អាមេរិក-កាណាដា ៖ ការប្រកាសរបស់ប្រធានាធិបតីអាមេរិកលោកដូណាល់ត្រាំលើកាណាដាបង្ហាញថា ការចូលកាន់តំណែងរបស់នាយករដ្ឋមន្ត្រីថ្មីកាណាដា នឹងមិនអាចដោះស្រាយអ្វីឡើយ។ ការចូលកាន់តំណែងនាពេលខាងមុខនេះរបស់នាយករដ្ឋមន្ត្រីថ្មីកាណាដាលោកMARK CARNEY មិនអាចបញ្ចប់ការដំឡើងពន្ធគយទៅវិញទៅមករវាងប្រទេសទាំង២នោះបានឡើយ។ លោកត្រាំកាលពីថ្ងៃទី១១មីនា គំរាមបង្កើនពន្ធដល់ទៅ៥០%…
អាមេរិក-កាណាដា ៖ ការប្រកាសរបស់ប្រធានាធិបតីអាមេរិកលោកដូណាល់ត្រាំលើកាណាដាបង្ហាញថា ការចូលកាន់តំណែងរបស់នាយករដ្ឋមន្ត្រីថ្មីកាណាដា នឹងមិនអាចដោះស្រាយអ្វី
ឡើយ។
ការចូលកាន់តំណែងនាពេលខាងមុខនេះរបស់នាយករដ្ឋមន្ត្រីថ្មីកាណាដាលោកMARK CARNEY មិនអាចបញ្ចប់ការដំឡើងពន្ធគយទៅវិញទៅមករវាងប្រទេសទាំង២នោះបានឡើយ។ លោកត្រាំកាលពីថ្ងៃទី១១មីនា គំរាមបង្កើនពន្ធដល់ទៅ៥០% គ្រោងលើដែកថែបនិងអាលុយមីនីញ៉ូមកាណាដា តែប៉ុន្មានម៉ោងក្រោយមកលោកបានដូរចិត្តវិញ។
ការសម្រេចចិត្តនោះតាមលោកត្រាំថា មកពីខេត្តអុនតារីយ៉ូកាណាដាប្រកាសយកពន្ធដល់២៥% លើការនាំចេញអគ្កិសនីរបស់ខេត្តនោះដល់មនុស្ស១,៥លានគ្រួសារនិងបណ្ដាសហគ្រាស នាភាគខាងជើងសហរដ្ឋអាមេរិក។ ទីបំផុតខេត្តកាណាដានោះបានបោះបង់ចោលវិញការយកពន្ធបែបនេះពីរដ្ឋអាមេរិកហើយលោកត្រាំក៏បោះបង់ការយកពន្ធ៥០%នោះវិញដែរ។
ការតបបកវិញរបស់កាណាដាលើការដំឡើងពន្ធរបស់អាមេរិក នាំឲ្យលោកត្រាំខឹង។ លោកបានសន្យាថាចាប់ពីថ្ងៃទី២មេសាទៅនឹងយកពន្ធខ្ពស់លើការនាំចូលបណ្ដារថយន្តកាណាដា ដែលពន្ធខ្ពស់នោះនឹងនាំឲ្យមានការបញ្ចប់ជាស្ថាពរឧស្សាហកម្មរថយន្តននៅកាណាដា។ លោកបន្តថាមធ្យបាយតែមួយគត់ ដែលអាចបញ្ចប់សង្គ្រាមពាណិជ្ចកម្មលុះត្រាតែកាណាដា យល់ព្រមឲ្យប្រទេសខ្លួនក្លាយជារដ្ឋទី៥១របស់អាមេរិក។
ចំណែកនាយករដ្ឋមន្ត្រីថ្មីកាណាដាវិញមានប្រតិកម្មតបថា ប្រទេសលោកនឹងឈ្នះហើយប្រទេសយើងដាច់ខាតមិនចូលទៅក្នុងសហរដ្ឋអាមេរិក ទោះជាតាមរបៀបណាក្ដី។ ក្នុងសារតាមបណ្ដាញសង្គមរបស់លោក ប្រធានាធិបតីអាមេរិកសរសេរកាលពីថ្ងៃទី១២មីនាថា ប្រសិនពលរដ្ឋកាណាដាក្លាយជាពលរដ្ឋអាមេរិគនោះពួកគេនឹងលែងមានពន្ធគយឬបង់ពន្ធលើអ្វីៗទៀត។
ពលរដ្ឋកាណាដាពេលនោះបង់ពន្ធទាបបំផុតហើយរស់នៅ ដោយមានសន្តិសុខជាងពីមុន ហើយនឹងលែងមានបញ្ហាព្រំដែនខាងជើង ហើយអាមេរិកដែលក្លាយជាប្រទេសដ៏ធំជាងគេនៃពិភព លោកនឹងកាន់តែខ្លាំងជាងពេលណាៗទាំងអស់៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ