ខេត្តស្ទឹងត្រែង៖ ក្រុមហ៊ុន វ៉េង លាប បានគាំងសកម្មភាពនៃគម្រោងសាងសង់ផ្លូវមួយចំនួនក្នុងខេត្តស្ទឹងត្រែងក្រោយដេញថ្លៃប្រកួតប្រជែងបានជោគជ័យ ចន្លោះកាលពីថ្ងៃទី២៥ខែកុម្ភៈ ០១គម្រោងនិងថ្ងៃទី២៨ខែកុម្ភៈចំនួន០២គម្រោងបន្ថែម ។ បន្ទាប់មកទើបដឹងថាក្រុមហ៊ុន វ៉េង…
ខេត្តស្ទឹងត្រែង៖ ក្រុមហ៊ុន វ៉េង លាប បានគាំងសកម្មភាពនៃគម្រោងសាងសង់ផ្លូវមួយចំនួនក្នុងខេត្តស្ទឹងត្រែងក្រោយដេញថ្លៃប្រកួតប្រជែងបានជោគជ័យ ចន្លោះកាលពីថ្ងៃទី២៥ខែកុម្ភៈ ០១
គម្រោងនិងថ្ងៃទី២៨ខែកុម្ភៈចំនួន០២គម្រោងបន្ថែម ។
បន្ទាប់មកទើបដឹងថាក្រុមហ៊ុន វ៉េង លាប ត្រូវបានអគ្គនាយកដ្ឋានរដ្ឋបាលក្រសួងមហាផ្ទៃដាក់ក្នុងបញ្ជីឈ្មោះអ្នកទទួលការដែលត្រូវបានដកសិទ្ធិមិនឲ្យដាក់សំណើដេញថ្លៃគម្រោងមូលនិធិឃុំសង្កាត់ឬធ្វើជាអ្នកតំណាងក្រុមហ៊ុនណាមួយក្នុងការដាក់សំណើដេញថ្លៃកិច្ចសន្យាឃុំសង្កាត់ឬធ្វើជាអ្នកទទួលការបន្តក្នុងការអនុវត្តកិច្ចសន្យាឃុំសង្កាត់ មិនឱ្យចូលរួមដេញថ្លៃនៅរាជធានីខេត្ត កាលបរិច្ឆេទផុតរយៈពេលដកសិទ្ធិជារៀងរហូត ចេញដោយអគ្គនាយកដ្ឋានរដ្ឋបាលក្រសួងមហាផ្ទៃថ្ងៃទី១៨ខែកុម្ភៈឆ្នាំ២០២៥។ ស្អុយឈ្មោះនៅខេត្តព្រះវិហារ មកដេញថ្លៃបាននៅខេត្តស្ទឹងត្រែង ។
លោក ភីវ មឿងឃុន មេឃុំព្រះរំកិលស្រុកបុរីអូស្វាយសែនជ័យបានប្រាប់កោះសន្តិភាពនារសៀលថ្ងៃទី១៣ខែមីនា២០២៥ តាមរយៈទូរសព្ទថា សូមពិនិត្យលើឯកសារបញ្ជីខ្មៅគេធ្វើតែសម្រាប់ខេត្តព្រះវិហារ ហើយក្រុមហ៊ុនវ៉េង លាប គាត់អាចដេញថ្លៃបានលើកលែងតែខេត្តព្រះវិហារដែលគេបដិសេធ ហើយបច្ចុប្បន្នកំពុងពិចារណា ក្រុមហ៊ុនគាត់បញ្ជីខ្មៅ ខ្ញុំសួរទៅបច្ចេកទេសខេត្តគេថាគេបដិសេធតែព្រះវិហារទេ ទូទាំងប្រទេសគាត់មានសិទ្ធិដេញថ្លៃបានដូចគ្នា ខ្ញុំក៏អត់យល់ដែរ មិនទាន់ច្បាស់នៅ
ឡើយទេកំពុងសួរទៅខាងលើទៀត បើគាត់មានសិទ្ធិយើងទទួលយកគាត់ ដោយសារដេញថ្លៃបាន។
បើទូទាំងប្រទេសគេលប់ឈ្មោះគាត់មិនឲ្យដេញថ្លៃទូទាំងប្រទេសយើងក៏អត់យកដែរ។លោកមេឃុំបញ្ជាក់ទៀតថារឿងប្រាក់កក់២ភាគរយ យើងផ្អែកទៅលើផែនការវិនិយោគបើគាត់មានយោបល់យ៉ាងម៉េចអាហ្នឹងគេពិនិត្យទៅលើឯកសារច្បាប់ទៀត ឧទាហរណ៍ថាគេដាក់បញ្ជីខ្មៅហើយនៅចចេសដេញទៀតប្រាក់កក់និងគេធ្វើយ៉ាងម៉េចត្រូវមើលទៅតាមហ្នឹងទៀត។
ពាក់ព័ន្ធទៅនឹងការដេញថ្លៃគម្រោងមូលនិធិឃុំ សង្កាត់ព្រះរំកិល ស្រុកបុរីអូស្វាយសែនជ័យបានប្រព្រឹត្តទៅកាលពីថ្ងៃទី២៥ ខែកុម្ភៈ ឆ្នាំ២០២៥ បានដាក់ប្រកាស់ដេញថ្លៃមួយគម្រោង សម្រាប់សាងសង់ផ្លូវគម្រោងចំនួន០១ ក្នុងតម្លៃប៉ាន់ស្មាន ៤៨៨,៨៨៥,៩០០៛(បួនរយប៉ែតសិបប្រាំបីលាន ប្រាំបីរយប៉ែតសិបប្រាំពាន់ ប្រាំបួនរយរៀលកត់)។
ជាលទ្ធផលកិច្ចសន្យាដេញថ្លៃគម្រោងខាងលើ នេះបានទៅអ្នកដេញថ្លៃឈ្មោះ វែង លាប ក្រុមហ៊ុន វែង លាប ក្នុងតម្លៃ សរុប ១៧៨,០០០,០០០រៀលគត់។
ដោយឡែកកាលពីព្រឹកថ្ងៃទី២៨ ខែកុម្ភៈ ឆ្នាំ២០២៥ នៅសាលាសង្កាត់ស្ទឹងត្រែង ក្រុងស្ទឹងត្រែងបានដាក់ប្រកាសប្រកួតប្រជែងដេញថ្លៃចំនួន ២ គម្រោង កិច្ចសន្យាគម្រោងទី១ ៖ បានដាក់ដេញថ្លៃ សាងសង់ផ្លូវបេតុងអាមេប្រវែង ៨១៩ ម៉ែត្រ ទទឹង ៦ម៉ែត្រ តម្លៃប៉ាន់ស្មាន ៤៥៧.១៧៣.៣០០ រៀលគត់។
ជាលទ្ធផលតម្លៃទាបទី១ បានទៅ អ្នកដេញថ្លៃឈ្មោះ ភឿន សុភ័ណ្ឌ ក្រុមហ៊ុន វ៉េង លាប ក្នុងតម្លៃដាក់ដេញថ្លៃ សរុប ២៩៩.០០០.០០០ រៀលគត់។
កិច្ចសន្យាគម្រោងទី២ ៖ បានដាក់ដេញថ្លៃគម្រោងសាងសង់ផ្លូវបេតុងអាមេប្រវែង ៤៩១ ម៉ែត្រ ទទឹង ៥ម៉ែត្រ កម្រាស់ ០,១៥ម៉ែត្រ តម្លៃប៉ាន់ស្មាន ២៣១.៣៧៦.៥០០រៀល ។ជាលទ្ធផលតម្លៃទាបទី១ បានទៅ អ្នកដេញថ្លៃឈ្មោះ ភឿន សុភ័ណ្ឌ ក្រុមហ៊ុន វ៉េង លាប ក្នុងតម្លៃដាក់ដេញថ្លៃ សរុប ១៥២.០០០.០០០ រៀលគត់។
ទាក់ទិនក្នុងគម្រោងមូលនិធិសង្កាត់ស្ទឹងត្រែងខាងលើលោក ជា វណ្ណ ចៅសង្កាត់ស្ទឹងត្រែង ក្រុងស្ទឹងត្រែង លោកសុំមិននិយាយអ្វីទាំងអស់ រង់ចាំខេត្តឆ្លើយតប។
ក្រុមហ៊ុន វ៉េង លាប ប្រធានក្រុមហ៊ុនឈ្មោះវ៉េង លាបមានអាសយដ្ឋាន ភូមិឬស្សីជ្រោយ ឃុំឬស្សីជ្រោយ ស្រុកមុខកំពូលខេត្តកណ្ដាលស្ថិតលើលេខរៀងទី២២ ក្នុងចំណោមក្រុមហ៊ុនទាំង៣៧ ដែលអគ្គនាយកដ្ឋានរដ្ឋបាលក្រសួងមហាផ្ទៃបានដាក់ក្នុងបញ្ជីឈ្មោះអ្នកទទួលការដែលត្រូវបានដកសិទ្ធិមិនឲ្យដាក់សំណើដេញថ្លៃគម្រោងមូលនិធិឃុំសង្កាត់ឬធ្វើជាអ្នកតំណាងក្រុមហ៊ុនណាមួយក្នុងការដាក់សំណើដេញថ្លៃកិច្ចសន្យាឃុំសង្កាត់ឬធ្វើជាអ្នកទទួលការបន្តក្នុងការអនុវត្តកិច្ចសន្យាឃុំសង្កាត់ កាលពីថ្ងៃទី ១៨ខែកុម្ភៈឆ្នាំ២០២៥ ក្រោមចំណាយដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួមហផ្ទៃចុះថ្ងៃទី១៣ ខែកុម្ភៈឆ្នាំ២០២៥។
មូលហេតុអគ្គនាយកដ្ឋានរដ្ឋបាលក្រសួងមហាផ្ទៃដាក់បញ្ចូលក្រុមហ៊ុន វ៉េង លាប ក្នុងបញ្ជីឈ្មោះអ្នកទទួលការដែលត្រូវបានដាក់ក្នុងបញ្ជីខ្មៅឬត្រូវបានហាមឃាត់មិនឲ្យដាក់សំណើដេញថ្លៃកិច្ចសន្យាឃុំសង្កាត់ ជារៀងរហូតដោយសារក្រុមហ៊ុនបានអនុវត្តខុសពីនីតិវិធីលទ្ធកម្មគម្រោងមូលនិធិឃុំ សង្កាត់ ដោយ បង្ខំគណៈកម្មការលទ្ធកម្មឃុំឱ្យអនុវត្តខុសពីនីតិវិធី តែគណៈកម្មការលទ្ធកម្ម មិនព្រម ហើយសុំថតសំណុំឯកសារដេញថ្លៃក្រុមហ៊ុនដែលបានដាក់សំណើ ដេញថ្លៃ និងបង្កការអុកឡុកយ៉ាងអនាធិបតេយ្យ មិនគោរពតាម នីតិវិធី គោលការណ៍ណែនាំ ដូចមានចែងក្នុងសៀវភៅណែនាំស្តីពីការអនុវត្តគម្រោង មូលនិធិឃុំ សង្កាត់ និងលិខិតបទដ្ឋានគតិយុត្តជាធរមាន នៅក្នុងខេត្តព្រះវិហារ។
ទាក់ទិនករណីខាងលើនេះដែរ នាយកទីចាត់ការផែនការនិងវិនិយោគខេត្តស្ទឹងត្រែងលោក កែវ សំអុល បានបញ្ជាក់ប្រាប់កោះសន្តិភាពនៅរសៀលថ្ងៃទី១៣មីនា២០២៥តាមទូរសព្ទថា ករណីនេះកំពុងរៀបចំឯកសារដាក់ជូនអភិបាលខេត្តដើម្បីឲ្យគាត់អនុម័តថាតើឱ្យក្រុមហ៊ុនវ៉េង លាប ចូលដេញទៀតឬមិនអោយចូល តែឥឡូវយើងរៀបអត់ទាន់រង់ចាំសប្តាហ៍ក្រោយ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ