ខេត្តបន្ទាយមានជ័យ ៖ ក្នុងឱកាសបុណ្យចូលឆ្នាំថ្មីប្រពៃណីយ៍ខ្មែរជិតមកដល់ គេសង្កេតឃើញភ្ញៀវចូលមកកម្ពុជាតាមច្រកទ្វារអន្តរជាតិប៉ោយប៉ែត១ថ្ងៃជិត២ម៉ឺននាក់ ។ នេះបើតាមការឱ្យដឹងពីប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតកាលពីថ្ងៃទី១៧ ខែមីនា ឆ្នាំ២០២៥ នៅក្រុងប៉ោយប៉ែត ។…
ខេត្តបន្ទាយមានជ័យ ៖ ក្នុងឱកាសបុណ្យចូលឆ្នាំថ្មីប្រពៃណីយ៍ខ្មែរជិតមកដល់ គេសង្កេតឃើញភ្ញៀវចូលមកកម្ពុជាតាមច្រកទ្វារអន្តរជាតិប៉ោយប៉ែត១ថ្ងៃជិត២ម៉ឺននាក់ ។ នេះបើតាមការឱ្យដឹងពីប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតកាលពីថ្ងៃទី១៧ ខែមីនា ឆ្នាំ២០២៥ នៅក្រុងប៉ោយប៉ែត ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានឱ្យដឹងថា ក្នុងឱកាសបុណ្យចូលឆ្នាំថ្មីប្រពៃណីខ្មែរជិតមកដល់ គេសង្កេតឃើញភ្ញៀវដែលចូលមកម្ពុជា១ថ្ងៃមានចំនួន១៧.៧៩៥នាក់ (ស្រី៨.៦៣៤នាក់) ក្នុងនោះមានជនបរទេសមានចំនួន៨.៩៦៧នាក់ (ស្រី៤.២២៩នាក់) លក្ខណៈអន្តរជាតិមានចំនួន៥.១៣៥នាក់ (ស្រី២.៤៩៤នាក់)។
លោកបានបញ្ជាក់ថា ភ្ញៀវដែលមកកម្ពុជាតាមច្រកទ្វារអន្តរាជាតិប៉ោយប៉ែតមានពលករខ្មែរចំនួន៨.៨២៨នាក់ (ស្រី៤.៤០៥នាក់) និងភ្ញៀវដែលចូលមកលេងកាស៊ីណូជនជាតិថៃចំនួន៧.៦០១នាក់ (ស្រី៣.៦១០នាក់) ភ្ញៀវអន្តរជាតិមានចំនួន១.៧៥៩នាក់ (ស្រី៩៨៤នាក់)។
លោក វ៉ាន់ ដារ៉ាន់ បានបញ្ជាក់ថា គេសង្កេតឃើញប្រជាពលរដ្ឋដែលធ្វើការនៅប្រទេសថៃបានត្រឡប់មកវិញមុនឱកាសបុណ្យចូលឆ្នាំថ្មីប្រពៃណីខ្មែរខាងមុខនេះដើម្បីជួបជុំសាច់ញាតិក្រុមគ្រួសារនិងសាច់ញាតិមានការកើនឡើងរាល់ថ្ងៃដែលចូលតាមច្រកទ្វារអន្តរជាតិប៉ោយប៉ែត៕
ចែករំលែកព័តមាននេះ