ខេត្តស្វាយរៀង ៖ កម្លាំងសមត្ថកិច្ចនគរបាលប្រឆាំងគ្រឿងញៀន នៃស្នងការដ្ឋាននគបាលខេត្តស្វាយរៀង បានចុះបង្ក្រាបករណីជួញដូរ រក្សាទុក និងលូចលាក់កែច្នៃដោយខុសច្បាប់ នូវសារធាតុញៀន ដកហូតវត្ថុតាង រួមមាន…
ខេត្តស្វាយរៀង ៖ កម្លាំងសមត្ថកិច្ចនគរបាលប្រឆាំងគ្រឿងញៀន នៃស្នងការដ្ឋាននគបាលខេត្តស្វាយរៀង បានចុះបង្ក្រាបករណីជួញដូរ រក្សាទុក និងលូចលាក់កែច្នៃដោយខុសច្បាប់ នូវសារធាតុញៀន ដកហូតវត្ថុតាង រួមមាន ៖ គ្រឿងញៀនបានជិត១០គីឡូ និងអាវុធខ្លីចំនួន០២ដើម នៅក្រុងបាវិត ។
បើតាមសមត្ថកិច្ចបានឲ្យដឹងថា ករណីនេះ បានកើតឡើងកាលពីថ្ងៃទី១១ មីនា ២០២៥ នៅភូមិបាវិតកណ្តាល សង្កាត់បាវិត ក្រុងបាវិត ។
ការចុះបង្ក្រាបនេះដែរ សមត្ថកិច្ច ចាប់ខ្លួនជនសង្ស័យចំនួន០៦នាក់ (ស្រី០២នាក់) ជាជនជាតិវៀតណាម រួមជាមួយវត្ថុតាង ៖
-ថ្នាំញៀនជិត១០គីឡូក្រាម
-សារធាតុគីមីផ្សំ ជិត០២គីឡូ រួមជាមួយ ម៉ាស៊ឺន ឧបករណ៍ សម្ភារៈកែច្នៃមួយចំនួនទៀត
-អាវុធខ្លី ចំនួន០២ដើម
-ទូរសព្ទដៃចំនួន០៧គ្រឿង
-ម៉ូតូចំនួន០៤គ្រឿង ។
ប្រភពបន្តថា បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញការិយាល័យប្រឆាំងគ្រឿងញៀន នៃស្នងការដ្ឋាននគបាលខេត្តស្វាយរៀង កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីលោកចៅក្រមបានចេញដីកាឃុំខ្លួនបណ្តោះអាសន្ននៅពន្ធនាគារខេត្តស្វាយរៀងរួចរាល់ហើយ ៕
ចែករំលែកព័តមាននេះ