ក្លឹបបិសាចក្រហម Man Utd ទិញចាំទី David de Gea តម្លៃជាង១៨លានផោន
12 ឆ្នាំ មុន
តាមប្រភពព័ត៌មានស៊ី-អិន-អិន ចេញផ្សាយកាលពីថ្ងៃពុធ ទី២៩ មិថុនា ឱ្យបានដឹងថា ក្លឹប Man Utd បានសម្រេចទិញកីឡាករចាំទី David de Gea ពីក្លឹប Atletico ក្នុងតម្លៃ១៨,៩លានផោនជាមួយនឹងកុងត្រារយៈពេល៥ឆ្នាំ។ កីឡាករចាំទីក្រុមជម្រើសជាតិអាយុក្រោម២១ឆ្នាំរបស់អេស្ប៉ាញ ដែលទើបតែបានជួយឱ្យក្រុមរបស់គេទទួលបាន
តាមប្រភពព័ត៌មានស៊ី-អិន-អិន ចេញផ្សាយកាលពីថ្ងៃពុធ ទី២៩ មិថុនា ឱ្យបានដឹងថា ក្លឹប Man Utd បានសម្រេចទិញកីឡាករចាំទី David de Gea ពីក្លឹប Atletico ក្នុងតម្លៃ១៨,៩លានផោនជាមួយនឹងកុងត្រារយៈពេល៥ឆ្នាំ។ កីឡាករចាំទីក្រុមជម្រើសជាតិអាយុក្រោម២១ឆ្នាំរបស់អេស្ប៉ាញ ដែលទើបតែបានជួយឱ្យក្រុមរបស់គេទទួលបានជើងឯកយូរ៉ូឆ្នាំ២០១១ នៅដាណឺម៉ាកថ្មីៗនេះបានធ្វើការពិនិត្យសុខភាពរួចរាល់ហើយ កាលពីថ្ងៃចន្ទនៅក្នុងពហុកីឡដ្ឋាន Old Trafford ហើយគ្រោងនឹងបង្ហាញមុខជាសាធារណៈនៅថ្ងៃសុក្រ នេះ ។
ការទិញយកកីឡាករចាំទីក្នុងតម្លៃដ៏ថ្លៃបែបនេះ ត្រូវបានគេធ្វើការកត់សម្គាល់ថា គឺជាតម្លៃខ្លួនខ្ពស់លំដាប់ទី២ បន្ទាប់ពីកីឡាករចាំទី Buffon របស់ក្លឹប Juventus ដែលមានតម្លៃខ្លួន៣២,៦លានផោន កាលពីឆ្នាំ២០០១ ។ នេះគឺ ជាការចំណាយលុយដ៏ច្រើនសម្រាប់ក្លឹបបិសាចក្រហម Man Utd ដែលរហូតមកដល់ពេលនេះគេបានចំណាយលុយទិញយកកីឡាករពីររូប គឺ Phil Jones និង Ashley Young កាលពីដើមខែនេះ ។
បន្ទាប់ពីចុះកុងត្រារួចហើយ កីឡាករ David de Gea បាននិយាយថា ខ្ញុំពិតជាមានមោទនភាពខ្លាំងណាស់ ដែលបានមកលេងក្នុងក្លឹបដ៏ល្បីមួយនេះ ហើយខ្ញុំនឹងប្រឹងប្រែងឱ្យអស់ពីសមត្ថភាពរបស់ខ្ញុំ ។ កីឡាកររូបនេះបានបន្តទៀតថា ខ្ញុំនឹងបន្តវេនកីឡាករជើងចាស់ Van de Sar ដែលបានចូលនិវត្តន៍ កាលពីខែឧសភា ក្រោយពីក្លឹប Man Utd ប្រកួតចាញ់ Barcelona នៅក្នុងការប្រកួតយូហ្វាឆេមពានលីក ។ គួររំលឹកដែរថា បច្ចុប្បន្នក្លឹប Man Utd មានកីឡាករចាំទី៤រូបគឺកីឡាករ Tomasz Kuszczak, Andre Lindegaard, Ban Amos និង David de Gea ហើយកីឡាករចុងក្រោយនេះនឹងក្លាយទៅជាកីឡាករចាំទីជម្រើសទី១តែម្តង ៕
ចែករំលែកព័តមាននេះ