តម្លៃមាសនៅសហរដ្ឋអាមេរិកកម្រត្រូវបានសារព័ត៌មានធ្វើសេចក្តីរាយការណ៍ណាស់ ប៉ុន្តែកាលពីសប្តាហ៍មុនទីភ្នាក់ងារព័ត៌មានអេភី បានធ្វើសេចក្តីរាយការណ៍ ក្រោយពេលដែលតម្លៃមាសវាកញ្ជ្រោកឡើងខ្លាំង រហូតដល់មួយតម្លឹងឡើងដល់៣.៦០០ដុល្លារ ស្របពេលដែលទីផ្សារនៅក្នុងប្រទេសក៏បានកើនឡើងប្រហាក់ប្រហែលគ្នានេះផងដែរ នៅក្នុងអំឡុងពេលនោះ ។ តម្លៃមាស នៅក្នុងប្រទេសមហាអំណាចមួយនេះ…
តម្លៃមាសនៅសហរដ្ឋអាមេរិកកម្រត្រូវបានសារព័ត៌មានធ្វើសេចក្តីរាយការណ៍ណាស់ ប៉ុន្តែកាលពីសប្តាហ៍មុនទីភ្នាក់ងារព័ត៌មានអេភី បានធ្វើសេចក្តីរាយការណ៍ ក្រោយពេលដែលតម្លៃមាសវាកញ្ជ្រោកឡើងខ្លាំង រហូតដល់មួយតម្លឹងឡើងដល់៣.៦០០ដុល្លារ ស្របពេលដែលទីផ្សារនៅក្នុងប្រទេសក៏បានកើនឡើងប្រហាក់ប្រហែលគ្នានេះផងដែរ នៅក្នុងអំឡុងពេលនោះ ។
តម្លៃមាស នៅក្នុងប្រទេសមហាអំណាចមួយនេះ គឺបានកើនឡើងដល់តម្លៃ៣.៦០០ដុល្លារនៅក្នុងមួយតម្លឹង ដែលនេះ គឺជាតម្លៃខ្ពស់បំផុតមួយនៅក្នុងប្រវត្តិទីផ្សារមាសនៅអាមេរិក ចំពេលដែលស្ថានភាពសេដ្ឋកិច្ចរបស់សហរដ្ឋអាមេរិកកំពុងតែស្ថិតនៅក្នុងអន្តរកាលនៃការអនុវត្តគោលនយោបាយកំណត់ពន្ធថ្មី និងមានបញ្ហាប្រទាំងប្រទើសអំពីការប្រកាសកាត់បន្ថយបុគ្គលិករដ្ឋាភិបាលសហព័ន្ធ ។
អ្នកវិភាគបានអះអាងថា ហាងឆេងតម្លៃមាស ដែលគេជួញដូរនៅក្នុងទីផ្សារនៅទីក្រុងញូវយ៉ក កាលពីសប្តាហ៍មុនត្រូវបានគេរាយការណ៍ថា បានស្ទុះឡើងដល់កម្រិត៣.៦០០ដុល្លារនៅក្នុងមួយតម្លឹង ។
អ្នកវិភាគបានអះអាងថា តម្លៃមាសដែលបានកំពុងកើនឡើងខ្ពស់នៅសហរដ្ឋអាមេរិកនាពេលនោះ គឺដោយសារគោលនយោបាយពន្ធគយរបស់លោក ដូណាល់ ត្រាំ ដែលបានកំពុងតែប្រកាសសង្គ្រាមពន្ធជាមួយនឹងប្រទេសធំៗមានតាំងពីចិន កាណាដា ម៉ិកស៊ិក និងសហភាពអឺរ៉ុប ។
ដោយឡែក សម្រាប់ជប៉ុនក៏នឹងរងគំនាបពន្ធនេះដែរ ស្របពេលដែលមានសេចក្តីរាយការណ៍ថា ជប៉ុនក៏បានបរាជ័យនៅក្នុងការស្វះស្វែងរកច្រក ដើម្បីគេចចេញពីសំពាធពន្ធរបស់លោកត្រាំផងដែរ ។
ក្រុមអ្នកវិភាគបានលើកឡើងថា បញ្ហាពន្ធនេះ គឺជាដើមចមដ៏សំខាន់ដែលបានធ្វើឱ្យទីផ្សារហិរញ្ញវត្ថុខ្វះស្ថេរភាព និងបង្កើតសំពាធលើអតិផរណា និងកំពុងតែដាក់បន្ទុកលើប្រជាពលរដ្ឋវណ្ណៈកណ្តាល ។
លោក ជូ កាវ៉ាតូនី (Joe Cavatoni) អ្នកយុទ្ធសាស្ត្រទីផ្សារនៅក្រុមប្រឹក្សាមាសពិភពលោកបានអះអាងថា ស្ថានភាពនៃការគ្រប់គ្រងសេដ្ឋកិច្ចនៅពេលនេះ បានបង្កើនការព្រួយបារម្ភ និងបណ្តាលឱ្យសាធារណៈជនកាន់តែងាកទៅរកឧបករណ៍នៃការទូទាត់ ដែលជា «ជម្រកសុវត្ថិភាព» នៃទ្រព្យសម្បន្តិរបស់ពួកគេ ។
មកដល់ពេលនេះ អាមេរិកមានស្តុកបម្រុងមាសសរុបជាង ៨.១០០ តោន ដែលមានបរិមាណស្មើគ្នានឹងស្តុកបម្រុងមាសដែលអាល្លឺម៉ង់ អ៊ីតាលី និងបារាំងមាន ។ ស្របពេលដែលរុស្ស៊ី គេអាចដឹងថា មានប្រមាណជា២.៣០០ តោន ឈរនៅលំដាប់ទី៥ ហើយចិន គឺមានប្រមាណជា២.២៨០តោន ហើយនៅពេលនេះគេដឹងថា ធនាគារកណ្តាលចិនក៏មាននិន្នាការប្រមូលស្តុកបម្រុងមាសបន្ថែមទៀតផងដែរ ។
សម្រាប់នៅកម្ពុជាវិញ ហាងឆេងមាស ក៏កំពុងតែរត់តាមហាងឆេងមាសនៅលើទីផ្សារអន្តរជាតិផងដែរ ដោយកាលពីថ្ងៃទី១៣ ខែមីនា ហាងឆេងលក់ចេញមួយតម្លឹងឡើងដល់ ៣.៥៥០ ដុល្លារ ហើយវាលោតឡើងដល់៣.៦០០ មួយថ្ងៃក្រោយមក ។ តម្លៃនេះរក្សាស្ថានភាពមានលំនឹងត្រឹម ថ្ងៃទី១៦ ដល់ថ្ងៃទី ១៧ ខែមីនា វាបានឡើងបន្តិចទៀត គឺដល់កម្រិត ៣.៦១០ ដុល្លារនៅក្នុងមួយតម្លឹងបន្ថែម ៕
ចែករំលែកព័តមាននេះ