សហរដ្ឋអាមេរិក ៖ ក្រសួងអប់រំអាមេរិកប្រកាសនាថ្ងៃទី១១មីនាថា ខ្លួននឹងដកបុគ្គលិកចេញជិតពាក់កណ្ដាល ដែលបែបនេះជាការបង្ហាញជាថ្មីពីឆន្ទៈរបស់រដ្ឋការលោកដូណាល់ត្រាំកាត់បន្ថយបុគ្គលិករបស់រដ្ឋសហព័ន្ធ។
ក្នុងសេចក្ដីប្រកាសមួយក្រសួងនោះគូសបញ្ជាក់ថា ក្រសួងចាប់ផ្ដើមនាពេលនេះ កាត់បន្ថយចំនួនបុគ្គលិកដល់ជិត៥០%។ សេចក្ដីប្រកាសបញ្ជាក់ថា បណ្ដានិយោជិតដែលទាក់ទិននឹងការកាត់បន្ថយនោះនឹងដាក់ឲ្យសម្រាករដ្ឋបាលចាប់ពីថ្ងៃទី២១មីនាទៅ។
រដ្ឋមន្ត្រីក្រសួងអប់រំអាមេរិក លោកស្រីLINDA MCMAHONគូសបញ្ចាក់ថា ការដេញបុគ្គលិកចេញនោះ បង្ហាញពីការអនុវត្តការសន្យារបស់ក្រសួងជាគុណប្រយោជន៍នៃប្រសិទ្ធិភាព ការទទួលខុសត្រូវនិងការធានា ដែលធនធានមនុស្សរបស់យើងមានចំនួនសមស្រប។
បណ្ដាសារព័ត៌មានអាមេរិករាយការណ៍កាលពីសប្ដាហ៍មុនថា លោកត្រាំមិនមានការលាក់លៀមឡើយឆន្ទៈលោកចង់រំលាយចោលក្រសួងអប់រំ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ