ខេត្តកណ្តាល ៖ ស្ត្រីជាម្តាយដើរចូលទៅក្នុងតូប ដើម្បីរៀបចំអីវ៉ាន់ ទុកកូនលេងនៅខាងមុខ ក៏ស្រាប់តែកូនដែលមានអាយុត្រឹម០២ឆ្នាំ បានរត់ទៅលេងក្រោយផ្ទះ ក៏រអិលជើងធ្លាក់ចូលទឹកទន្លេមេគង្គ បាត់ស្រមោល ។…
ខេត្តកណ្តាល ៖ ស្ត្រីជាម្តាយដើរចូលទៅក្នុងតូប ដើម្បីរៀបចំអីវ៉ាន់ ទុកកូនលេងនៅខាងមុខ ក៏ស្រាប់តែកូនដែលមានអាយុត្រឹម០២ឆ្នាំ បានរត់ទៅលេងក្រោយផ្ទះ ក៏រអិលជើងធ្លាក់ចូលទឹកទន្លេមេគង្គ បាត់ស្រមោល ។
ហេតុការណ៍នេះ បានកើតទ្បើងកាលពីវេលាម៉ោង០៤និង៤៥នាទីរសៀល ថ្ងៃទី១៦ ខែមីនា ឆ្នាំ២០២៥ នៅចំណុចក្នុងភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល ។
ស.ពកុមារាមានឈ្មោះ សុខឿន រតនា អាយុ២ឆ្នាំ ជនជាតិខ្មែរ មានទីលំនៅភូមិខ្សុំ ឃុំបន្ទាយដែក ស្រុកកៀនស្វាយខេត្តកណ្តាល ។
បើតាមការបញ្ជាក់ពីម្តាយកុមារារងគ្រោះ បានឲ្យដឹងថា កាលពី ថ្ងៃទី១៦ ខែមីនា ឆ្នាំ២០២៥ វេលាម៉ោង០៤និង៣០នាទី រសៀល មុនពេលបាត់ខ្លួនកូនរបស់គាត់ ស្ត្រីជាម្តាយកំពុងរៀបចំអីវ៉ាន់ និងលាងចាន ទើបមិនបានចាប់អារម្មណ៍។ ដោយសារតែឃើញកូនឈរលេងនៅមុខតូបលក់ជាធម្មតាដូចសព្វមួយដង លុះប្រហែលជា១០នាទីក្រោយមក ក៏ស្រាប់តែបាត់កូន ចេញពីកន្លែងតូបលក់ដូរបាត់ទៅ។ រហូតមកដល់ម៉ោង០៥ និង១៥នាទីល្ងាចថ្ងៃដដែល រូបគាត់បានព្យាយាមស្វែងរកកូនមិនឃើញ ក៏សម្រេចចិត្តទំនាក់ទំនងមកទៅសមត្ថកិច្ចប៉ុស្តិ៍នគរបាលបន្ទាយដែក ដើម្បីឲ្យជួយស្វែងរក ។
បន្ទាប់ពីទទួលបានព័ត៌មានពីស្ត្រីជាម្តាយ ភ្លាមៗសមត្ថកិច្ចចុះជួយអន្តរាគមន៍ដើររកកុមារា ខាងលើក្បែរផ្ទះ និងជុំវិញភូមិ ប៉ុន្តែរកមិនឃើញនោះទេ។ លុះមកដល់ថ្ងៃទី១៧ ខែមីនា ឆ្នាំ២០២៥ វេវេលាម៉ោង០៨និង៣០នាទីព្រឹក សមត្ថកិច្ចប៉ុស្តិ៍បន្ទាយដែក រួមជាមួយក្រុមគ្រួសា របានធ្វើការជិះទូកស្វែងរកតាមដងទន្លេ រហូតរកឃើញស.ពកុមាររងគ្រោះនៅចំណុចកណ្តាលទន្លេមេគង្គ ខាងក្រោយកន្លែងតូបលក់ដូរប្រមាណ២០ម៉ែត្រ ស្ថិតក្នុងភូមិកណ្តាល ឃុំបន្ទាយដែក ស្រុកកៀនស្វាយ ខេត្តកណ្តាល ។ ភ្លាមៗ សមត្ថកិច្ចបានធ្វើការស្រង់ស.ពយកឡើងមកលើគោក ដើម្បីឲ្យជំនាញធ្វើកោសល្យវិច័យ ។
ក្រោយកើតហេតុ កម្លាំងសមត្ថកិច្ចជំនាញផ្នែកចក្ខុកោសល្យវិច័យ បានចុះទៅដល់ទីតាំងរួចធ្វើការត្រួតពិនិត្យស.ព និងបានសនិដ្ឋានថា បណ្តាលមកពីលង់ទឹកស្លា.ប់ ។ ចំណែក ស.ពសមត្ថកិច្ចបានប្រគល់ទៅអោយក្រុមគ្រួសារ សាច់ញាតិយកធ្វើបុណ្យតាមប្រពៃណី ៕ ដោយ ៖ មេសា
ចែករំលែកព័តមាននេះ