកម្លាំងនគរបាលខណ្ឌឬស្សីកែវ តាមស្រាវជ្រាវឃាត់ខ្លួនបានជាបន្តបន្ទាប់ចំនួន៥នាក់ ក្នុងចំណោមបក្សពួកចំនួន៨នាក់ ដែលបានធ្វើសកម្មភាពបង្កហិ.ង្សា និងកា.ប់វា.យបំផ្លាញម៉ូតូកាលពីវេលាម៉ោង៣និង១៧នាទីភ្លឺ ថ្ងៃទី១៧ ខែមីនា ឆ្នាំ២០២៥ នៅចំនុចផ្លូវបេតុង ក្រុម៤ ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។
ជនសង្ស័យដែលត្រូវឃាត់ខ្លួន១-ឈ្មោះ ម៉ី សីហា ភេទប្រុស អាយុ១៦ឆ្នាំ ទីលំនៅផ្ទះជួល ផ្លូវបេតុង ស្រុកកណ្ដាលស្ទឹង ខេត្តកណ្ដាល មុខរបរ កម្មកររោងចក្រ, ២-ឈ្មោះ ថុន ប៊ុនផាត ភេទប្រុស អាយុ១៧ឆ្នាំ ទីលំនៅផ្ទះជួល ផ្លូវលេខ១៩ សង្កាត់ផ្សារកណ្ដាល២ ខណ្ឌដូនពេញ រាជធានីភ្នំពេញ មុខរបរដឹកជញ្ជូន ,៣-ឈ្មោះ បូរិន រ៉ុងនិត ភេទប្រុស អាយុ១៧ឆ្នាំ មានទីលំនៅផ្ទះជួល ផ្លូវបេតុង ស្រុកកណ្ដាលស្ទឹង ខេត្តកណ្ដាល មុខរបរ កម្មកររោងចក្រ ,៤-ឈ្មោះ តេង ហ្សាក់ ភេទប្រុស អាយុ១៥ឆ្នាំ ភូមិក សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ មុខរបរកម្មកររោងចក្រ, ៥-ឈ្មោះ រ៉េន ចន ភេទប្រុស អាយុ១៥ឆ្នាំ ភូមិកសង្កាត់ ច្រាំងចំរេះទី២ ខណ្ឌឬស្សីកែវ រាជធានីភ្នំពេញ មុខរបរ កម្មកររោងចក្រ ។
តាមនគរបាលបានឲ្យដឹងថា ជនសង្ស័យទាំង៥នាក់ ក្នុងចំណោមបក្សពួកចំនួន៨នាក់ ត្រូវបានកម្លាំងនគរបាលខណ្ឌឬស្សីកែវធ្វើការស្រាវជ្រាវ ហើយឈានទៅឃាត់ខ្លួនជាបន្តបន្ទាប់ កាលពីល្ងាចថ្ងៃទី ១៧ ខែមីនា ឆ្នាំ២០២៥ នៅចំណុចកោះពេជ្រ និងនៅស្រុកទ្រាំង ខេត្តតាកែវ ។
តាមនគរបាលខណ្ឌឬស្សីកែវ បានឲ្យដឹងទៀតថា នៅវេលាទៀបភ្លឺ ថ្ងៃទី១៧ ខែមីនា ឆ្នាំ២០២៥ នៅចំណុចផ្លូវបេតុង ក្រុម៤ ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ មានករណីហិ.ង្សាធ្វើអោយខូចខាតដោយចេតនា ប្រើដាវកែច្នៃ និងមួកសុវត្ថិភាពដេញវាយជនរងគ្រោះនឹងកាប់បំផ្លាញម៉ូតូចំនួន០២គ្រឿងខូចខាត) បង្កឡើងដោយជនសង្ស័យចំនួន០៨នាក់ ដែលជាក្រុមក្មេងទំនើ.ងរហ័សនាមក្រុមឬស្សីកែវ (RSK)ជិះម៉ូតូចំនួន៤គ្រឿង ។
ដោយទទួលបានបទបញ្ជាពីលោក ជិន ប៊ុនធឿន អភិបាលនៃគណៈអភិបាលខណ្ឌឫស្សីកែវ និងជាប្រធានគណៈបញ្ជាការឯកភាពខណ្ឌ កម្លាំងអធិការដ្ឋានខណ្ឌឫស្សីកែវ ដឹកនាំដោយលោក ហ៊ាង ថារ៉េត អធិការនគរបាលខណ្ឌដឹកនាំកម្លាំងចុះបង្ក្រាបក្រុមក្មេងទំនើ.ង និងកំណត់មុខសញ្ញាជនសង្ស័យ ។
ក្នុងសកម្មភាព ពេលដែលជនរងគ្រោះឈ្មោះ គុណ មករា ភេទប្រុស អាយុ១៨ឆ្នាំ ស្នាក់នៅបន្ទប់ជួល កំពុងអង្គុយលេងនៅក្រោមផ្លូវឡើងបន្ទប់ជួល ស្រាប់តែមានក្រុមជនសង្ស័យរហ័សនាមក្រុមឬស្សីកែវ(RSK) ចំនួន០៨នាក់ ជិះម៉ូតូ៤គ្រឿងធ្លាប់មានទំនាស់ជាមួយគ្នា បានយកដាវកែច្នៃ និងមួកសុវត្ថិភាពមកដេញវា.យលើជនរងគ្រោះ និងកា.ប់បំផ្លាញម៉ូតូជនរងគ្រោះបណ្តាលអោយខូចខាតយ៉ាងដំណំត្រូវបានជនរងគ្រោះរត់គេចយករួចខ្លួន ។
បន្ទាប់ពីករណីហិ.ង្សាសមត្ថកិច្ចក៏បានចុះទៅកន្លែងកើតហេតុ និងធ្វើការស្រាវជ្រាវរហូតដល់វេលាម៉ោង៥ល្ងាចថ្ងៃខែឆ្នាំដដែល នគរបាលខណ្ឌឬស្សីកែវ ឈានដល់ការឃាត់ខ្លួនបានជនសង្ស័យចំនួន០២នាក់នៅក្នុងកោះពេជ្រ និងបន្តស្រាវជ្រាវសហការជាមួយអធិការនគរបាលស្រុកទ្រាំងខេត្តតាកែវ ឈានដល់ការឃាត់ខ្លួនបានជនសង្ស័យចំនួន០៣នាក់បន្ថែមទៀត សរុបទាំងអស់៥នាក់ព្រមទាំងដកហូតម៉ូតូចំនួន០៣គ្រឿង៕
ចែករំលែកព័តមាននេះ