សម្តេចធិបតី ហ៊ុន ម៉ាណែត បានធ្វើដំណើរថ្មើរជើងឡើងទៅកំពូលភ្នំខ្នងផ្សារ ដែលស្ថិតនៅក្នុងឧទ្យានជាតិភ្នំក្រវ៉ាញ ខេត្តកំពង់ស្ពឺ ។ សម្តេចបានចាប់អារម្មណ៍ជាខ្លាំងចំពោះសម្រស់កំពូលភ្នំខ្នងផ្សារនេះ ។ សម្តេចធិបតី…
សម្តេចធិបតី ហ៊ុន ម៉ាណែត បានធ្វើដំណើរថ្មើរជើងឡើងទៅកំពូលភ្នំខ្នងផ្សារ ដែលស្ថិតនៅក្នុងឧទ្យានជាតិភ្នំក្រវ៉ាញ ខេត្តកំពង់ស្ពឺ ។ សម្តេចបានចាប់អារម្មណ៍ជាខ្លាំងចំពោះសម្រស់កំពូលភ្នំខ្នងផ្សារនេះ ។
សម្តេចធិបតី បានសរសេរលើផេកហ្វេសប៊ុកផ្ទាល់ខ្លួន នៅថ្ងៃនេះថា ៖ «ទោះជាហត់បន្តិច ប៉ុន្តែពិតជាមិនខុសបំណងទេ ដោយសារខ្ញុំបានឃើញផ្ទាល់នូវសម្រស់ធម្មជាតិ និងសក្តានុពលនៃតំបន់ទេសចរណ៍ខ្នងផ្សារ ខ្នងសំពៅ… ល្អលើសអ្វីដែលខ្ញុំបានឃើញតាមទូរទស្សន៍ ឬបណ្ដាញផ្សព្វផ្សាយសង្គម។»
ក្នុងដំណើររបស់សម្តេចធិបតី មានការចូលរួមពីសំណាក់ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍, ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន និងឯកឧត្តម ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ ។ ពួកគេបានពិភាក្សាការលើកកម្ពស់វិស័យទេសចរណ៍ធម្មជាតិ និងជួយសម្រួលជីវភាពប្រជាពលរដ្ឋក្នុងសហគមន៍។
ភ្នំខ្នងផ្សារជាតំបន់ទេសចរណ៍ដែលមានទេសភាពអស្ចារ្យ និងបរិស្ថានបរិសុទ្ធដែលអាចទាក់ទាញភ្ញៀវទេសចរជាតិ និងអន្តរជាតិ ។ ជាមួយនឹងការគាំទ្រពីរាជរដ្ឋាភិបាល និងក្រសួងពាក់ព័ន្ធអនាគតនៃទីតាំងនេះអាចក្លាយជាគោលដៅទេសចរណ៍ធម្មជាតិសំខាន់មួយនៅកម្ពុជា ៕
ចែករំលែកព័តមាននេះ