ខេត្តកំពង់ស្ពឺ ៖ បុរសវ័យចំណាស់ម្នាក់ត្រូវបានកម្លាំងនគរបាលស្រុកឱរ៉ាល់ធ្វើការឃាត់ខ្លួនតាមបណ្តឹងរបស់ប្រពន្ធ និងកូន ខណៈដែលបុរសវ័យចំណាស់ខាងលើបានផឹកស្រាស្រវឹងរករឿងវា.យប្រពន្ធកូន បើទោះបីជាថ្ងៃ៨ មីនា ទូទាំងប្រទេសគេប្រារព្ធពិធីសិទ្ធិនារី ហើយក៏ដោយ ។…
ខេត្តកំពង់ស្ពឺ ៖ បុរសវ័យចំណាស់ម្នាក់ត្រូវបានកម្លាំងនគរបាលស្រុកឱរ៉ាល់ធ្វើការឃាត់ខ្លួនតាមបណ្តឹងរបស់ប្រពន្ធ និងកូន ខណៈដែលបុរសវ័យចំណាស់ខាងលើបានផឹកស្រាស្រវឹងរករឿងវា.យប្រពន្ធកូន បើទោះបីជាថ្ងៃ៨ មីនា ទូទាំងប្រទេសគេប្រារព្ធពិធីសិទ្ធិនារី ហើយក៏ដោយ ។
ការឃាត់ខ្លួនបុរសវ័យចំណាស់ខាងលើប្រើហិ.ង្សាលើប្រពន្ធ និងកូនបាន កាលពីល្ងាចថ្ងៃទី៨ ខែមីនា ឆ្នាំ២០២៥នេះ ។ មន្ត្រីនគរបាលបាននិយាយឱ្យដឹងថា កម្លាំងបានទទួលពាក្យបណ្ដឹងពីឈ្មោះ សាត យី ភេទស្រី អាយុ៦០ឆ្នាំ រស់នៅភូមិតាំងស្រឹង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ បានប្ដឹងរៀបរាប់ថា កន្លងមកប្ដីរបស់ខ្ញុំឈ្មោះ យិន ធឿន ភេទប្រុស អាយុ៦២ឆ្នាំ រស់នៅភូមិឃុំកើតហេតុត្រូវជាប្ដី តែងតែផឹកស្រាស្រវឹង ហើយប្រើអំពើហិ.ង្សាមកលើខ្លួន និងកូនជាច្រើនលើកច្រើនសារ និងគំរា.មសម្លា.ប់មកលើខ្លួនថែមទៀតផង ហើយក៏ធ្លាប់បានធ្វើកិច្ចសន្យានៅនគរបាលប៉ុស្តិ៍នគរបាលឃុំរួចដែរ (កាលនៅមេប៉ុស្តិ៍ចាស់) បន្ទាប់មកឈ្មោះ យិន ធឿន នៅតែប្រើអំពើហិ.ង្សា និងគំរា.មសម្លា.ប់មកលើខ្លួននិងកូនដដែលៗ រហូតនៅជាមួយគ្នាលែងកើតទើបខ្លួនទៅរស់នៅផ្ទះកូនបង្កើតនៅភូមិជាមួយក្បែរនោះ ។
មន្ត្រីនគរបាលដដែលបានបន្តថា ៖ ជាក់ស្ដែងនៅថ្ងៃទី៧ ខែមីនា ឆ្នាំ២០២៥ វេលាម៉ោង២១និង០០នាទី នៅចំណុចភូមិតាំងស្រឹង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ឈ្មោះ យិន ធឿន បានផឹកស្រាស្រវឹង ហើយចូលមកផ្ទះវិញយប់រោទ៍ម៉ូតូបំពងសំឡេងខ្លាំងៗពេលកូនទៅប្រាប់ក៏ប្រើអំពើហិ.ង្សាទៅលើកូនរបស់ខ្លួនឈ្មោះ ធឿន ធាន ភេទប្រុស ប៉ុន្តែមិនបណ្ដាលឱ្យរងរបួសនោះទេ លុះព្រឹកឡើងឈ្មោះ ធឿន សុខនៅ ត្រូវជាកូនបានជិះម៉ូតូមកសួរពេលមកដល់ត្រូវបានឪពុកទាញដំបងឬស្សីវាយចំក្បាលផ្នែកខាងឆ្វេងមួយដំបងបណ្តាលឱ្យរងរបួសស្រាលជាំហើម និងយកកូនពូថៅដេញកា.ប់កូនបន្ថែមទៀត តែត្រូវកូនជិះម៉ូតូគេចខ្លួនផុត ។ ទើបខ្លួន(កូន)កើតទុកមិនសុខចិត្តមកដាក់ពាក្យបណ្ដឹងសំណូមពរឱ្យសមត្ថកិច្ចនគរបាលជួយធ្វើអន្តរាគមន៍ និងចាប់ជនប្រព្រឹត្តិជាប្ដី(ឪពុក) យកទៅចាត់ការតាមច្បាប់ ។
ក្រោយទទួលព័ត៌មាន និងបណ្ដឹងពីជនរងគ្រោះជាប្រពន្ធ កម្លាំងកម្លាំងជំនាញរបស់អធិការដ្ឋានរួមជាមួយកម្លាំងនគរបាលរដ្ឋបាលសង្កែសាទប បានចុះទៅដល់កន្លែកើតហេតុឃាត់ខ្លួនជនសង្ស័យជាប្ដីយកមកអធិការដ្ឋាននគរបាលស្រុកឱរ៉ាល់ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ