ជំងឺប្លែក នៅសុខៗជើងហើមធំឡើងៗ ពេទ្យមិនដឹងជំងឺអ្វី?
- ព្រះសីហនុ
ខេត្តព្រះសីហនុ ៖ ស្ត្រីចំណាស់ម្នាក់ឈ្មោះ កែវ ចំរើន អាយុ៦៧ឆ្នាំ រស់នៅភូមិវាលមាស ឃុំវាលរេញ មានជំងឺហើមជើងដោយមិនដឹងមូលហេតុ និងបានមកសម្រាកព្យា…
ខេត្តព្រះសីហនុ ៖ ស្ត្រីចំណាស់ម្នាក់ឈ្មោះ កែវ ចំរើន អាយុ៦៧ឆ្នាំ រស់នៅភូមិវាលមាស ឃុំវាលរេញ មានជំងឺហើមជើងដោយមិនដឹងមូលហេតុ និងបានមកសម្រាកព្យា បាលនៅផ្ទះវិញ បន្ទាប់ពីទៅសម្រាកព្យាបាលនៅមន្ទីរពេទ្យតេជោសន្តិភាពនៅឯរាជធានីភ្នំពេញមួយរយៈ ។
ស្ត្រីរូបនេះបានប្រាប់ថា កាលពីជាង២ខែមុន គាត់បានទៅលេងកូននៅភ្នំពេញដើរធ្វើការជាធម្មតា ហើយជើងរបស់គាត់ក៏មិនដែលដួលថ្លោះគ្រេចអ្វីនោះដែរ ។ លុះថ្ងៃមួយ ស្រាប់តែជើងគាត់ចេញអាការៈស្ពឹកៗ ហើយក៏ហើមបន្តិចម្តងៗខុសពីធម្មតា ទើបក្រុមគ្រួសារនាំគាត់ទៅព្យាលបាលនៅមន្ទីរពេទ្យតេជោសន្តិភាព នៅរាជធានីភ្នំពេញ ។ ប៉ុន្តែ នៅពេលពេទ្យពិនិត្យរកមិនឃើញជាជំងឺអ្វី ឯការសង្ស័យថា ជាជំងឺទឹកនោមប្រៃក៏ពិនិត្យមិនឃើញសោះ ។
ដោយសារស្ថានភាពហាក់ដូចជាមិនមានការធូរស្បើយ ពិបាកក្នុងការព្យាបាល ទើបគាត់សម្រេចចិត្តមកផ្ទះវិញ ហើយឲ្យគេមើលថា ជាជំងឺពិសភ្លើង តែបច្ចុប្បន្នជើងគាត់នៅបន្តហើមនៅឡើយ មិនទាន់ស្រកនៅឡើយទេ ។ នេះជាជំងឺម្យ៉ាងកើតដោយមិនដឹងមូលហេតុសោះ សុខៗក៏ហើមជើង ដើរលែងរួចតែម្តង ។
នៅរសៀលថ្ងៃទី៦ ខែមេសា ឆ្នាំ២០២៦ សមាគមនារីស្រុកព្រៃនប់ ដឹកនាំដោយលោកស្រី វាល់ ច័ន្ទវលក្ខណ៍ ប្រធានប្រតិបត្តិសមាគមនារីស្រុក បានទៅសួរសុខទុក្ខ និងនាំយកនូវអំណោយសប្បុរសធម៌របស់សមាគមនារី មានគ្រឿងឧបភោគបរិភោគ និងប្រាក់ចំនួន៤០ម៉ឺនរៀល ដែលបានមកពីចូលរួមរបស់សមាគមនារីស្រុក ទៅឧបត្ថម្ភជូនដល់អ៊ំស្រីដើម្បីជាការជួយសម្រាលការលំបាកខ្លះ ៕
ចែករំលែកព័តមាននេះ