ខេត្តកំពង់ស្ពឺ ៖ យុវជនម្នាក់ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួន ខណៈដែលធ្វើសកម្មភាពយកកន្ត្រៃចាក់ទៅលើយុវជនម្នាក់ទៀត រឿងខឹង ជនរងគ្រោះពាក់មួកចូលក្នុងផ្ទះរបស់ខ្លួនក៏កើតទៅជាហិ.ង្សាប្រតាយប្រតប់គ្នាតែម្តង ។ ករណីហិ.ង្សាដោយចេតនា ប្រើកន្ត្រៃចាក់លើជនរងគ្រោះរងរបួសធ្ងន់ធ្ងរនេះ បានកើតឡើង…
ខេត្តកំពង់ស្ពឺ ៖ យុវជនម្នាក់ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួន ខណៈដែលធ្វើសកម្មភាពយកកន្ត្រៃចាក់ទៅលើយុវជនម្នាក់ទៀត រឿងខឹង ជនរងគ្រោះពាក់មួកចូលក្នុងផ្ទះរបស់ខ្លួនក៏កើតទៅជាហិ.ង្សាប្រតាយប្រតប់គ្នាតែម្តង ។
ករណីហិ.ង្សាដោយចេតនា ប្រើកន្ត្រៃចាក់លើជនរងគ្រោះរងរបួសធ្ងន់ធ្ងរនេះ បានកើតឡើង កាលពីវេលាម៉ោង១០ព្រឹក ថ្ងៃទី១៧ ខែមីនា ឆ្នាំ២០២៥ នៅចំណុចតូបលក់ចាប់ហ៊ួយ ស្ថិតនៅក្នុងភូមិទួល ឃុំស្វាយរំពារ ស្រុកបសេដ្ឋ ខេត្តកំពង់ស្ពឺ ។
នគរបាលស្រុកបសេដ្ឋ បាននិយាយឱ្យដឹងថា នៅមុនពេលសមត្ថកិច្ចឃាត់ខ្លួននោះ ជនសង្ស័យឈ្មោះ កែវ គីមឡុង ភេទប្រុស អាយុ២៧ឆ្នាំ រស់នៅភូមិទួល ឃុំស្វាយរំពា ស្រុកបសេដ្ឋ បានយកកន្ត្រៃចាក់ទៅលើជនរងគ្រោះ មានឈ្មោះ អឿ គីមលី ភេទប្រុស អាយុ២៦ឆ្នាំ រស់នៅភូមិ-ឃុំជាមួយគ្នា ចំនួនមួយកន្ត្រៃ ចំពីខាងក្រោយខ្នងផ្នែកខាងឆ្វេង បណ្តាលឱ្យរងរបួសធ្ងន់ធ្ងរ ត្រូវបានសាច់ញាតិបងប្អូនជនរងគ្រោះដឹកបញ្ជូនទៅព្យាបាលនៅមន្ទីរពេទ្យភ្លាមៗ ។
ក្រោយពីធ្វើសកម្មភាពយកកន្ត្រៃចាក់ទៅលើជនរងគ្រោះរួច ជនសង្ស័យឈ្មោះ កែវ គីមឡុង ក៏បានរត់គេចខ្លួនបាត់តែម្តង ។
នគរបាលស្រុកបសេដ្ឋ បានបន្តថា លុះរហូតដល់រសៀលថ្ងៃទី១៧ ខែមីនា ឆ្នាំ២០២៥ ឈ្មោះ អឿ គីមឡាង ភេទប្រុស អាយុ២២ឆ្នាំ ត្រូវជាប្អូនបង្កើតជនរងគ្រោះឈ្មោះអឿ គីមលី បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលឃុំស្វាយរំពារ ដើម្បីឱ្យសមត្ថកិច្ចជួយអន្តរាគមន៍ ។
ក្រោយពីទទួលបានពាក្យបណ្តឹងពីសាច់ញាតិជនរងគ្រោះរួចមកកម្លាំងជំនាញព្រហ្មទណ្ឌស្រុកបសេដ្ឋ ក៏បានសហការជាមួយកម្លាំងនគរបាលប៉ុស្តិ៍រដ្ឋបាលឃុំស្វាយរំពារ បានចុះធ្វើការស្រាវជ្រាវដល់កន្លែងកើតហេតុ ហើយក៏ឃាត់ខ្លួនជនដៃដល់ ឈ្មោះកែវ គីមឡុង យកមកសួរនាំនៅអធិការដ្ឋានស្រុកបសេដ្ឋតែម្តង ។
បើយោងតាមចម្លើយសារភាពរបស់ជនដៃដល់ ឈ្មោះកែវ គីមឡុង និយាយថារូបគេពិតជាបានយកកន្ត្រៃចាក់ទៅលើជនរងគ្រោះ ឈ្មោះ អឿ គីមលី ប្រាកដមែន ។
ចំពោះមូលហេតុដោយសារខឹងជនរងគ្រោះ ពាក់មួកចូលផ្ទះរបស់ខ្លួន និងបានវា.យប្រតា.យប្រតប់គ្នាទៅវិញទៅមក ថែមទៀតផងទើបរូបគេទាញកន្ត្រៃចាក់តែម្តង។
ក្រោយពីឃាត់ខ្លួនសួរនាំ ជនដៃដល់រួមជាមួយវត្ថុតាងកន្ត្រៃ ត្រូវបាននគរបាលស្រុកបសេដ្ឋកសាងសំណុំរឿងចាត់ការបន្តតាមផ្លូវច្បាប់ ៕
ចែករំលែកព័តមាននេះ