រាជធានីភ្នំពេញ៖ អ្នកនាំពាក្យក្រសួងសាធារណការ និងដឹងជញ្ជូនបានបានឲ្យដឹងថាស្ពានខ្ពស់ជាងគេនៅកម្ពុជា ដំឡើងធ្នឹមបណ្តោយទាំង៩ប្រឡោះរួចរាល់ហើយ។ លោក ផន រឹមអ្នកនាំពាក្យក្រសួងសាធារណការ និងដឹកជញ្ជូនបានសរសេលើបណ្តាញសង្គមនៅថ្ងៃទី៩ ខែមីនា ឆ្នាំ២០២៥…
រាជធានីភ្នំពេញ៖ អ្នកនាំពាក្យក្រសួងសាធារណការ និងដឹងជញ្ជូនបានបានឲ្យដឹងថាស្ពានខ្ពស់ជាងគេនៅកម្ពុជា ដំឡើងធ្នឹមបណ្តោយទាំង៩ប្រឡោះរួចរាល់ហើយ។
លោក ផន រឹមអ្នកនាំពាក្យក្រសួងសាធារណការ និងដឹកជញ្ជូនបានសរសេលើបណ្តាញសង្គមនៅថ្ងៃទី៩ ខែមីនា ឆ្នាំ២០២៥ បានបណ្ជាក់ថា ធឹ្នមបណ្តោយស្ពានទាំង៩ប្រឡោះ(មួយប្រឡោះចំនួន ៤ធ្នឹម) នៃគម្រោងស្ពានលេខ២៨ តាមបណ្តោយផ្លូវជាតិលេខ១០ ដែលបច្ចុប្បន្នជាស្ពានខ្ពស់ជាងគេនៅកម្ពុជា បានដំឡើងរួចរាល់ហើយ នៅព្រឹកថ្ងៃទី៩ ខែមីនា ឆ្នាំ២០២៥នេះ។
អ្នកនាំពាក្យបានលើកឡើងថាគម្រោងសមិទ្ធផលស្ពានគួរជាទីមោទកភាពនេះ មានកម្ពស់ ៩០ម៉ែត្រ ប្រវែងសរុប ៥៣៧ម៉ែត្រ ទទឹង១០ម៉ែត្រ បានសណ្តូកខ្លួនឆ្លងកាត់ស្ទឹងឫស្សីជ្រុំ ស្ថិតនៅភូមិឆាយលូក ឃុំអូសោម ស្រុកវាលវែង ខេត្តពោធិ៍សាត់។
ជាមួយគ្នានោះដែរអ្នកនាំពាក្យបានលើកឡើងទៀតថាកិច្ចការបន្ទាប់ គឺជាដំណើរការរុះរើរន្ទា,ដំឡើងធ្នឹមកាត់ទទឹង, ចាក់បេតុង, ចាក់កម្រាល និងចាក់AC(Asphalt concrete)ជាកិច្ចបង្ហើយ។
អ្នកនាំពាក្យបានបញ្ជាក់ថា៖« ខ្ញុំបាទសូមជម្រាបជូនថា ស្ពាននេះ នឹងត្រូវដាក់ឱ្យបងប្អូនប្រជាពលរដ្ឋប្រើប្រាស់សាកល្បង មុនពិធីបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ និងគ្រោងបញ្ចប់ការសាងសង់ស្ថាពរ នាអំឡុងខែឧសភា ឆ្នាំ២០២៥»៕
ចែករំលែកព័តមាននេះ