សង្គ្រាមអ៊ុយក្រែន ៖ តំណាងអាមេរិកនិងអ៊ុយក្រែនត្រូវជួបគ្នានាដើមសប្ដាហ៍នេះ នៅអារ៉ាប៊ីសាអូឌីត ប៉ុនប៉ងស្វែងរកជំហររួមមួយ មុនការចរចាជាថ្មីរវាងក្រុងវ៉ាសិុនតោននិងក្រុងមូស្គូ ដើម្បីបញ្ចប់សង្ក្រាមនៅអ៊ុយក្រែន។ ពេលដែលគណៈប្រតិភូអាមេរិក នឹងដឹកនាំដោយរដ្ឋមន្ត្រីការបរទេសលោកម៉ាកូរូប៊ីយ៉ូគណៈ ប្រតិភូអ៊ុយក្រែននឹងដឹកនាំដោយប្រធានាធិបតីលោកវ៉ូឡូឌីមៀរហ្សេឡេនស្គី…
សង្គ្រាមអ៊ុយក្រែន ៖ តំណាងអាមេរិកនិងអ៊ុយក្រែនត្រូវជួបគ្នានាដើមសប្ដាហ៍នេះ នៅអារ៉ាប៊ីសាអូឌីត ប៉ុនប៉ងស្វែងរកជំហររួមមួយ មុនការចរចាជាថ្មីរវាងក្រុងវ៉ាសិុនតោននិងក្រុងមូស្គូ ដើម្បីបញ្ចប់សង្ក្រាមនៅអ៊ុយក្រែន។
ពេលដែលគណៈប្រតិភូអាមេរិក នឹងដឹកនាំដោយរដ្ឋមន្ត្រីការបរទេសលោកម៉ាកូរូប៊ីយ៉ូគណៈ ប្រតិភូអ៊ុយក្រែននឹងដឹកនាំដោយប្រធានាធិបតីលោកវ៉ូឡូឌីមៀរហ្សេឡេនស្គី ដែលត្រូវជួបជាមួយរជ្ជទាយាទអារ៉ាប៊ីសាអូឌីត ព្រះអង្គម្ចាស់ម៉ូហាម៉េដបេនសាល់ម៉ាន់នាថ្ងៃទី១០មីនា។ បន្ទាប់ពីបង្កើនការជួបពិភាក្សា ពិសេសជាមួយបណ្ដាសមភាគីអឺរ៉ុបកាលពីថ្ងៃទី៦មីនា នាឱកាសកិច្ចប្រជុំកំំពូលវិសាមញ្ញរបស់សហភាពអឺរ៉ុបនៅក្រុងព្រុចសែល ប្រធានាធិបតីអ៊ុយក្រែនអះអាងថា លោកមានទំនុកចិត្ត មុនចាប់ផ្ដើមការចរចាដែលត្រូវធ្វើនាថ្ងៃទី១១មីនារវាងអាមេរិកនិងអ៊ុយក្រែននៅអារ៉ាប៊ីសាអូឌីត។
ប៉ុន្តែមុនបើកការចរចាជំហររបស់អ៊ុយក្រែនហាក់នៅដដែល ដូចជំហររបស់សហភាពអឹរ៉ុបដែរដែលថា សន្ធិសញ្ញាសន្តិភាពមួយគួរត្រូវចុះហត្ងលេខា ដើម្បីបញ្ចប់សង្គ្រាមជាមួយរុស្សុីតែសន្ធិសញ្ញានោះត្រូវតែយុត្តិធម៌និងស្ថិតស្ថេរ។ គណៈប្រតិភូអាមេរិកដែលដឹកនាំដោយរដ្ឋមន្ត្រីការបរទេស អមដោយបណ្ដាអ្នកទទួលខុសត្រូវខាងការទូតនិងយោធាច្រើនរូប។
រុស្សុីវាយរុលក្នុងតំបន់ថ្មីអ៊ុយក្រែនរុស្សុីអះអាងនាថ្ងៃទី៩មីនាពីការវាយដណ្ដើមយកបានភូមិមួយក្នុងតំបន់ស៊ូមីអ៊ុយក្រែន ដែលនេះជាលើកទីមួយហើយ ចាប់តាំងពីឆ្នាំ២០២២មក ព្រមទាំងវាយរុលទៅមុខក្នុងតំបន់គួរស្ក៍រុស្សុីនាថ្ងៃទី៩មីនានោះ ដែលនេះជាសង្វាក់កាន់តែកើននៃការវាយលុកថ្មី។ អ៊ុយក្រែនវាយកាន់កាន់មួយផ្នែកតូចនៃតំបន់គួរស្ក៍រុស្សុី ចាប់តាំងពីការវាយលុកមួយកាលពីរដូវក្ដៅឆ្នាំ២០២៤មក។ នេះជាការវាយរុលទៅមុខថ្មីរបស់រុស្សីុលើើខ្សែរណសិរ្ស ខណៈអ៊ុយក្រែនកំពុងស្ថិតក្នុងជំហរការទូតមិនល្អ។
ក្រសួងការពារប្រទេសរុស្ស៊ីអះអាងនាថ្ងៃទី៩មីនាថា វាយយកបានភូមិណូវេនកេជាភូមិតូចមួយក្នុងតំបន់ទីក្រុងស៊ូមីជាប់ព្រំដែនជាមួយតំបន់គួរស្ក៍រុស្ស៊ី ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ