រាជធានីភ្នំពេញ ៖ ឃា.តកខឹងសុំធ្វើការបន្ត តែជនរងគ្រោះមិនព្រម សម្រេចយកកូនកាំបិតចិតផ្លែឈើ ចា.ក់សម្លា.ប់ រួចប្លន់យកទូរស័ព្ទ និងជំរិតយកលេខកូដធានាគារ រួចរត់គេចខ្លួនបាត់ស្រមោល ។…
រាជធានីភ្នំពេញ ៖ ឃា.តកខឹងសុំធ្វើការបន្ត តែជនរងគ្រោះមិនព្រម សម្រេចយកកូនកាំបិតចិតផ្លែឈើ ចា.ក់សម្លា.ប់ រួចប្លន់យកទូរស័ព្ទ និងជំរិតយកលេខកូដធានាគារ រួចរត់គេចខ្លួនបាត់ស្រមោល ។
ករណីចា.ក់សម្លា.ប់នេះដែរ បានបង្កអោយមានការភ្ញាក់ផ្អើល កាលពីវេលាម៉ោង០៩និង៣០នាទីព្រឹក ថ្ងៃទី១៨ ខែមីនា ឆ្នាំ២០២៥ នៅចំណុចផ្ទះម៉ាស្សាយីហោ « គេណេស » តាមបណ្តោយផ្លូវលេខ៤២០ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
ស.ពជនរងគ្រោះមានឈ្មោះ ពៅ ភេទប្រុស អាយុ៣៦ឆ្នាំ ជនជាតិខ្មែរ មុខរបរ បុគ្គលិកម៉ាស្សា ស្នាក់នៅទីតាំងកើតហេតុ ( ស្លា.ប់ពេលនៅមន្ទីរពេទ្យ) ។
តាមប្រភពព័ត៌មានពីប្រជាពលរដ្ឋ បានប្រាប់អោយដឹងថា មុនកើតហេតុ កាលពីថ្ងៃទី១៦ ខែមីនា ឆ្នាំ២០២៥ វេលាម៉ោង០៩យប់ បុរសរងគ្រោះបានហៅជនសង្ស័យមកជួប ដើម្បីនិយាយពីរឿងការងារ និងបានប្រាប់ទៅកាន់ជនសង្ស័យថា « គាត់ឈប់អោយនៅធ្វើការទៀតហើយ ដោយសារតែជនសង្ស័យមានដៃមានជើងលួចអ៊ីវ៉ាន់» ។
ខណៈនោះជនសង្ស័យបានសុំអង្វរទៅកាន់ជនរងគ្រោះ ប៉ុន្តែជនរងគ្រោះមិនព្រមអោយនៅបន្តក៏កើតមានការទាស់សម្តីគ្នារហូតឈានដល់ជនសង្ស័យយកកូនកាំបិតចិតផ្លែឈើ ចាក់ទៅលើបុរសរងគ្រោះ ជាច្រើនកាំបិត បណ្តាលអោយរងរបួសធ្ងន់ ។
ស្របពេលនោះ ឆ្លៀតឪកាសល្អ ជនសង្ស័យបានលួចយកទូរស័ព្ទដៃចំនួន០១គ្រឿង និងជំរិតបង្ខំបុរសរងគ្រោះអោយប្រាប់លេខកូដធានាគារ ហើយក៏រត់គេចខ្លួនបាត់ស្រមោល ។
ភ្លាមៗបង្កអោយមានការឆោឡោផ្អើលបុគ្គលិកដូចគ្នា ទាក់ទងហៅរថយន្តសង្គ្រោះបញ្ជូនទៅកាន់មន្ទីរពេទ្យ ប៉ុន្តែជាអកុសល បុរសរងគ្រោះបានស្លា.ប់បាត់បង់ជីវិតនៅមន្ទីរពេទ្យ កាលពីម្សិលមិញនេះបាត់ទៅហើយ ។ ចំណែកសមត្ថកិច្ចកំពុងស្រាវជ្រាវ ស្វែងរកជនសង្ស័យផងដែរ ។
បច្ចុប្បន្ន សពរងគ្រោះត្រូវបានសមត្ថកិច្ចធ្វើកោសល្យវិច័្ចយ រួចតម្កល់នៅមន្ទីរពេទ្យរុស្សី រងចាំប្រគល់ស.ពអោយគ្រួសារសាច់យកទៅធ្វើបុណ្យ ។
សូមបញ្ជាក់ថា ជនរងគ្រោះគាត់មានតួនាទីជាបុគ្គលិកទេ គ្រាន់តែម្ចាស់ហាងអោយជនរងគ្រោះគ្រប់គ្រងបុគ្គលិក តែប៉ុន្មានអ្នកទេ រួមទាំងឃា.តករស្ថិតក្រោមការគ្រប់គ្រងរបស់ជនរងគ្រោះផងដែរ ៕
ចែករំលែកព័តមាននេះ