ខាងក្រោមនេះ យើងខ្ញុំនឹងបង្ហាញអ្នកពីបុគ្គល៧ប្រភេទដែលមិនគួរញ៉ាំកាហ្វេ។ តើមានអ្វីខ្លះទៅ? មានមនុស្សមួយចំនួនក្រោយពេលញ៉ាំកាហ្វេរួចបែរជាចង់ក្អួត បេះដូងលោតញាប់ ឬវិលមុខជាដើម។ ប្រសិនជាអ្នកកើតមានអាការៈទាំងនេះគួរតែបញ្ឈប់ការញ៉ាំកាហ្វេ ព្រោះអ្នកកំពុងប្រតិកម្មជាមួយនឹងកាហ្វេហើយ។ ចំពោះម៉ាក់ៗកំពុងពរពោះ បើញ៉ាំកាហ្វេច្រើន…
ខាងក្រោមនេះ យើងខ្ញុំនឹងបង្ហាញអ្នកពីបុគ្គល៧ប្រភេទដែលមិនគួរញ៉ាំកាហ្វេ។ តើមានអ្វីខ្លះទៅ?
មានមនុស្សមួយចំនួនក្រោយពេលញ៉ាំកាហ្វេរួចបែរជាចង់ក្អួត បេះដូងលោតញាប់ ឬវិលមុខជាដើម។ ប្រសិនជាអ្នកកើតមានអាការៈទាំងនេះគួរតែបញ្ឈប់ការញ៉ាំកាហ្វេ ព្រោះអ្នកកំពុងប្រតិកម្មជាមួយនឹងកាហ្វេហើយ។
ចំពោះម៉ាក់ៗកំពុងពរពោះ បើញ៉ាំកាហ្វេច្រើន នឹងធ្វើឲ្យអ្នកងាយបាត់បង់កូន កើតមុនខែ កូនកម្រើកខុសធម្មតា ឬកូនកើតមកមិនគ្រប់គីឡូឡើយ។ បញ្ហាទាំងនេះកើតឡើងនៅពេលដែលជាតិកាហ្វេអ៊ីនចូលទៅក្នុងខ្លួនកូនក្នុងផ្ទៃច្រើន។ ជាពិសេស ក្នុងពេលអ្នកកំពុងតែបំបៅដោះកូនក៏មិនគួរញ៉ាំកាហ្វេដែរ ព្រោះវាអាចចូលទៅក្នុងរាងកាយកូនតាមរយៈទឹកដោះរបស់អ្នក ដោយធ្វើឲ្យកូនពិបាកគេងលក់ណាស់។
កូនក្រោមអាយុ១៨ឆ្នាំមិនគួរញ៉ាំកាហ្វេឡើយ ព្រោះវាអាចប៉ះពាល់ដល់ការលូតលាស់បាន។ ជាពិសេស ក៏អាចធ្វើឲ្យអ្នកពិបាកគេងលក់ មានអារម្មណ៍អន្ទះសារ ព្រមទាំងឈឺក្បាលផងដែរ។
ចំពោះអ្នកដែលមានអារម្មណ៍មិននឹងនរ និងពិបាកក្នុងការគេង គួរតែចៀសឲ្យឆ្ងាយពីកាហ្វេ ទើបអាចធ្វើឲ្យអ្នកគេងលក់ស្រួលវិញបាន។
អ្នកដែលប្រឈមនឹងជំងឺពុកឆ្អឹង ក៏គួរតែកុំញ៉ាំកាហ្វេដែរ ព្រោះវាអាចធ្វើឲ្យឆ្អឹងរបស់អ្នកកាន់តែពុកជាងនេះបាន។
អ្នកដែលមានអាស៊ីតក្រពះច្រើន រលាកក្រពះ ឬពិបាករំលាយអាហារ ក៏គួរតែចៀសឲ្យឆ្ងាយពីកាហ្វេដែរ ទើបមិនបំផ្លាញសុខភាពក្រពះរបស់អ្នកយ៉ាងងាយ។
អ្នកដែលកំពុងលេបថ្នាំព្យាបាលជំងឺផ្សេងៗក៏មិនគួរញ៉ាំកាហ្វេច្រើនដែរ ព្រោះវាអាចធ្វើឲ្យថ្នាំនោះគ្មានប្រសិទ្ធភាព។ ជាហេតុដែលធ្វើឲ្យជំងឺរបស់អ្នកមិនងាយជាសះស្បើយនោះឡើយ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ