ខេត្តកំពង់ស្ពឺ ៖ លោក ប្រាក់ ច័ន្ទមុន្នី មន្ត្រីប្រចាំការនៅស្ថានីយជញ្ជីង​អចល័ត​កណ្តោលដុំ ខេត្ត​កំពង់ស្ពឺ ដែលជេរប្រមាថអ្នកបើកឡានដឹកទំនិញ ត្រូវបានបញ្ចប់ភារកិច្ចឱ្យមកបម្រើការងារនៅអង្គភាពដើមវិញ ។

បើយោងតាមសេចក្តីប្រកាស​ចុះថ្ងៃទី១៨ ខែឧសភា ឆ្នាំ២០២៦ របស់​ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ បានបញ្ចប់ភារកិច្ចលោក ប្រាក់ ច័ន្ទមុន្នី ពីមន្ត្រីប្រចាំការនៅស្ថានីយជញ្ជីងអចល័តកណ្តោលដុំ ខេត្តកំពង់ស្ពឺ ឱ្យមកបម្រើការងារនៅអង្គភាពដើមវិញ បន្ទាប់ពីលោកបានប្រើប្រាស់ពាក្យសម្តី​មិនសមរម្យដល់ម្ចាស់បើកបរយានយន្ត ដែលចូលថ្លឹងក្នុងស្ថានីយ
ជញ្ជីង។

​បានកត់សម្គាល់ឃើញថា អ្នកគ្រប់គ្រងជញ្ជីងថ្លឹងរថយន្ត​នៅកណ្តោលដុំនេះ មានក្លិនឆ្អេះឆ្អាបយូរហើយរឿងគិតតែលុយ…លុយ ទោះដឹកមិនលើសទម្ងន់ក៏លុយ ។

មានព័ត៌មានបន្ថែមនឹងផ្សាយជូននៅលើកាសែតកោះសន្តិភាព ។