«ខ្មោចក្នុងមិនអោយដៃ ខ្មោចក្រៅហ៊ានមក» ។ ស្ថានភាពគ្រឿងញៀននៅក្នុងប្រទេសធ្ងន់ធ្ងររហូតដល់ថ្នាក់ដឹកនាំ ក្រសួងមហាផ្ទៃសង្ស័យថាមានមន្ត្រីរបស់ខ្លួនអាចចូលដៃចូលជើងជាមួយពួកអ្នករកស៊ីគ្រឿងញៀ.ន ហើយថែមទាំងព្រមានថា នឹងធ្វើការបោសម្អាតទាំងខាងក្នុងនិងខាងក្រៅ ។ ក្នុងកិច្ចប្រជុំផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់ លើកទី១០…
«ខ្មោចក្នុងមិនអោយដៃ ខ្មោចក្រៅហ៊ានមក» ។ ស្ថានភាពគ្រឿងញៀននៅក្នុងប្រទេសធ្ងន់ធ្ងររហូតដល់ថ្នាក់ដឹកនាំ ក្រសួងមហាផ្ទៃសង្ស័យថាមានមន្ត្រីរបស់ខ្លួនអាចចូលដៃចូលជើងជាមួយពួកអ្នករកស៊ីគ្រឿងញៀ.ន ហើយថែមទាំងព្រមានថា នឹងធ្វើការបោសម្អាតទាំងខាងក្នុងនិងខាងក្រៅ ។
ក្នុងកិច្ចប្រជុំផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់ លើកទី១០ ថ្មីៗនេះ លោក ស សុខា រដ្ឋមន្ត្រីក្រសួងមហាផ្ទៃបានប្រាប់ដល់មន្ត្រីដែលពាក់ព័ន្ធនឹងបទល្មើសគ្រឿងញៀ.ន សូមដកខ្លួនថយ និងកែប្រែឥរិយាបថជាបន្ទាន់ ពីព្រោះចាប់ពីហ្នឹងតទៅ ការអនុវត្តពាក្យស្លោក ឆ្លុះកញ្ចក់ ងូតទឹកដុសក្អែល ព្យាបាល និងវះកាត់ គឺនឹងត្រូវអនុវត្តឲ្យខានតែបាន ។
ប្រមុខក្រសួងមហាផ្ទៃ ក៏បានថ្លែងដោយត្រង់ៗថា បញ្ហាគ្រឿងញៀ.ននៅកម្ពុជា បើមិនមានការពាក់ព័ន្ធនឹងមន្ត្រីជាអ្នកអនុវត្តច្បាប់មួយចំនួននោះទេ ប្រាកដណាស់បញ្ហានេះមិនធំដុំដូចបច្ចុប្បន្នឡើយ ។
លោកឧបនាយករដ្ឋមន្ត្រី បានណែនាំដល់មន្ត្រីមានសមត្ថកិច្ចទាំងអស់ឲ្យខិតខំពន្លាតការស្រាវជ្រាវដោយផ្តោតទាំងមុខសញ្ញាអ្នកដែលប្រព្រឹត្ត និងមុខសញ្ញាដែលពាក់ព័ន្ធជាខ្នងបង្អែក ។
ការព្រមានដោយចំហនេះ គឺធ្វើឡើងជាថ្មី ក្រោយពេលដែលរាជរដ្ឋាភិបាលបានដាក់ចេញជាគោលការណ៍ដឹកនាំ «សម្អាតផ្ទះយើង» នៅក្នុងគោលដៅបោសសម្អាត មន្ត្រីដែលពាក់ព័ន្ធបទល្មើសគ្រឿងញៀ.ន ។
នៅក្នុងយុទ្ធនាការនេះមិនត្រឹមតែអ្នកដែលជួញដូរនោះទេ មន្ត្រីស៊ីវិល និងកងកម្លាំងដែលប្រើប្រាស់គ្រឿងញៀ.ន តួយ៉ាងក្រសួងមហាផ្ទៃក៏បានអនុវត្តវិធានការបណ្ដេញចេញពីក្របខ័ណ្ឌចំពោះមន្ត្រីដែលពាក់ព័ន្ធនឹងបទល្មើសគ្រឿងញៀ.ន និងការសេពគ្រឿងញៀ.ននេះ ជាច្រើនផងដែរ ។ ប៉ុន្តែទោះបីជាយ៉ាងណាក៏ដោយវានៅតែមាន ។
តួរលេខវាបានបង្ហាញរួចហើយថា នៅក្រោមយុទ្ធនាការដ៏ក្តៅគគុកដែលបានដាក់ចេញនៅចុងឆ្នាំ២០២៣ ដល់ឆ្នាំ២០២៤ កំណើននៃករណីបង្ក្រាប គឺកើនហើយចំនួនគ្រឿងញៀ.នក៏ដូចជា ជនសង្ស័យក៏ច្រើនដែរ ។
បើយោងតាមរបាយការណ៍ដែលបង្ហាញនៅក្នុងសន្និបាតបូកសរុបលទ្ធផលការងារ ឆ្នាំ២០២៤ និងលើកទិសដៅការងារឆ្នាំ២០២៥ របស់អាជ្ញាធរជាតិប្រយុទ្ធប្រឆាំងគ្រឿងញៀ.នបានបង្ហាញថា នៅឆ្នាំ២០២៤ ករណីគ្រឿងញៀ.នដែលបង្ក្រាបបានមានចំនួនដល់ទៅ១០.៦៣០ករណី កើនឡើង២.៥៦៧ករណី ស្មើ៣១,៨៤ភាគរយ បើប្រៀបធៀបនឹងឆ្នាំ២០២៣ ។
សម្រាប់ការឃាត់ខ្លួនជនសង្ស័យ គឺមានចំនួនដល់ទៅ២៧.០៧១នាក់ កើន៣៥,៥៣ភាគរយ មិនតែប៉ុណ្ណោះគ្រឿងញៀ.នដែលសមត្ថកិច្ចបានរឹបអូសយកមានចំនួនជិត១៥តោនកើនឡើងដល់ទៅ៤ដង បើធៀបឆ្នាំ២០២៣ ។
របាយការណ៍បានគូសបញ្ជាក់ទៀតថា គ្រឿងញៀ.នដែលរឹបអូស គឺមានដូចជា ប្រភេទមេតំហ្វេតាមីន, កេតាមីន, ហេរ៉ូអ៊ីន កូកាអ៊ីន និងអ៊ិចស្ដាស៊ី ដោយគ្រឿងញៀ.នទាំងនោះ គឺមកចម្រុះពោល គឺពីតំបន់ត្រីកោណមាស និងមកពីអាមេរិកខាងត្បូង ។
ការប្រយុទ្ធប្រឆាំងនឹងគ្រឿងញៀ.ន ត្រូវតែធ្វើដោយមិនដកដៃពីព្រោះវា គឺជាឧក្រិ.ដ្ឋកម្មដែលបន្សល់ទុកនៅក្នុងសង្គមមនុស្សរាប់សតវត្សរ៍មកហើយ ។ ប៉ុន្តែកាលណាសមត្ថកិច្ច និងមន្ត្រីយើងនៅឆ្ងាយពីវា នោះយើងពិតជាអាចកាត់បន្ថយបាន ។
ក្រៅពីការងារប្រើប្រាស់កម្លាំងហើយនោះ ក្រសួងមហាផ្ទៃក៏គួរតែពង្រឹងកិច្ចសហប្រតិបត្តិការជាមួយនឹងក្រសួងអប់រំ និងក្រសួងពាក់ព័ន្ធបង្កើនកម្មវិធីអប់រំ ដើម្បីឲ្យកុមារ និងយុវសិស្សយើងស្គាល់ដឹង និង ទទួលបាននូវព័ត៌មានដ៏អវិជ្ជមាន និងគ្រោះថ្នាក់អំពីបញ្ហានេះ ។
ការបង្ក្រាប និងទប់ស្កាត់ គឺជារឿងមួយដែលយើងគួរតែពង្រឹង និងអនុវត្តបន្តឲ្យម៉ឺងម៉ាត់ដូចជា ប្រសាសន៍របស់លោកឧបនាយករដ្ឋមន្ត្រី ពោល គឺត្រូវហ៊ានវះកាត់ និងកាត់សាច់ស្អុយចោល ។ ប៉ុន្តែការបញ្ជ្រាប តាមវិធីទន់ភ្លន់តាមការអប់រំក៏ជាយុទ្ធនាការមួយបន្ថែមទម្ងន់ដល់កិច្ចខិតខំប្រឹងប្រែងនៅលើសរមភូមិនៃការប្រយុទ្ធប្រឆាំងនឹងគ្រឿងញៀ.ននេះមួយចំណែកផងដែរ ។
គ្រឿងញៀ.ននៅកម្ពុជា ឥឡូវនេះវាបានជ្រៀតចូលដល់កោសិកាសង្គមសឹងតែទាំងមូលទៅហើយ ដោយចាក់ឫសគល់ដល់កម្រិតមូលដ្ឋាន ដូចនេះវិធានការបោកសម្អាត គឺត្រូវតែធ្វើឲ្យព្រមគ្នាតាមគ្រប់យុទ្ធវិធី ដើម្បីធានាធ្វើយ៉ាងណាដាក់ថ្នាំព្យាបាលបញ្ហា និងរោគសង្គមមួយនេះឲ្យមានប្រសិទ្ធភាព ៕
ចែករំលែកព័តមាននេះ